កីឡា

អបអរសាទរ! ព្រះខ័នរាជស្វាយរៀង ឈ្នះជើងឯកលីគកំពូលកម្ពុជារដូវកាលនេះ

បានផុស

១ ម៉ោង មុន

នៅ

ថ្ងៃសៅរ៍ ៤ ឧសភា ២០២៤

ដោយ

ក្លិបបាល់ទាត់ព្រះខ័នរាជស្វាយរៀង បានក្លាយជាក្រុមដំបូងគេដែលបានឈ្នះជើងឯក២ក្នុងមួយរដូវកាលសម្រាប់រយៈពេល១៦ឆ្នាំចុងក្រោយនេះ បន្ទាប់ពីនាំមុខពិន្ទុដាច់គូប្រជែងភ្នំពេញក្រោនរដូវដល់៨ពិន្ទុសម្រាប់លីគកំពូលកម្ពុជារដូវកាលនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការប្រកួតវគ្គ៤ក្រុមចុងក្រោយដែលត្រូវជាសប្តាហ៍ទី២៨ ព្រះខ័នរាជស្វាយរៀង បានយកឈ្នះ បឹងកេត ដោយលទ្ធផល ៤-១ នៅកីឡដ្ឋានព្រះខ័នរាជស្វាយរៀង ខណៈ ភ្នំពេញក្រោន បានចាញ់ វិសាខា ដោយលទ្ធផល ០-២ ក្នុងផ្ទះរបស់ខ្លួន ដូច្នេះព្រះខ័នរាជស្វាយរៀងបានក្លាយជាម្ចាស់ជើងឯកខេមបូឌានបូឌានព្រីមៀរលីគរដូវកាល២០២៣-២៤ ទោះបីជានៅសល់២ប្រកួតទៀត ពីព្រោះគិតត្រឹមពេលនេះ ព្រះខ័នរាជស្វាយរៀងមាន៧២ពិន្ទុ ខណៈភ្នំពេញក្រោនមានតែ៦៤ពិន្ទុដែលអស់ឱកាសហើយ។

ដូច្នេះព្រះខ័នរាជស្វាយរៀងបានក្លាយជាក្រុមដំបូងគេក្នុងប្រវត្តិសាស្ត្របាល់ទាត់កម្ពុជារយៈពេល១៦ឆ្នាំចុងក្រោយសម្រាប់ការឈ្នះពានរង្វាន់ធំ២ក្នុងមួយរដូវកាល បន្ទាប់ពីបានឈ្នះជើងឯកពានរង្វាន់សម្តេចតេជោ ហ៊ុន សែន លើកទី១៧ រដូវកាល២០២៣-២៤ កាលពីថ្ងៃទី២៨ ខែមេសា៕