គ្រូពេទ្យជំនាញ ថៃ ថា កុំភ័យស្លន់ស្លោចំពោះ Omicron ព្រោះវាជា ធម្មជាតិវដ្តជីវិតវីរុស (មានវីដេអូ)
Connect with us

ព័ត៌មានអន្ដរជាតិ

គ្រូពេទ្យជំនាញ ថៃ ថា កុំភ័យស្លន់ស្លោចំពោះ Omicron ព្រោះវាជា ធម្មជាតិវដ្តជីវិតវីរុស (មានវីដេអូ)

បានផុស

នៅ

លោកវេជ្ជបណ្ឌិត Yong Poovorawan ដែលជាអ្នកជំនាញខាងមេរោគមកពីសាកលវិទ្យាល័យ Chulalongkorn នៃប្រទេសថៃបាននិយាយថា សាធារណជនមិនគួរភ័យស្លន់ស្លោចំពោះវីរុសកូវីដបំប្លែងខ្លួន Omicron ឡើយ ព្រោះវាគឺជាធម្មជាតិនៃវដ្តជីវិតរបស់មេរោគ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កន្លងមកអង្គការសុខភាពពិភពលោក (WHO) ក៏ធ្លាប់បានអះអាងដែរថា ពិភពលោកមិនគួរភ័យស្លន់ស្លោចំពោះវីរុសបំប្លែងខ្លួនថ្មី Omicron នោះទេ ប៉ុន្តែគួរតែត្រៀមខ្លួនឲ្យបានល្អ ខណៈតាមការរកឃើញដំបូងបានបង្ហាញថា ករណីវីរុសកូវីដបំប្លែងខ្លួន Omicron ភាគច្រើនគឺ “ស្រាល” ។

យ៉ាងណា លោក Yong ក៏បានផ្ដល់ដំបូន្មានដល់មនុស្សឲ្យបន្តការពារខ្លួនពីវីរុសមួយនេះផងដែរ ក្រោយថៃរកឃើញករណី Omicron ដំបូងលើជនជាតិអាមេរិកម្នាក់ដែលធ្វើដំណើរពីប្រទេសអេស្ប៉ាញ កាលពីថ្ងៃទី៣០ ខែវិច្ឆិកា ឆ្លងកាត់ទីក្រុងឌូបៃតាមរយៈគម្រោងលើកលែងការធ្វើចត្តាឡីស័ក Test & Go ។

លោក Yong បាននិយាយថា ទោះវាជាធម្មជាតិនៃវដ្តជីវិតរបស់មេរោគក៏ដោយ លោកសូមជំរុញឲ្យប្រជាជនទៅ ចាក់វ៉ាក់សាំងកូវីដ និងអ្នកចាក់បានពេញលេញហើយ ត្រូវទៅ ចាក់ដូសជំរុញផងដែរ ។ លោកក៏រំឭកដល់មនុស្សឲ្យប្រកាន់ខ្ជាប់យ៉ាងតឹងរ៉ឹងនូវវិធានការបង្ការជំងឺកូវីដ ១៩ រួមទាំងការលាងដៃឲ្យបានញឹកញាប់ រក្សាទម្លាប់អនាម័យ ការពាក់ម៉ាស និងការរក្សាគម្លាតសង្គមជាដើម ៕

សូមទស្សនាវីដេអូ!

ប្រែសម្រួលដោយ ៖ ជីវ័ន្ត

ប្រភព ៖ Bangkok Post

ចុចអាន ៖ ខុសពី WHO គ្រូពេទ្យជំនាញ ថៃ ប្រាប់តែ ៣ ក្បាច់ប៉ុណ្ណោះ Omicron មិនមកកៀក

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ជីវិតកម្សាន្ដ៣ នាទី មុន

ប៉ែន ចំ​រ៉ុង ចាត់ទុក​លោក ហ្វៃ សំអាង ជា​អ្នកមាន​គុណ​ដំបូង​គេ​លើ​វិស័យ​ភាពយន្ត

ជីវិតកម្សាន្ដ៤២ នាទី មុន

ខេ​មរៈ​ សិរីមន្ត ធ្វើ​ពិធីបុណ្យ​គំរប់​ខួប​៣​ឆ្នាំ ខេ​មរៈ ស្រី​ពៅ យ៉ាង​អធិកអធម

ជីវិតកម្សាន្ដ៣ ម៉ោង មុន

រឿងរ៉ាវនាយ ចយ និងភរិយា ​ត្រូវសារព័ត៌មានវៀតណាមយកទៅចុះផ្សាយបែបនេះ

ព័ត៌មានជាតិ៣ ម៉ោង មុន

មន្ត្រី​នៅតែ​ទទូច​ឲ្យ​អ្នកពាក់ព័ន្ធ​ចូលរួម​ផ្តល់​ជា​មតិយោបល់​លើ​សេចក្ដីព្រាងច្បាប់​បង្កើត “​គណៈកម្មាធិការ​ជាតិ​សិទ្ធិមនុស្ស​កម្ពុជា​”

កីឡា៤ ម៉ោង មុន

កីឡាករ កីឡាការិនី​ឆ្នើមៗ ដែល​ដណ្តើមបាន​ជ័យលាភី នឹង​ត្រូវបាន​សហព័ន្ធ​ជ្រើសរើស​ឲ្យ​ជាប់​ជា​ជម្រើសជាតិ​កីឡា​បាញ់កាំភ្លើង ឆ្នាំ​២០២២

Sokha Hotels

ព័ត៌មានពេញនិយម