ត្រឹមរូបថត អ្នកគាំទ្រជឿថា Lisa កំពុងបញ្ជាក់ទំនាក់ទំនងជាមួយកូនប្រុសមហាសេដ្ឋី Arnault

Lisa តារាស្រីនៃក្រុមចម្រៀងនារីកូរ៉េខាងត្បូង Blackpink បានចែករំលែករូបថតពីទីតាំងដែលនាងត្រូវបានគេរាយការណ៍ថា បានឃើញជាមួយ Frédéric កូនប្រុសរបស់មហាសេដ្ឋី Bernard Arnault ដែលបង្កឲ្យមានការរំពឹងទុកថា នាងបានបញ្ជាក់ច្បាស់អំពីទំនាក់ទំនងរបស់ពួកគេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សមាជិកក្រុម Blackpink បានបង្ហោះរូបភាពរបស់នាងនៅលើ Instagram កាលពីថ្ងៃពុធ​​ ដែលថតនៅសារមន្ទីរ Rodin ទីក្រុងប៉ារីស និងភោជនីយដ្ឋានមួយនៅក្នុងទីក្រុងតែមួយ។ មុនពេលនាងបង្ហោះរូបភាពរបស់នាងជាមួយ Frédéric នៅកន្លែងទាំងនេះត្រូវបានចែកចាយរួចហើយនៅលើប្រព័ន្ធផ្សព្វផ្សាយសង្គមនិងទទួលបានការចាប់អារម្មណ៍។

អាស្រ័យហេតុនេះ មនុស្សជាច្រើនជឿថា ទង្វើរបស់ Lisa ក្នុងការបង្ហោះរូបថតទាំងនេះ បានបញ្ជាក់ពីពេលវេលារបស់នាង និងFrédéric ដែលបានចំណាយពេលជាមួយគ្នា និងការរំពឹងទុកទាក់ទងនឹងទំនាក់ទំនងស្នេហារបស់ពួកគេជាសាធារណៈថែមទៀតផង។

លើសពីនេះទៀតដែរ អ្នក​លេង​អ៊ីនធឺណិត​ជាច្រើនបានបញ្ចេញ​មតិ​ថា រឿង​ស្នេហា​របស់​ពួក​គេ​ពិត​ជា​ពិត​មែន។ ពីដំបូងម្នាក់ៗគ្រាន់តែគិតថាវាគ្រាន់តែជាពាក្យចចាមអារ៉ាមប៉ុណ្ណោះ ប៉ុន្តែឥឡូវនេះនាងបានបង្ហោះរូបថតនៅកន្លែងដែលនាងឃើញជាមួយ Frédéric សូមអបអរសាទរ Lisa ។

ថ្វីបើយ៉ាងណា ពាក្យចចាមអារ៉ាមអំពីទំនាក់ទំនងជិតស្និទ្ធរបស់ Lisa ជាមួយ Frédéric បានកើតឡើងបន្ទាប់ពីកូនសេដ្ធីរូបនេះបានចាប់ផ្តើមតាមដាននាងនៅលើ Instagram ក្នុងឆ្នាំ ២០២២ ហើយបានភ្ជាប់ពាក្យជាបន្តបន្ទាប់ជាមួយនឹងការបង្ហោះរបស់នាង។ មកទល់នឹងពេលនេះ ក្នុងចំណោមអ្នកទាំងពីរ មិនទាន់បានបញ្ចេញមតិជាសាធារណៈ លើពាក្យចចាមអារ៉ាម អំពីទំនាក់ទំនងរបស់ពួកគេនោះទេ។

ទោះជាយ៉ាងណាក៏ដោយ Lisa ត្រូវបានគេប្រទះឃើញជាញឹកញាប់ជាមួយ Frédéric នៅក្នុងប្រទេសផ្សេងៗ ពេញមួយឆ្នាំ ២០២៣ និងរហូតដល់ឆ្នាំបច្ចុប្បន្ននេះ។ ប៉ុន្តែអ្នកទាំងពីរ ពុំទាន់ចេញមុខបកស្រាយលម្អិតពាក់ព័ន្ធនឹងរឿងទំនាក់ទំនងនេះនូវឡើយទេ៕

អត្ថបទ៖ សាង ស្រីល័ក្ខ

ចុចអាន៖Jang Ki Yong ធ្វើដាក់ Song Hye Kyo យ៉ាងផ្អែមល្ហែម ខណៈ Song Joong Ki មិនដែលធ្វើឡើយ