ព័ត៌មានអន្ដរជាតិ
វ៉ាក់សាំង Pfizer ដូសទី៣ កាត់បន្ថយហានិភ័យឆ្លងកូវីដខ្លាំងជាងមុន៤ដង ចំពោះមនុស្សវ័យចំណាស់
វ៉ាក់សាំង Pfizer ដូសទី៣ ធ្វើឱ្យរាងកាយមានការការពារខ្លាំងជាងមុនប្រឆាំងនឹងការឆ្លងវីរុសកូវីដ-១៩ និងបន្ថយអាការធ្ងន់ធ្ងរចំពោះមនុស្សវ័យចាប់ពី ៦០ ឆ្នាំឡើងទៅ។ នេះបើយោងតាមការស្រាវជ្រាវរបស់ក្រសួងសុខាភិបាលអ៊ីស្រាអែល។
គេបានរកឃើញថា មនុស្សដែលចាក់ថ្នាំបង្ការកូវីដប្រភេទ Pfizer មានលទ្ធភាពការពារប្រសើរជាងមុនរហូតដល់ ៤ដង បន្ទាប់ពីចាក់បាន ១០ថ្ងៃ បើប្រៀបធៀបទៅនឹងអ្នកដែលចាក់តែ២ដូស។
អ៊ីស្រាអែលជាប្រទេសដំបូងគេនៅលើពិភពលោកដែលចាប់ផ្តើមចាក់វ៉ាក់សាំងដូសទី៣ដល់មនុស្សអាយុ ៦០ឆ្នាំឡើង កាលពីចុងខែកក្កដា ដែលមកទល់នឹងពេលនេះ មានមនុស្សជាងមួយលាននាក់ហើយ បានចាក់ដូសទី៣នេះ។
ទោះបីក្រសួងមិនបញ្ចេញតួលេខពិតប្រាកដ តែក្រុមមន្រ្តីសុខាភិបាលនិយាយថា មនុស្សវ័យចំណាស់មួយចំនួនបានស្មគ្រចិត្តចូលរួមក្នុងការសិក្សា ហើយពួកគេត្រូវបានពិនិត្យអង់ទីគ័ររយៈពេល ១០ថ្ងៃ បន្ទាប់ពីចាក់លើកទី៣។ ក្រោយតេស្តអង់ទីគ័ររួច គេបានរកឃើញប្រសិទ្ធភាពវ៉ាក់សាំងបានកើនឡើងពី ៤-៦ដងចំពោះអ្នកស្មគ្រចិត្តទាំងនោះ។
ទោះជាយ៉ាងនេះក្ដី អ្នកជំនាញដទៃនិយាយថា រាងកាយត្រូវការពេលរហូតដល់ពីរសប្តាហ៍ ដើម្បីបង្កើតភាពស៊ាំ ហើយការរកឃើញនេះត្រូវការក្សាបន្ថែម។
ដោយឡែកការសិក្សាស្រាវជ្រាវដែលធ្វើឡើងដោយវិទ្យាស្ថាន Gertner និងវិទ្យាស្ថាន KI របស់អ៊ីស្រាអែលបានរកឃើញថា វ៉ាក់សាំង Pfizer មានប្រសិទ្ធភាព ៨៦ភាគរយប្រឆាំងនឹងការឆ្លងវីរុសកូវីដ-១៩ ក្នុងរវាង ៧ថ្ងៃ ក្រោយពីចាក់ដូសទី២រួចរាល់។ ប៉ុន្តែវ៉ាក់សាំងនេះបានធ្លាក់ចុះប្រសិទ្ធភាពមកត្រឹម ៧០ភាគរយ ក្នុងរយៈពេល ៦ខែបន្ទាប់។ ដូច្នេះការចាក់ដូសទី៣ ជាដំណោះស្រាយមួយប្រសើរដើម្បីទប់ស្កាត់ការផ្ទុះឡើងនៃការរាតត្បាត ក៏ដូចជាការពារសុខភាពអ្នកមានប្រព័ន្ធភាពស៊ាំខ្សោយ៕
ប្រែសម្រួល៖ សន្យា
ប្រភព៖ Daily Mail
ចុចអាន៖ នេះប្រសិទ្ធភាពវ៉ាក់សាំងកូវីដថ្មីរបស់តៃវ៉ាន់ចាប់ផ្តើមចាក់ផ្លូវការម្សិលមិញ
ចុចអាន៖ ៦០ ឆ្នាំខាងមុខ នឹងមានជំងឺរាតត្បាតមួយទៀត វាយលុកពិភពលោក ដូចកូវីដ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង