ព័ត៌មានអន្ដរជាតិ
ថៃ កើតទុក្ខមិនសុខចិត្ត ក្រោយបែកធ្លាយ រូបថតទាហានអ៊ីស្រាអែល កាន់ទង់ជាតិរបស់ខ្លួន
តាមការចុះផ្សាយរបស់ Thai PBS កាលពីថ្ងៃសុក្រទី២៩ខែមីនា, ប្រទេសថៃ កំពុងកើតទុក្ខមិនសុខចិត្តនិងខឹងសម្បា បន្ទាប់ពីរូបថតទាហានអ៊ីស្រាអែលកាន់ទង់ជាតិរបស់ខ្លួន ត្រូវបែកធ្លាយនិងមានការចែកចាយពាសពេញបណ្តាញសង្គម។
![](https://www.kampucheathmey.com/wp-content/uploads/2024/03/image-1688.png)
ពាក់ព័ន្ធបញ្ហានេះ ស្ថានទូតថៃប្រចាំទីក្រុង តែលអាវីវ បានដាក់សំណើទៅរដ្ឋាភិបាលអ៊ីស្រាអែល សុំការពន្យល់ជាបន្ទាន់ ហើយជាការឆ្លើយតប ភាគីអ៊ីស្រាអែល បញ្ជាក់ថា ខ្លួនកំពុងតែពិនិត្យរូបថត ទាហានអ៊ីស្រាអែលម្នាក់កាន់ទង់ជាតិថៃ នៅពីមុខគំនរអគារបាក់បែកនេះហើយ។
ទោះបីជាយ៉ាងណាក៏ដោយ អ៊ីស្រាអែល បានជូនដំណឹងទៅស្ថានទូតថៃ ថា ខ្លួនមិនទាន់អាចផ្ទៀងផ្ទាត់បានទេថាតើ រូបថតដែលបង្ហោះនៅលើបណ្តាញសង្គម X គឺជារូបពិត ឬត្រូវបានគេរៀបចំឡើងសម្រាប់គោលបំណងឃោសនា។ យ៉ាងណា សកម្មភាពរបស់ទាហានរូបនេះ គឺមិនសមរម្យទាល់តែសោះ ហើយអ៊ីស្រាអែល កំពុងស៊ើបអង្កេតលើបញ្ហានេះផងដែរ។
ចំពោះរឿងនេះ ឯកអគ្គរាជទូតថៃ ប្រចាំនៅអ៊ីស្រាអែល លោកស្រី Pannabha Chandraramya បានសង្កត់ធ្ងន់ទៅកាន់អ៊ីស្រាអែល អំពីកង្វល់ទីក្រុងបាងកក ហើយជំរុញឲ្យពួកគេប្រុងប្រយ័ត្ន ការពារកុំឲ្យរឿងនេះកើតឡើងម្តងទៀត។ ដោយសារតែប្រទេសថៃ មិនចូលរួមជាមួយភាគីណាមួយក្នុងជម្លោះ ថៃប្រាថ្នាចង់ឲ្យជម្លោះត្រូវបានដោះស្រាយដោយសន្តិវិធី តាមរយៈការចរចា។
![](https://www.kampucheathmey.com/wp-content/uploads/2024/03/image-1689-1024x682.png)
លើសពីនេះ ប្រទេសថៃ ក៏បានសង្កត់ធ្ងន់ដល់គ្រប់ភាគីពាក់ព័ន្ធ អំពីសារៈសំខាន់នៃការប្រកាន់ខ្ជាប់នូវសេចក្តីសម្រេចរបស់អង្គការសហប្រជាជាតិថ្ងៃទី២៥ខែមីនា ដោយអំពាវនាវឲ្យមានបទឈប់បាញ់ជាបន្ទាន់ ក្នុងអំឡុងខែនៃបុណ្យរ៉ាម៉ាឌន និងការដោះលែងចំណាប់ខ្មាំងជាបន្ទាន់ និងដោយគ្មានលក្ខខណ្ឌ។
សូមជម្រាបជាថ្មី អ៊ីស្រាអែល បានប្រកាសសង្រ្គាមលើក្រុមហាម៉ាស កាលពីថ្ងៃទី៧ខែតុលាឆ្នាំ២០២៣ បន្ទាប់ពីចលនាសកម្មប្រយុទ្ធប៉ាឡេស្ទីនមួយនេះ បើកការវាយឆ្មក់ឆ្លងដែន ដោយសម្លាប់មនុស្សជាង១ ១០០នាក់និងចាប់២៥០នាក់ទៀត ធ្វើជាចំណាប់ខ្មាំង។
