ព័ត៌មានអន្ដរជាតិ
យន្តហោះទម្លាក់គ្រាប់បែកបំបាំងកាយអាមេរិកតម្លៃ ២ ពាន់លានដុល្លារ ខូចម៉ាស៊ីនអំឡុងពេលហោះហើរ
យន្តហោះទម្លាក់គ្រាប់បែកបំបាំងកាយតម្លៃ ២ ពាន់លានដុល្លារធុន B2 Spirit ដែលជាអាវុធមួយក្នុងចំណោមអាវុធដ៏សាហាវបំផុតនៅក្នុងឃ្លាំងអាវុធរបស់សហរដ្ឋអាមេរិក ត្រូវរងការខូចខាតបន្ទាប់ពីការចុះចតជាបន្ទាន់នៅឯមូលដ្ឋានទ័ពអាកាស Whiteman ក្នុងរដ្ឋ Missouri។
អ្នកបើកយន្តហោះ ត្រូវបង្ខំចិត្តចុះចត បន្ទាប់ពីខូចម៉ាស៊ីន ពេលហោះហើរ អំឡុងការហ្វឹកហាត់តាមទម្លាប់។ គ្មាននរណាម្នាក់រងរបួសទេ ហើយមិនមានភ្លើងឆេះឡើយនៅពេលយន្តហោះចុះចត។
ឧបទ្ទវហេតុដែលទាក់ទងនឹងយន្តហោះបំបាំងកាយ B2 បានកើតឡើងនៅម៉ោងប្រហែល ១២:៣០ នាទីរំលងអធ្រាត្រ ហើយរដ្ឋបាលអាកាសចរណ៍សហព័ន្ធ (FAA) បានដាក់ការរឹតត្បិតហោះហើរបណ្តោះអាសន្នក្នុងរង្វង់ ៦ ម៉ាលយ៍ នៅគ្រប់ទិសដៅទាំងអស់និងរយៈកម្ពស់ ៨ពាន់ហ្វីតពីដី។
FAA និយាយថា ការរឹតត្បិតនេះ នឹងអនុញ្ញាតឲ្យផ្តល់នូវបរិយាកាសសុវត្ថិភាព សម្រាប់ការស៊ើបអង្កេតអំពីគ្រោះថ្នាក់ ហើយនឹងត្រូវដកវិញនៅម៉ោង ៨ យប់ថ្ងៃទី ១៧ ខែកញ្ញា។
គួរបញ្ជាក់ថា មានយន្តហោះទម្លាក់គ្រាប់បែក B2 ត្រឹមតែ ២១ គ្រឿងប៉ុណ្ណោះ ដែលត្រូវបានផលិត ហើយនៅសល់តែ២០គ្រឿងប៉ុណ្ណោះ បន្ទាប់ពីយន្តហោះមួយគ្រឿងបានធ្លាក់នៅកោះ Guam ក្នុងឆ្នាំ២០០៨។
គេមិនទាន់ដឹងនៅឡើយទេថាតើ យន្តហោះបំបាំងកាយ B2 នៅមូលដ្ឋាន Whiteman មានការខូចខាតកម្រិតណា។ យោងតាម ទូរទស្សន៍ KMBC បានឲ្យដឹងថា យន្តហោះនេះត្រូវបានដាក់នៅមូលដ្ឋាននោះ ចាប់តាំងពីឆ្នាំ១៩៩៣មកម្ល៉េះ៕
ប្រែសម្រួល៖ Vann Vann
ប្រភព៖ Daily Mail
ចុចអាន៖ អាមេរិក កំពុងបញ្ជូនយន្តហោះចម្បាំង F-22 ច្រើនគ្រឿងទៅតំបន់ប៉ាស៊ីហ្វិក ជាសារផ្ញើទៅ ចិន
-
ព័ត៌មានជាតិ៣ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១១ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម១៨ ម៉ោង ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល
-
សន្តិសុខសង្គម១ សប្តាហ៍ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)