ដំណឹងថ្មី! អ្នកវិទ្យាសាស្ត្រកំពុងបង្កើតស្ករកៅស៊ូទំពារកម្ចាត់ កូវីដ ក្នុងទឹកមាត់ (មានវីដេអូ)
Connect with us
Helistar Cambodia - Helicopter Charter Services

ព័ត៌មានអន្ដរជាតិ

ដំណឹងថ្មី! អ្នកវិទ្យាសាស្ត្រកំពុងបង្កើតស្ករកៅស៊ូទំពារកម្ចាត់ កូវីដ ក្នុងទឹកមាត់ (មានវីដេអូ)

បានផុស

នៅ

អ្នកស្រាវជ្រាវមកពីសាកលវិទ្យាល័យ Pennsylvania បានបង្កើតស្ករកៅ ស៊ូម្យ៉ាងមានសមត្ថភាពអាចកាត់បន្ថយ ឬទប់ស្កាត់ការចម្លងនៃជំងឺកូវីដ ១៩ នៅ ក្នុងទឹកមាត់ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅ ពេលដែលអ្នកជំងឺកូវីដទំពារស្ករកៅ ស៊ូមួយនេះរួចហើយ អ្នកវិទ្យាសាស្ត្រក៏បានយកសំណាកពីទឹកមាត់ទៅ ពិនិត្យឃើញថា មេរោគកូវីដ ១៩ ដែលមាននៅ ក្នុងទឹកមាត់គឺមានអត្រាថយជាងមុនក្នុងកម្រិតមួយគួរឲ្យភ្ញាក់ផ្អើល ។

ចំណែកការផលិតរបស់ស្ករកៅ ស៊ូនេះវិញ អ្នកវិទ្យាសាស្ត្របានយកប្រូតេអ៊ីនពីរុក្ខជាតិមួយឈ្មោះថា ACE2 គឺជាប្រូតេអ៊ីនម្យ៉ាងស្រដៀងនឹងប្រូតេអ៊ីនរបស់មនុស្ស ហើយវាក៏ជាកន្លែងមួយដែលនាំកូវីដ ១៩ ចូលទៅ ក្នុងខ្លួនមនុស្ស ព្រោះថាមេរោគកូវីដ ១៩ មុនពេលចូលក្នុងរាងកាយមនុស្ស វាមាន Spike ឬបន្លា ចាប់យកនូវប្រូតេអ៊ីន ACE2 រួចហើយវាជ្រៀតចូលក្នុងរាងកាយ ។

ដូច្នេះហើយទើបអ្នកវិទ្យាសាស្ត្របណ្ដុះប្រូតេអ៊ីនពីរុក្ខជាតិ ព្រមទាំងយកមេរោគកូវីដនៅ ក្នុងបន្ទប់ពិសោធន៍លាយបញ្ចូលគ្នាជាមួយ ACE2 បង្កើតទៅ ជាស្ករកៅ ស៊ូមួយនេះដែលមានសមត្ថភាពកាត់បន្ថយការចម្លងមេរោគកូវីដ ១៩ នៅ ក្នុងទឹកមាត់ ។

ទន្ទឹមនោះ ការផលិតស្ករកៅ ស៊ូនេះឡើងដើម្បីឲ្យអ្នកជំងឺទំពារ ព្រោះតែមេរោគកូវីដ ១៩ វាវិវត្តខ្លួនឯងនៅ ក្នុងទឹកមាត់ ហើយនៅ ពេលដែលអ្នកជំងឺកណ្ដាស់ ក្អក និយាយ មេរោគអាចសាយភាយចេញមក និងអាចចម្លងទៅ កាន់អ្នកដទៃបាន ។

បន្ថែមពីនេះ វាក៏អាចជួយអ្នកជំងឺពីការឈឺធ្ងន់ធ្ងរ និងការស្លាប់ ដោយសារកូវីដបានផងដែរ ព្រោះថាមេរោគមិនបានចូលទៅ ក្នុងខ្លួនរាងមនុស្សបានច្រើននោះទេ ប៉ុន្តែការសិក្សានេះគឺធ្វើឡើងនៅ ក្នុងមន្ទីរពិសោធន៍ប៉ុណ្ណោះ ខណៈមិនទាន់មានការសាកល្បងព្យាបាលជាទូទៅ នៅ ឡើយទេ ៕

សូមទស្សនាវីដេអូ!

ប្រែសម្រួលដោយ ៖ ជីវ័ន្ត

ប្រភព ៖ Indian Express

ចុចអាន ៖ គ្រូពេទ្យជំនាញ ថៃ ថា កុំភ័យស្លន់ស្លោចំពោះ Omicron ព្រោះវាជា ធម្មជាតិវដ្តជីវិតវីរុស

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services