ព័ត៌មានអន្ដរជាតិ
អ៊ុយក្រែន ភ័យថា រុស្ស៊ី នឹងប្រើផ្លូវកាត់នៅតំបន់គ្រោះថ្នាក់វិទ្យុសកម្ម វាយចូលទីក្រុង គៀវ ត្រឹម២ម៉ោង (មានវីដេអូ)
ប្រជាជនអ៊ុយក្រែនបារម្ភថា ទីតាំងគ្រោះមហន្តរាយនុយក្លេអ៊ែរ Chernobyl អាចត្រូវបានប្រើប្រាស់ជាផ្លូវកាត់ ដើម្បីវាយចូលរដ្ឋធានី គៀវ ដោយរុស្ស៊ី។
ក្នុងនាមជាកន្លែងគ្រោះថ្នាក់បំផុតមួយនៅលើផែនដីរួចទៅហើយនោះ តំបន់គ្រោះថ្នាក់វិទ្យុសកម្មនៅព្រំដែនបេឡារុស្ស ឥឡូវនេះអាចក្លាយជាសមរភូមិ។
ឆ្មាំព្រំដែនអ៊ុយក្រែនបន្ថែមជិត ៨,០០០នាក់ ត្រូវបានបញ្ជូនទៅកាន់តំបន់ដែលនៅតែមានជាតិវិទ្យុសកម្មខ្លាំង ៣៦ឆ្នាំបន្ទាប់ពីគ្រោះមហន្តរាយនុយក្លេអ៊ែរដ៏អាក្រក់បំផុតរបស់ពិភពលោក។
តំបន់គ្រោះថ្នាក់ស្ថិតនៅជិតវាលគ្មានមនុស្សនៅទំហំ ២,៥៨៩ម៉ែត្រការ៉េមួយនេះ គឺលាតសន្ធឹងនៅព្រំដែនភាគខាងជើង ជាកន្លែងដែលទាហានរុស្ស៊ី និងបេឡារុស្សរហូតដល់ទៅ ៨០,០០០នាក់ រួមទាំងកងកម្លាំងពិសេស Spetsnaz ផងដែរ ត្រូវបានត្រៀមទុកសម្រាប់សមយុទ្ធយោធា។
លោកវរសេនីយ៍ទោ Yuri Shakraichuk មកពីសេវាឆ្មាំព្រំដែនរដ្ឋអ៊ុយក្រែន បានប្រាប់អ្នកសារព័ត៌មាននាពេលថ្មីៗនេះថា “Chernobyl គឺជាតំបន់ដែលមានគ្រោះថ្នាក់កាន់តែខ្លាំង។ យើងបានបង្កើនកម្លាំងការពារ យើងបានបង្កើនការល្បាត ហើយយើងបានបង្កើនចំនួនមនុស្សក្នុងការល្បាតទាំងនេះ”។
មានជនស៊ីវិលតែ១៤៥នាក់ប៉ុណ្ណោះដែលបានតាំងទីលំនៅជាអចិន្ត្រៃយ៍នៅទីនោះ ដែលភាគច្រើនមានអាយុលើសពី៧០ឆ្នាំ និងអ្នកដែលគេភាគច្រើនមើលដែលឃើញមុខ នៅក្នុងតំបន់ហាមឃាត់ជុំវិញទីតាំងនៃគ្រោះមហន្តរាយរោងចក្រថាមពលនុយក្លេអ៊ែរឆ្នាំ១៩៨៦។
កងទ័ពរុស្ស៊ីអាចប្រើប្រាស់អគារដែលគេបោះបង់ចោលសម្រាប់លាក់ខ្លួន ហើយមេបញ្ជាការអ៊ុយក្រែន មានការភ័យខ្លាចចំពោះការវាយប្រហារតាមអាកាស និងកាំភ្លើងធំ ជាហេតុបង្កឲ្យមានការសាយភាយជាតិវិទ្យុសកម្មបន្ថែមទៀត។
ជាតិវិទ្យុសកម្មដែលកប់ក្នុងដី និងក្នុងអគារនានា អាចសាយភាយចូលទៅក្នុងបរិយាកាសដោយសារតែការទម្លាក់គ្រាប់បែក។
ផ្លូវហាយវេដែលត្រូវបានកែលម្អថ្មី តភ្ជាប់ពី Chernobyl ទៅទីក្រុង គៀវ មានន័យថា រថក្រោះរុស្ស៊ីអាចវាយចូលចម្ងាយ២២៥គីឡូម៉ែត្រ ក្នុងរយៈពេលត្រឹមពីរបីម៉ោង៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ Daily Mail
ចុចអាន៖ ពូទីន លែងនៅស្ងៀម ចេញមុខចោទអាមេរិកថា ព្យាយាមទាញរុស្ស៊ីឲ្យធ្លាក់ចូលសង្គ្រាម
-
ជីវិតកម្សាន្ដ១ សប្តាហ៍ ago
អាយដល G-Devith ក៏ឈ្នះរង្វាន់ដែរ ឈ្នះ ១លានរៀល ពី វឌ្ឍនៈ ឡាហ្គឺរ៉េដ
-
ព័ត៌មានជាតិ៣ ថ្ងៃ ago
ស្ថានភាពធាតុអាកាសនៅកម្ពុជា ចាប់ថ្ងៃទី២ ដល់ថ្ងៃទី៤ ខែឧសភា ឆ្នាំ២០២៤
-
ព័ត៌មានជាតិ៤ ថ្ងៃ ago
ក្នុងករណីក្ដៅខ្លាំងលើស៤០អង្សារ សម្ដេចធិបតី ណែនាំឱ្យគណៈគ្រប់គ្រងសាលាផ្អាកការសិក្សាបន្ទាន់
-
ព័ត៌មានជាតិ១ សប្តាហ៍ ago
ស្គាល់អត្តសញ្ញាណយោធិន១៥រូប ចំណោមអ្នកស្លាប់២០រូប ក្នុងហេតុការណ៍ផ្ទុះឃ្លាំងគ្រាប់នៅកំពង់ស្ពឺ
-
ព័ត៌មានជាតិ១ សប្តាហ៍ ago
សម្ដេចធិបតី ឧបត្ថម្ភជូនគ្រួសារយោធិនដែលស្លាប់មួយគ្រួសារ៨០លានរៀល ឯអ្នករងរបួស២០លានរៀល
-
ព័ត៌មានជាតិ៦ ថ្ងៃ ago
មន្ត្រីជំនាញប្រើថវិកាជាតិលើការជួសជុលច្រាំងស្ពានវត្តគរ រហូតដល់ ៥ លើក
-
ព័ត៌មានអន្ដរជាតិ១ សប្តាហ៍ ago
ណាសា រកឃើញសញ្ញាជីវិតលើភពមួយ ខណៈគេសង្ស័យថា ជា Alien
-
ព័ត៌មានជាតិ៣ ថ្ងៃ ago
ប្រភពមន្រ្តីព្រលាន៖ មានភ្ញៀវជិះពេញ សម្ពោធជើងហោះហើររបស់ Air Asia Cambodia ទៅសៀមរាប