នគរបាលឃាត់ខ្លួនមន្ត្រីយោធាម្នាក់ក្រោយផ្ទុះអាវុធ៥គ្រាប់

កម្លាំងនគរបាលខណ្ឌ៧មករា បានសហការជាមួយកម្លាំងអាវុធខណ្ឌ ចុះឃាត់ខ្លួនមន្ត្រីយោធាម្នាក់ក្រោយផ្ទុះអាវុធចំនួន៥គ្រាប់ក្នុងករណីទំនាស់ពាក្យសំដីជាមួយអ្នកជិតខាត។

លោកវរសេនីយ៍ឯក សំ វិច្ឆិកា អ្នកនាំពាក្យស្នងការដ្ឋាននគរបាលរាជធានភ្នំពេញ បានឲដឹងនៅព្រឹកថ្ងៃទី២ ឧសភានេះថា ករណីផ្ទុះអាវុធនេះបានកើតឡើងកាលពីវេលាម៉ោង៣និង៣០នាទី ទាបភ្លឺ ថ្ងៃទី២ ខែឧសភា ឆ្នាំ២០២៤ ចំណុចច្រកឡើងផ្ទះគ្មានលេខ ផ្លូវ២៣៨ សង្កាត់បឹងព្រលិត ខណ្ឌ៧មករា រាជធានីភ្នំពេញ។ អ្នកនាំពាក្យស្នងការរាជធានីភ្នំពេញបន្ថែមថា ជនសង្ស័យដែលឃាត់ខ្លួនមានឈ្មោះ ផាត ផានណា ភេទប្រុស អាយុ៣៥ឆ្នាំ មុខរប ទាហ៊ាន ប្រើប្រាស់អាវុធលេខ D147672 ម៉ាក CIPN បាញ់ឡើងលើចំនួន៥គ្រាប់បង្កការភ្ញាក់ផ្អើលដល់ពលរដ្ឋ។ ក្នុងករណីនេះ សមត្ថកិច្ចបានសន្និដ្ឋានថា អាចបណ្តាលមកពីមានទំនាស់ពាក្យសំដីជាមួយអ្នកជិតខាង។

បើតាមលោកវរសេនីយ៍ឯក សំ វិច្ឆិកា ករណីនេះ ក្រោយពីឃាត់ខ្លួន ជនសង្ស័យត្រូវបានប្រគល់ជូនកម្លាំងជំនាញអាវុធហត្ថរាជធានីភ្នំពេញ ដើម្បីអនុវត្តបន្តតាមនិតិវីចច្បាប់៕

អត្ថបទ៖ សុខុម

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត