ជីវិតកម្សាន្ដ

តួអង្គសាច់ដុំកង់ៗ រឿង”សទ្ធាមាណព” ឡៃ ច័ន្ទថៃ ក្ដោបបានឱកាសធំលើកដំបូង ខណៈជោគជ័យសិល្បៈ

បានផុស

២២ នាទី មុន

នៅ

ថ្ងៃសៅរ៍ ៤ ឧសភា ២០២៤

ដោយ

តារាសម្តែងប្រុសលោក ឡៃ ច័ន្ទថៃ ដែលមានឈ្មោះល្បី និងទទួលបានការចាប់អារម្មណ៍ខ្លាំងជាមួយនឹងរូបរាងមាឌឌាំងសាច់ដុំកង់ៗ ចាយរាងសង្ហា ទាក់ភ្នែកមហាជនយ៉ាងច្រើន ជាពិសេសស្រីៗ នោះ ក្រោយសាងភាពល្បីល្បាញមួយរយៈខ្លី ស្រាប់តែតារាប្រុសរូបនេះក្តាប់បានឱកាសការងារធំ។

ប្រាកដណាស់លោក ឡៃ ច័ន្ទថៃ ហៅ ណេនថៃ ដែលមហាជនចាប់អារម្មណ៍ខ្លាំងលើរូបរាងសង្ហារមិនចាញ់តារាបរទេសសម្បូរសាច់ដុំត្រូវបានទស្សនិកជនដឹងថា កន្លងមកលោកគឺជាអតីតព្រះសង្ឃល្បីឈ្មោះនៅក្នុងវិស័យព្រះពុទ្ធសាសនា។ បន្ទាប់មកទៀត លោកក៏មានវត្តមានថតសម្តែងខ្សែភាពយន្តរំលេចក្នុងន័យអប់រំអំពីព្រះពុទ្ធសាសនារឿង”សទ្ធាមាណព” ដែលរួមសម្តែងជាមួយតារាស្រីល្បីឈ្មោះកញ្ញា ពេជ្រ ចរណៃ។

ប្រាប់កម្ពុជាថ្មី តារាសម្តែងរាងសង្ហាលោក ឡៃ ច័ន្ទថៃ បានបញ្ជាក់ឲ្យដឹងថា ស្របពេលដែលទីផ្សារសិល្បៈរបស់លោកកំពុងទទួលបានការគាំទ្រ និងមានសន្ទុះជោគជ័យគួរឲ្យកត់សម្គាល់នោះ លោកក៏ត្រូវបានការចាប់អារម្មណ៍ពីសំណាក់ម្ចាស់ផលិតផលមួយដោយបានចុះកុងត្រា(កិច្ចសន្យា)ធ្វើជាBA របស់ក្រុមហ៊ុនល្បីមួយនេះ ដែលមានរយៈពេល ៦ ខែ។

លោក ឡៃ ច័ន្ទថៃ បាននិយាយទៀតថា តាមរយៈកុងត្រានេះគឺមានរយៈពេល ៦ ខែ ដែលលោកត្រូវធ្វើជាតំណាងផ្សព្វផ្សាយរបស់ផលិតផលខាងលើ។ លោកថា នេះជាភាពជោគជ័យថ្មីមួយទៀតសម្រាប់អាជីពសិល្ប់ដែលខ្លួនលោកផ្ទាល់បានចំណាយពេលសាងប្រជាប្រិយភាពជាច្រើនឆ្នាំកន្លងមកនេះ។

គួរបញ្ជាក់ថា តារាសម្តែងមាឌឌាំងសាច់ដុំកង់ៗ សម្បូរមន្តស្នេហ៍ លោក ឡៃ ច័ន្ទថៃ ក្រៅតែពីល្បីឈ្មោះតាមរយៈការសម្តែងភាពយន្តមួយចំនួន កន្លងមកក៏ត្រូវបានគេកត់សម្គាល់ថា ឡៃ ច័ន្ទថៃ បានចូលរួមយ៉ាងសកម្មក្នុងការផ្សព្វផ្សាយគុនល្បុក្កតោខ្មែរ និងការចូលរួមតាមរយៈវិស័យវប្បធម៌បុរាណជាដើម។ សកម្មភាពទាំងនោះ លោក ឡៃ ច័ន្ទថៃ កាន់តែធ្វើឲ្យទស្សនិកជនសម្តែងការគាំទ្រ និងសរសើរខ្លាំងថែមទៀត៕

អត្ថបទ ៖ ចាន់រ៉ា