ព័ត៌មានអន្ដរជាតិ
ពលរដ្ឋអាមេរិក៦៦លាននាក់ទៀតនៅតែមិនទាន់ព្រមចាក់វ៉ាក់សាំង
កាលពីម្សិលមិញនេះប្រធានាធិបតីសហរដ្ឋអាមេរិក លោក ចូ បៃដិន បានលើកឡើងពីជោគជ័យនៃការអនុវត្តវិធានការចាក់វ៉ាក់សាំងបង្ការកូវីដ-១៩នៅសហរដ្ឋអាមេរិក ប៉ុន្តែលោកបានបញ្ជាក់ថា ត្រូវប្រឹងបន្ថែមទៀត ពីព្រោះនៅមានពលរដ្ឋ៦៦លាននាក់ទៀតមិនទាន់ចាក់។
មន្ត្រីរបស់រដ្ឋបាល ចូ បៃដិន បាននិយាយកាលពីថ្ងៃពុធថា អត្រាចាក់វ៉ាក់សាំងបង្ការកូវីដ-១៩នៅអាមរិកបានកើនឡើងវិញជាង២០% បន្ទាប់ពីរដ្ឋាភិបាលអនុម័តវិធានការបន្តបន្ទាប់ដើម្បីបង្ខំឲ្យពលរដ្ឋចាក់ក្នុងរយៈពេលថ្មីៗនេះ ខណៈចំនួនឆ្លង និងស្លាប់ថ្មីបានថយចុះ។
កាលពីខែកក្កដា លោក ចូ បៃដិន បានសម្រេចឲ្យបុគ្គលិករដ្ឋាភិបាលទាំងអស់ត្រូវតែចាក់វ៉ាក់សាំង ឬធ្វើតេស្តជាប្រចាំ។ ក្នុងខែកញ្ញា លោកនិយាយទៀតថា បុគ្គលិករដ្ឋាភិបាលត្រូវការចាក់វ៉ាក់សាំង ឬក៏ត្រូវប្រឈមនឹងបាត់បង់ការងារ ហើយក្រុមហ៊ុនឯកជនធំៗត្រូវចាក់ ឬធ្វើតេស្តជាប្រចាំ។
មួយរយៈពេលចុងក្រោយនេះ រដ្ឋមួយចំនួន ក៏ដូចជាក្រុមហ៊ុនឯកជនធំៗនៅសហរដ្ឋអាមេរិកបានផ្អាកបុគ្គលិកពីការងារដោយមិនផ្តល់ប្រាក់ខែ ឬបញ្ឈប់ពីការងារតែម្តងដោយសារពួកគេមិនព្រមចាក់វ៉ាក់សាំង។
លោក បៃដិន មានប្រសាសន៍ថា ៖«វិធានការឲ្យចាក់វ៉ាក់សាំងដែលយើងបានចាប់ផ្តើមកាលពីរដូវក្តៅមកកំពុងដំណើការ»។ លោកកត់សំគាល់ថា ច្បាប់ពេញលេញស្តីពីតម្រូវការចាក់វ៉ាក់សាំងរបស់ក្រសួងការងារសម្រាប់អាជីវកម្មនឹងមកដល់ឆាប់ៗ។
លោកថា ៖«យើងនៅមានមនុស្ស៦៦លាននាក់ទៀត នៅតែមិនទាន់ចាក់វ៉ាក់សាំងដែលនេះជាចំនួនដ៏ច្រើន។ យើងមិនអាចឈប់បានទេឥឡូវនេះ»។
តាមទីភ្នាក់ងារសារព័ត៌មាន Reuters ចុងក្រោយបំផុតបង្ហាញថា ប្រជាជនអាមេរិកប្រមាណ៦៦.៣លាននាក់បានចាក់វ៉ាក់សាំងបង្ការកូវីដយ៉ាងហោចណាស់១ដូស និងប្រមាណ៥៧.៣%ចាក់ពេញដូស។ ប៉ុន្តែមន្ត្រីរដ្ឋាភិបាលអាមេរិកនិយាយនៅថ្ងៃពុធថា ពលរដ្ឋអាមេរិក៧៧%ហើយបានចាក់វ៉ាក់សាំងហោចណាស់១ដូស៕
ប្រែសម្រួល៖ វីរបុត្រ
ប្រភព៖ Reuters
-
ព័ត៌មានជាតិ៧ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៥ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៥ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍២២ ម៉ោង ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៥ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
សេដ្ឋកិច្ច៦ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៥ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានអន្ដរជាតិ៣ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore