ព័ត៌មានអន្ដរជាតិ

កូរ៉េខាងជើងទំនងជាចាប់ដំណើរការរ៉េអាក់ទ័រនុយក្លេអ៊ែរឡើងវិញ, UN និយាយ

បានផុស

៤ years មុន

នៅ

ថ្ងៃចន្ទ ៣០ សីហា ២០២១

ដោយ

ទីភ្នាក់ងារអាតូមិចអង្គការសហប្រជាជាតិបាននិយាយក្នុងរបាយការណ៍មួយថា ប្រទេសកូរ៉េខាងជើងទំនងជាចាប់ផ្តើមដំណើរការរ៉េអាក់ទ័រនុយក្លេអ៊ែរឡើងវិញ។

សារធាតុផ្លាតូនីញ៉ូម (Plutonium) ដែលត្រូវបានប្រើសម្រាប់ផលិតអាវុធនុយក្លេអ៊ែរត្រូវបានគេជឿថា ត្រូវបានផលិតនៅបរិវេណរបស់រ៉េអាក់ទ័រ។

ទីភ្នាក់ងារថាមពលអាតូមិចអន្តរជាតិ (IAEA) ត្រូវបានទីក្រុងព្យុងយ៉ាងបដិសេធកាលពីឆ្នាំ២០០៩ ប៉ុន្តែផ្អែកលើរូបភាពផ្កាយរណបត្រូវបានធ្វើការវាយតម្លៃ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកឃ្លាំមើលនិយាយថា រ៉េអាក់ទ័រកំពុងត្រូវបានបញ្ចេញទឹកត្រជាក់ចាប់តាំងពីខែកក្កដា ដែលនេះបង្ហាញថា វាកំពុងដំណើរការ។

ទីតាំង Yongbyon ជាមជ្ឈមណ្ឌលវិទ្យាសាស្ត្រនុយក្លេអ៊ែរ និងអាវុធមានរ៉េអាក់ទ័រសមត្ថភាព៥មេហ្គាវ៉ាត់ គឺជាបេះដូងនៃកម្មវិធីនុយក្លេអ៊ែររបស់កូរ៉េខាងជើង។

យោងតាម IAEA បានឲ្យដឹងថា នេះជាសញ្ញាដំបូងនៃសកម្មភាពប្រតិបត្តិការនៅកន្លែងរ៉េអាក់ទ័រ ចាប់តាំងពីខែធ្នូ ឆ្នាំ២០១៨មក ប៉ុន្មានខែ បន្ទាប់ពីលោកប្រធានាធិបតីអាមេរិក ដូណាល់ ត្រាំ បានជួបលោក គីម ជុងអ៊ុន នៅប្រទេសសិង្ហបុរី។

ទីតាំង Yongbyon ត្រូវបានឃ្លាំមើលពីចម្ងាយជាយូរមកហើយដោយអ្នកជំនាញដែលព្យាយាមស្វែងយល់ថាតើអាវុធប៉ុន្មានគ្រាប់ដែលកូរ៉េខាងជើងមានសមត្ថភាពផលិតបាន។

ទីភ្នាក់ងារ IAEA ក៏ផ្តល់សេចក្តីលំអិតអំពីមន្ទីរពិសោធវិទ្យុសកម្មគីមីនៅទីតាំងនោះដែលដំណើរការឡើងវិញដោយចំណាយលើឥន្ធនៈនុយក្លេអ៊ែរ។ ទីភ្នាក់ងារបានបង្ហាញពីប្រតិបត្តិការកាលពីខែមិថុនា។ របាយការណ៍ថ្មីបំផុតបាននិយាយថា មន្ទីរពិសោធបានកំពុងដំណើរការរយៈពេល៥ខែគិតត្រឹមខែកក្កដា ឆ្នាំ២០២១។

ទីភ្នាក់ងារ IAEA បាននិយាយថា ការអភិវឌ្ឍនៅឯរ៉េអាក់ទ័រ និងមន្ទីរពិសោធគឺជាបញ្ហាយ៉ាងធ្ងន់ធ្ងរ ហើយជាការរំលោភបំពានលើសេចក្តីសម្រេចរបស់ក្រុមប្រឹក្សាសន្តិសុខអង្គការសហប្រជាជាតិយ៉ាងច្បាស់។

រ៉េអាក់ទ័រមានសមត្ថភាពកម្រិត៥មេហ្គាវ៉ាត់នៅទីតាំងនោះគឺជាធនធានដ៏សំខាន់នៃសារធាតុផ្លាតូនីញ៉ូមសម្រាប់ការផលិតអាវុធនុយក្លេអ៊ែររបស់ទីក្រុងព្យុងយ៉ាង បើទោះជាអ្នកវិភាគជាច្រើនចង្អុលបង្ហាញថា សម្ភារៈទាំងនោះចាស់ៗហើយ៕

ប្រែសម្រួល៖ វីរបុត្រ
ប្រភព៖ reuters