ព័ត៌មានអន្ដរជាតិ
អាមេរិក ព្រួតដៃជាមួយ កូរ៉េខាងត្បូង ដាក់ទណ្ឌកម្មថ្មីផ្ដោតលើហិរញ្ញវត្ថុយោធា កូរ៉េខាងជើង
សហរដ្ឋអាមេរិកបានប្រកាសសហការជាមួយកូរ៉េខាងត្បូងដាក់ទណ្ឌកម្មថ្មីផ្តោតលើហិរញ្ញវត្ថុយោធាកូរ៉េខាងជើង ។នេះបើយោងតាមការចេញផ្សាយរបស់សារព័ត៌មាន CNA នៅថ្ងៃទី២៨ ខែមីនានេះ ។
![](https://www.kampucheathmey.com/wp-content/uploads/2024/03/istockphoto-1089425072-612x612-1.jpg)
ទណ្ឌកម្មថ្មីរបស់សម្ព័ន្ធមិត្តទាំងពីរនឹងដាក់មុខព្រួញលើបុគ្គលចំនួន ៦ នាក់ និងអង្គភាពចំនួន ២ ដែលមានមូលដ្ឋាននៅក្នុងប្រទេសរុស្ស៊ី ចិន និងអារ៉ាប់រួម ដោយចោទប្រកាន់អ្នកពាក់ព័ន្ធទាំងនោះពីបទផ្តល់មូលនិធិដល់កម្មវិធីអាវុធរបស់កូរ៉េខាងជើង ។
នៅក្នុងសេចក្តីថ្លែងការណ៍រួមមួយរបស់ក្រសួងសេដ្ឋកិច្ចអាមេរិក និងក្រសួងការបរទេសកូរ៉េខាងត្បូងបាននិយាយថា សកម្មភាពនេះត្រូវបានធ្វើឡើងនៅក្នុងការសម្របសម្រួលរវាងប្រទេសទាំងពីរ ហើយឈ្មោះបុគ្គលទាំង ៦ នាក់ដែលត្រូវបានដាក់ទណ្ឌកម្មនោះមានដូចជា Yu Pu Ung, Ri Tong Hyok, Han Chol Man, O In Chun, Jong Song Ho និង Jon Yon Gun ។
ក្រសួងបានបញ្ជាក់បន្ថែមនៅក្នុងសេចក្ដីថ្លែងការណ៍នោះទៀតថា ក្នុងចំណោមអ្នកទាំង ៦ នាក់នោះមានម្នាក់ឈ្មោះ Yu Pu Ung ជាប់ពីបទលាងលុយកខ្វក់ និងផ្គត់ផ្គង់សម្ភារៈរសើបដល់កូរ៉េខាងជើងសម្រាប់ប្រើប្រាស់ក្នុងការអភិវឌ្ឍកម្មវិធីនុយក្លេអ៊ែរ និងមីស៊ីល ហើយក៏ជាអ្នកទទួលខុសត្រូវក្នុងការគ្រប់គ្រងថវិកាផងដែរ ។
![](https://www.kampucheathmey.com/wp-content/uploads/2024/03/C4KOKHH5ERL5ZGSC473GPCRYEA-scaled.jpg)
ចំណែកអង្គភាពដែលជាប់ទោសទណ្ឌរួមមាន ក្រុមហ៊ុន Alis LLC មានមូលដ្ឋាននៅទីក្រុង Vladivostok ប្រទេសរុស្ស៊ី និងក្រុមហ៊ុន Pioneer Bencont Star Real Estate ដែលមានមូលដ្ឋាននៅអារ៉ាប់រួម ។ ក្រុមហ៊ុនទាំងពីរនេះស្ថិតក្រោមបង្គាប់របស់ក្រុមហ៊ុន Chinyong Information Technology Cooperation Co ដែលជាអង្គភាពមួយផ្សារភ្ជាប់ជាមួយនឹងកងកម្លាំងប្រដាប់អាវុធរបស់ប្រទេសកូរ៉េខាងជើង ។
គួរបញ្ជាក់ថា ការដាក់ទណ្ឌកម្មនេះមិនត្រឹមតែផ្តោតទៅលើបុគ្គលដែលពាក់ព័ន្ធដោយផ្ទាល់ប៉ុណ្ណោះទេ ថែមទាំងអ្នកដែលជួយដល់សកម្មភាពហិរញ្ញវត្ថុខុសច្បាប់របស់ប្រទេសកូរ៉េខាងជើងផងដែរ ជាពិសេសអ្នកដែលរកបានរូបិយប័ណ្ណបរទេសនៅក្នុងវិស័យបច្ចេកវិទ្យាព័ត៌មាននៅបរទេស ៕
![](https://www.kampucheathmey.com/wp-content/uploads/2024/03/np_file_207690-1024x682.jpeg)
អត្ថបទ ៖ ប៊ុន សុភាព
-
សេដ្ឋកិច្ច៦ ថ្ងៃ ago
ការវិនិយោគរបស់ក្រុមហ៊ុនជប៉ុន កំពុងជួយរុញឱ្យកំណើនសេដ្ឋកិច្ចកម្ពុជាកាន់តែងើបឡើងបន្ថែមទៀត
-
KPT+៧ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ៤ ថ្ងៃ ago
អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ
-
ព័ត៌មានជាតិ៦ ថ្ងៃ ago
ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក
-
ព័ត៌មានជាតិ២ ថ្ងៃ ago
លោក ជួន ណារិន្ទ បញ្ជាឱ្យហៅគ្រូមន្តអាគមយកកាំភ្លើងពោះខ្លួនឯងមកសួរនាំ ទោះសាមីខ្លួនសុំទោសជាសាធារណៈ
-
ព័ត៌មានជាតិ១ សប្តាហ៍ ago
តើឧកញ៉ាមានសិទ្ធិកាន់កាប់ និងប្រើប្រាស់កាំភ្លើង ដែរឬទេ?
-
ព័ត៌មានជាតិ៥ ថ្ងៃ ago
បុរសម្នាក់ ត្រូវសត្វថ្លែនខាំបណ្តាលឱ្យស្លាប់ ក្រោយបញ្ជូនទៅសង្គ្រោះនៅមណ្ឌលសុខភាព
-
កីឡា១ សប្តាហ៍ ago
លោក សួង បញ្ញា ប្រកាសឈប់ពីការបង្ហាត់គុនខ្មែរ និងការងារនៅទទក