ព័ត៌មានអន្ដរជាតិ
ទាហានអះអាងដណ្តើមបានអំណាចប្រទេសហ្គីណេដោយរដ្ឋប្រហារ
វាសនារបស់ប្រធានាធិបតីប្រទេសហ្គីណេ លោក Alpha Condé មិនច្បាស់លាស់ឡើយ បន្ទាប់ពីមានវីដេអូមួយបង្ហាញឲ្យឃើញលោកត្រូវបានទាហាននៅជុំវិញដែលត្រូវបាននិយាយថា ពួកគេបានកាន់កាប់អំណាច។
ពួកគេបានលេចមុខលើកញ្ចក់ទូរទស្សន៍ជាតិដោយបានអះអាងថា បានរំលាយរដ្ឋាភិបាល។ ទោះបីជាយ៉ាងណា ក្រសួងការពារជាតិបាននិយាយថា ការប៉ុនប៉ងចូលកាន់អំណាចត្រូវបានរារាំងដោយកម្លាំងការពាររបស់ប្រធានាធិបតី។
ហេតុការណ៍នេះបានកើតឡើងប៉ុន្មានម៉ោងបន្ទាប់ពីមានការផ្ទុះអាវុធទ្រង់ទ្រាយធំនៅជិតវិមានប្រធានាធិបតីក្នុងរដ្ឋធានី Conakry។
អគ្គលេខាធិការអង្គការសហប្រជាជាតិលោក Antonio Guterres និងសហភាពអាហ្វ្រិកបានថ្កោលទោសរដ្ឋប្រហារជាក់ស្តែង និងបានទាមទារឲ្យដោះលែងលោកប្រធានាធិបតី Condé ជាបន្ទាន់។
ប្រទេសហ្គីណេស្ថិតនៅ អាហ្វ្រិកខាងលិច សំបូរធនធានធម្មជាតិ ប៉ុន្តែជាច្រើនឆ្នាំកន្លងទៅ ចលាចល និងការគ្រប់គ្រងប្រទេសមិនបានល្អបានធ្វើឲ្យក្លាយជាប្រទេសក្រីក្របំផុតក្នុងពិភពលោក។
សុន្ទរថកាលើកញ្ចក់ទូរទស្សន៍មានទាហាន៩នាក់ដែលមិនបញ្ចេញឈ្មោះ កាន់ទង់ជាតិពណ៌ក្រហម មាស និងបៃតង ដែលបាននិយាយថា ពួកគេឡើងកាន់អំណាចដោយសារអំពើពុករលួយរាលដាល ការគ្រប់គ្រងប្រទេសមិនបានល្អ និងភាពក្រីក្រ៕
ប្រែសម្រួល៖ វីរបុត្រ
ប្រភព៖ BBC
-
ព័ត៌មានអន្ដរជាតិ២៣ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