![](https://www.kampucheathmey.com/wp-content/uploads/2024/03/image-1690.png)
យ៉ាងណា មនុស្សរាប់សិបនាក់ ត្រូវបានដោះលែងវិញជាបន្តបន្ទាប់ តាមរយៈកិច្ចព្រមព្រៀងដោះដូរគ្នា អំឡុងពេលមានបទឈប់បាញ់មួយសប្តាហ៍ក្នុងខែវិច្ឆិកា ប៉ុន្តែបើយោងតាមការអះអាងពីមន្ត្រីអ៊ីស្រាអែល, ចំណាប់ខ្មាំងប្រហែល១៣០នាក់ទៀត នៅតែជាប់ឃុំក្នុងតំបន់ហ្គាហ្សា នៅឡើយ។
ចំណែកបើយោងតាមសេវាសុខភាពដែលគ្រប់គ្រងដោយក្រុមហាម៉ាស, ប្រជាជនប៉ាឡេស្ទីនជាង៣០ ០០០នាក់ ត្រូវបានសម្លាប់ក្នុងយុទ្ធនាការទម្លាក់គ្រាប់បែកនិងប្រតិបត្តិការជើងគោកសងសឹករបស់អ៊ីស្រាអែលទៅលើតំបន់ហ្គាហ្សា៕
អត្ថបទ៖ សុខ សុវណ្ណ
ចុចអាន៖ អ៊ីស្រាអែល ខឹងចិត្ត ក្រោយអាមេរិក មិនវេតូ លើសេចក្តីសម្រេច UN
![](https://kampucheathmey.com/wp-content/uploads/2020/12/1-01-2-01-1.png)
-
ព័ត៌មានជាតិ៧ ថ្ងៃ ago
សមត្ថកិច្ចថា បានហៅលោក ផន ផល្លា ទៅអប់រំ ធ្វើកិច្ចសន្យាឱ្យឈប់បង្ហោះអ្វីដែលងាយយល់ច្រឡំ ប៉ះពាល់សន្តិសុខជាតិ
-
ព័ត៌មានជាតិ៦ ថ្ងៃ ago
អ្នកឧកញ៉ា ឡេង ណាវ៉ាត្រា គោរពអរគុណនាយកទីចាត់ការហ្វឹកហ្វឺនអគ្គបញ្ជាការផ្តល់កងត្រែទ័ព សម្រួលការថតចម្រៀង( ប្រាំសីហាការដ្ឋានប្រវត្តិសាស្រ្តហ្វូណនតេជោ )
-
ជីវិតកម្សាន្ដ១ សប្តាហ៍ ago
ព្រឺរោម!! វីដេអូចម្រៀងប្រវត្តិសាស្ត្រ នៃកាបើកការដ្ឋានព្រែកជីកហ្វូណនតេជោ ដែលមានអ្នកច្រៀងរួមគ្នា ជាង៣០០០នាក់
-
សេដ្ឋកិច្ច៦ ថ្ងៃ ago
ចំណុចចាប់ផ្តើមផ្លូវល្បឿនលឿនភ្នំពេញ-ប៉ោយប៉ែត ស្ថិតនៅខាងជើងវិមានឈ្នះឈ្នះ
-
ព័ត៌មានជាតិ៥ ថ្ងៃ ago
ត្រីតុកកែមានតម្លៃថ្លៃតាមហាងចិន កំពុងបង្កាត់ពូជនៅមជ្ឈមណ្ឌលវារីវប្បកម្មនៅខេត្តព្រះសីហនុ
-
ព័ត៌មានអន្ដរជាតិ១ សប្តាហ៍ ago
ជម្លៀសខ្លួនប្រជាជននៅកោះត្រល់ ក្រោយភ្លៀងធ្លាក់ខ្លាំង១២ម៉ោងជាប់គ្នា
-
ព័ត៌មានជាតិ៤ ថ្ងៃ ago
ក្រុងបាត់ដំបង កំពុងប្រឈមនឹងភក់ជ្រាំ មិនខុសពីទសវត្សរ៍ទី ៨០
-
ព័ត៌មានជាតិ១ សប្តាហ៍ ago
បុរស២នាក់ បើកបរក្នុងស្ថានភាពស្រវឹងបុកបង្គោលភ្លើង ក្រឡាប់រថយន្តរងរបួសស្រាល