ព័ត៌មានអន្ដរជាតិ
ត្រីនៅ វៀតណាម ងាប់អណ្ដែតត្រៀបត្រាពេញផ្ទៃទឹក ខណៈរលកកម្ដៅកំពុងអុកឡុកខ្លាំង
ត្រីរាប់រយរាប់ពាន់ក្បាលបានងាប់នៅក្នុងអាងស្តុកទឹកមួយកន្លែងក្នុងខេត្ត Dong Nai ភាគខាងត្បូងប្រទេសវៀតណាម ខណៈរលកកម្ដៅកំពុងដុតរោលក្នុងតំបន់អាស៊ីអាគ្នេយ៍ ។ នេះបើយោងតាមការចេញផ្សាយដោយសារព័ត៌មាន CNA នៅថ្ងៃទី២ ខែឧសភានេះ ។
ដូចប្រទេសអាស៊ីអាគ្នេយ៍ដទៃទៀតដែរ ប្រទេសវៀតណាមថ្មីៗនេះបានបង្ខំឲ្យបិទសាលារៀនមុនកាលកំណត់ ហើយការប្រើប្រាស់អគ្គិសនីបានកើនឡើងគួរឲ្យកត់សម្គាល់ ខណៈភាគខាងត្បូង និងភាគកណ្តាលប្រទេសទទួលឥទ្ធិពលកម្ដៅប៉ះពាល់ខ្លាំងជាងគេ ។
ត្រីទាំងអស់នៅក្នុងអាងស្តុកទឹក Song May ដែលមានទំហំ ៣០០ ហិចតាបានងាប់អណ្ដែតពេញផ្ទៃទឹក ខណៈតំបន់នេះមិនមានភ្លៀងធ្លាក់ច្រើនសប្តាហ៍មកហើយ ស្របពេលដែលទឹកនៅក្នុងអាងក៏មានកម្រិតទាបទៅទៀត ។
អាងស្តុកទឹក គឺជាប្រភពទឹកសម្រាប់ស្រោចដំណាំនៅស្រុក Trang Bom និងស្រុក Vinh Cuu នៃខេត្ត Dong Nai ខណៈពេលកន្លងមកអាងស្តុកទឹកមួយនេះក៏បានបង្ហូរចេញដើម្បីការពារដំណាំនៅខាងក្រោមទឹកផងដែរ ។
បើទោះបីជាអាជ្ញាធរព្យាយាមជួសជុលអាងនេះ ដោយបូមយកភក់ចេញដើម្បីឲ្យមានទឹកច្រើនសម្រាប់ផ្ដល់សីតុណ្ហភាពត្រជាក់ដល់ត្រីក៏ដោយ ក៏កិច្ចខិតខំប្រឹងប្រែងមិនបានសម្រេចដែរ ហើយមិនយូរប៉ុន្មានត្រីជាច្រើនក្បាលបានងាប់ ហើយតាមការប៉ាន់ស្មានអាចមានរហូតដល់ទៅ ២០០ តោនឯណោះ ។ បច្ចុប្បន្នអាជ្ញាធរកំពុងស៊ើបអង្កេតហេតុការណ៍នេះ ខណៈក៏កំពុងធ្វើការដើម្បីយកត្រីដែលងាប់នោះចេញជាបន្ទាន់ផងដែរ ។
គួរបញ្ជាក់ថា យោងតាមអ្នកព្យាករណ៍អាកាសធាតុ សីតុណ្ហភាពនៅក្នុងខេត្ត Dong បានហក់ឡើងដល់ប្រហែល ៤០ អង្សាសេក្នុងខែមេសា ដែលបំបែកកំណត់ត្រាសីតុណ្ហភាពខ្ពស់បំផុត ចាប់តាំងឆ្នាំ ១៩៩៨ មក ។ ទន្ទឹមនឹងនេះ នៅក្នុងប្រទេសថៃ ការប្រើប្រាស់អគ្គិសនីបានកើនឡើងខ្ពស់មិនធ្លាប់មាន ខណៈដែលសីតុណ្ហភាពក្នុងខេត្ត Udon Thani ភាគឦសានបានឡើងដល់ ៤៤ អង្សាសេ ៕
អត្ថបទ ៖ ប៊ុន សុភាព
-
សេដ្ឋកិច្ច៥ ថ្ងៃ ago
គម្រោងសាងសង់ស្ពានតភ្ជាប់ពីខេត្តកំពង់ឆ្នាំង-កំពង់ធំ កំពុងរង់ចាំថវិកាពីចិន
-
ព័ត៌មានអន្ដរជាតិ៣ ថ្ងៃ ago
រុស្ស៊ី ផ្ទុះការវាយលុកដំណាក់កាលថ្មីលើ អ៊ុយក្រែន ប្រើទាំងរថពាសដែក ទម្លាក់គ្រាប់បែក និងបាញ់កាំភ្លើងធំ
-
សន្តិសុខសង្គម១ សប្តាហ៍ ago
ព័ត៌មានបឋម៖ អគ្គិភ័យកំពុងឆេះស្ថានីយប្រេងឥន្ធនៈនៅខេត្តព្រះវិហារ(មានវីដេអូ)
-
ជីវិតកម្សាន្ដ៤ ថ្ងៃ ago
Huang Xiaoming ជួបមិត្តស្រីភ្លាមៗ ក្រោយចេញក្រៅជាមួយអតីតភរិយា Angelababy និងកូនប្រុស
-
នយោបាយ៤ ថ្ងៃ ago
ទីបំផុត បក្សដែលស្នើបង្កើតដោយលោក ឯម សុខសុវណ្ណ ត្រូវបានក្រសួងមហាផ្ទៃ ចុះឈ្មោះជាផ្លូវការ
-
ព័ត៌មានជាតិ១ ថ្ងៃ ago
មន្ទីរកសិកម្មខេត្តកែប ច្រានចោលការចោទប្រកាន់ថា មន្រ្តីកាប់សាច់សត្វប្រើសចែកគ្នាដែលងាប់ក្នុងផ្ទះអ្នកស្រុក
-
ព័ត៌មានអន្ដរជាតិ២ ថ្ងៃ ago
ព្យុះព្រះអាទិត្យ ដ៏កាចសាហាវ វាយប្រហារភពផែនដី
-
ព័ត៌មានជាតិ១ ថ្ងៃ ago
ការផ្លាស់ប្ដូរមេបញ្ជាការអាវុធហត្ថស្រុកមណ្ឌលសីមា ពុំមែនកំហុសឆ្គង ឬ វិន័យទណ្ឌកម្ម នោះទេ