អ្នកវិទ្យាសាស្រ្តបារម្ភខ្លាំង! រកឃើញវីរុសកូវីដបំប្លែងខ្លួន សាហាវជាងគេបំផុត
Connect with us
Helistar Cambodia - Helicopter Charter Services

ព័ត៌មានអន្ដរជាតិ

អ្នកវិទ្យាសាស្រ្តបារម្ភខ្លាំង! រកឃើញវីរុសកូវីដបំប្លែងខ្លួន សាហាវជាងគេបំផុត

បានផុស

នៅ

ក្រុមអ្នកជំនាញអង់គ្លេស បានសម្តែងក្តីព្រួយបារម្ភយ៉ាងខ្លាំងលើវីរុសកូវីដ-១៩បំប្លែងប្រភេទថ្មី ដែលគេជឿថា លេចចេញនៅក្នុងប្រទេស បុតស្វាណា ព្រោះវាជាកំណែមានធាតុបំប្លែងច្រើនជាងវីរុសណាៗទាំងអស់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទោះបីជាយ៉ាងណាក៏ដោយ មកទល់ពេលនេះ គេទើបតែរកឃើញ១០ករណីប៉ុណ្ណោះនៃវីរុសបំប្លែងខ្លួនគេឲ្យឈ្មោះថា “Nu” នេះ។

ប៉ុន្តែវាត្រូវបានគេប្រទះឃើញនៅក្នុងប្រទេសចំនួនបីរួចទៅហើយ ដែលបង្ហាញថា វីរុសបំប្លែងខ្លួនប្រភេទនេះ រីករាលដាលខ្លាំង។

វីរុសនេះមានផ្ទុកនូវធាតុបំប្លែងចំនួន៣២ប្រភេទ ជាហេតុធ្វើឲ្យវាឆ្លងខ្លាំងបំផុត ព្រមទាំងធន់នឹងវ៉ាក់សាំង ហើយមានការប្រែប្រួលចំពោះសរសៃប្រូតេអ៊ីន ច្រើនជាងប្រភេទផ្សេងៗទៀត។

លោកវេជ្ជបណ្ឌិត Tom Peacock អ្នកឯកទេសខាងមេរោគនៅមហាវិទ្យាល័យ Imperial បានពណ៌នាការរួមផ្សំនៃធាតុបំប្លែងរបស់មេរោគនេះថា “គួរឲ្យរន្ធត់”។

លោកព្រមានថា វីរុសបំប្លែងខ្លួនមានលេខកូដ B.1.1.529 មួយនេះ ពិតជាគួរឲ្យខ្លាចជាងមេរោគណាៗទាំងអស់ រួមទាំងសាហាវជាងវីរុសបំប្លែងខ្លួន Delta ដែលកំពុងត្រួតត្រាពិភពលោកផងដែរ។

គួរបញ្ជាក់ថា រហូតមកដល់បច្ចុប្បន្ន ការឆ្លងវីរុសបំប្លែងខ្លួន Nu ចំនួន៣ករណី ត្រូវបានគេរកឃើញនៅក្នុងប្រទេសបុតស្វាណា និង ៦ករណីនៅអាហ្វ្រិកខាងត្បូង។

ករណី​មួយទៀត ​ក៏​ត្រូវ​បាន​គេរកឃើញលើ​បុរស​វ័យ ៣៦ ឆ្នាំ​ម្នាក់​នៅ​ទីក្រុង​ហុងកុង​ ដែល​ទើប​ត្រឡប់មក​ពី​ទ្វីប​អាហ្វ្រិកផងដែរ៕

ប្រែសម្រួល៖ Vann Vann

ប្រភព៖ Daily Mail

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services