ព័ត៌មានអន្ដរជាតិ
នៅថៃ ក្តៅខ្លាំង ដល់ថ្នាក់ផ្លូវដែក ក៏សឹងតែរលាយដែរ
នៅប្រទេសថៃ មេឃក្តៅសឹងឆេះដល់ថ្នាក់ធ្វើឲ្យផ្លូវរថភ្លើងក្នុងខេត្តភាគខាងត្បូង Nakhon Si Thammarat សឹងតែរលាយ ដូច្នេះហើយទើបបុគ្គលិកផ្លូវដែកនាំគ្នាបាញ់ទឹកឲ្យត្រជាក់ ដើម្បីឲ្យផ្លូវនោះអាចប្រើប្រាស់វិញបាន។
តាមការបញ្ជាក់ពីនាយក ប្រតិបត្តិករផ្លូវដែករដ្ឋថៃ (SRT) លោក Ekarat Sri-arayanpong, ផ្លូវដែកដែលខូចទ្រង់ទ្រាយត្រូវបានគេរកឃើញនៅចន្លោះស្ថានីយ Ron Phi Bun និង Khao Chum Thong ក្នុងស្រុក Ron Phi Bun នៃខេត្ត Nakhon Si Thammarat នាវេលាម៉ោង ២:២០នាទី ថ្ងៃអង្គារទី៣០ខែមេសា។
លោកនិយាយប្រាប់ Bangkok Post ថា ព្រោះតែអាកាសធាតុក្តៅខ្លាំងពេក ទើបបណ្តាលឲ្យទន់ ហើយដោយសារតែកម្លាំងសង្កត់ទៀត វាធ្វើឲ្យផ្លូវដែកខូចទ្រង់ទ្រាយតែម្តង។ ដូច្នេះហើយ ក្រុមការងារក៏ចាប់ផ្តើមបាញ់ដើម្បីឲ្យដែកត្រជាក់ អាចឲ្យរថភ្លើងបរឆ្លងកាត់បាន។
ពាក់ព័ន្ធបញ្ហាអាកាសធាតុនេះដែរ នៅទីក្រុងបាងកក កាលពីថ្ងៃអង្គារ សីតុណ្ហភាពបានហក់ឡើងលើស ៥២ អង្សាសេ ខណៈរដ្ឋបាលក្រុង ចាត់ទុកសីតុណ្ហភាពដ៏ខ្ពស់បែបនេះ ស្ថិតក្នុងកម្រិតគ្រោះថ្នាក់បំផុត។
មិនមែនតែបាងកកទេ ភូមិស្រុកជាច្រើននៅទូទាំងខេត្តចំនួន ៧៧ របស់ថៃ បានជួបប្រទះនូវសីតុណ្ហភាពក្ដៅបំផុតសម្រាប់ខែមេសា និងក្ដៅមិនធ្លាប់ជួប ចាប់តាំងពីឆ្នាំ ១៩៥៨ មក។
យោងតាមទិន្នន័យពីនាយកដ្ឋានឧតុនិយមថៃ, ខេត្តចំនួន ២៦ បានជួបប្រទះសីតុណ្ហភាពហក់ឡើងរហូតដល់ ៤០ អង្សាសេសម្រាប់ខែមេសា ខណៈខេត្តឡាំប៉ាងភាគខាងជើង បានឈានដល់ ៤៤.២ អង្សាសេ ពោលគឺជិតស្មើកំណត់ត្រាចាស់កាលពីឆ្នាំ ២០១៦ និងឆ្នាំ ២០២៣ ដែលសីតុណ្ហភាពឡើងដល់ ៤៤.៦ អង្សាសេទៅហើយ។
ទន្ទឹមមេឃបើកថ្ងៃសឹងឆេះនេះ ការប្រើប្រាស់អគ្គិសនីរបស់ប្រទេសថៃ ក៏កើនឡើងដល់កំណត់ត្រាដូចគ្នា ដោយបើតាមទិន្នន័យនៅលើគេហទំព័ររបស់និយតករថាមពលរដ្ឋបានឲ្យដឹងថា ការប្រើប្រាស់ភ្លើងអគ្គិសនីថៃ គិតត្រឹមថ្ងៃចន្ទ បានឡើងដល់ ៣៦ ៦៩៩ មេហ្គាវ៉ាត់ ហើយនេះក៏ជាកំណត់ត្រាថ្មីជាលើកទី ៣ ផងដែរក្នុងរយៈពេលប្រហែលមួយសប្ដាហ៍៕
អត្ថបទ៖ សុខ សុវណ្ណ
ចុចអាន៖ នៅ បាងកក មេឃបើកថ្ងៃចង់ឆេះ សីតុណ្ហភាពឡើងដល់ ៥២ អង្សាសេ
-
សេដ្ឋកិច្ច១ សប្តាហ៍ ago
ធនាគារ SinoPac ទិញយកគ្រឹះស្ថានមីក្រូហិរញ្ញវត្ថុអម្រឹតក្នុងទឹកប្រាក់ជាង៥០០លានដុល្លារ
-
សេដ្ឋកិច្ច៥ ថ្ងៃ ago
គម្រោងសាងសង់ស្ពានតភ្ជាប់ពីខេត្តកំពង់ឆ្នាំង-កំពង់ធំ កំពុងរង់ចាំថវិកាពីចិន
-
ព័ត៌មានអន្ដរជាតិ១ សប្តាហ៍ ago
វិមានសេដ្ឋីកាស៊ីណូ ហុងកុង ធ្លាប់រស់ជាមួយភរិយាទីមួយ ដាក់លក់តម្លៃ ៣៨៣លានដុល្លារ ក្នុងន័យចែកទ្រព្យ
-
ព័ត៌មានអន្ដរជាតិ៣ ថ្ងៃ ago
រុស្ស៊ី ផ្ទុះការវាយលុកដំណាក់កាលថ្មីលើ អ៊ុយក្រែន ប្រើទាំងរថពាសដែក ទម្លាក់គ្រាប់បែក និងបាញ់កាំភ្លើងធំ
-
សន្តិសុខសង្គម១ សប្តាហ៍ ago
ព័ត៌មានបឋម៖ អគ្គិភ័យកំពុងឆេះស្ថានីយប្រេងឥន្ធនៈនៅខេត្តព្រះវិហារ(មានវីដេអូ)
-
ជីវិតកម្សាន្ដ៤ ថ្ងៃ ago
Huang Xiaoming ជួបមិត្តស្រីភ្លាមៗ ក្រោយចេញក្រៅជាមួយអតីតភរិយា Angelababy និងកូនប្រុស
-
នយោបាយ៤ ថ្ងៃ ago
ទីបំផុត បក្សដែលស្នើបង្កើតដោយលោក ឯម សុខសុវណ្ណ ត្រូវបានក្រសួងមហាផ្ទៃ ចុះឈ្មោះជាផ្លូវការ
-
ព័ត៌មានជាតិ១ ថ្ងៃ ago
មន្ទីរកសិកម្មខេត្តកែប ច្រានចោលការចោទប្រកាន់ថា មន្រ្តីកាប់សាច់សត្វប្រើសចែកគ្នាដែលងាប់ក្នុងផ្ទះអ្នកស្រុក