ព័ត៌មានអន្ដរជាតិ

«ពិភពលោកនឹងរងផលប៉ះពាល់ធ្ងន់ធ្ងរ បើរុស្ស៊ីវាយប្រហារអ៊ុយក្រែន» UN ព្រមាន

បានផុស

៤ years មុន

នៅ

ថ្ងៃព្រហស្បតិ៍ ២៤ កុម្ភៈ ២០២២

ដោយ

កិច្ចប្រជុំអង្គការសហប្រជាជាតិ (UN) ស្តីពីប្រទេសអ៊ុយក្រែនកាលពីថ្ងៃពុធ ទី២៣ ខែកុម្ភៈបានលើកឡើងថា ការវាយប្រហាររបស់រុស្ស៊ីពេញបន្ទុកអាចនឹងមានការបំផ្លិចបំផ្លាញជាសកលដែលនឹងបង្កឲ្យកើតមានវិបត្តិជនភៀសខ្លួនជាថ្មី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សហរដ្ឋអាមេរិកបាននិយាយថា សង្គ្រាមអាចនឹងជម្លៀសមនុស្សរហូតដល់ដល់៥លាននាក់ ស្របពេលរដ្ឋមន្ត្រីក្រសួងការបរទេសអ៊ុយក្រែននិយាយថា ៖«សង្គ្រាមបែបនេះនឹងជាសញ្ញានៃការបញ្ចប់សណ្តាប់ធ្នាប់ពិភពលោកដូចដែលយើងដឹងហើយ»។

ការព្រមានដ៏ក្រៀមក្រំនេះត្រូវបានធ្វើឡើងកំឡុងពេលសម័យប្រជុំមហាសន្និបាតប្រចាំឆ្នាំមួយស្តីពី«ទឹកដីអ៊ុយក្រែនដែលកាន់កាប់បណ្តោះអាសន្ន»ត្រូវបានធ្វើនៅទីស្នាក់ការ UN ក្នុងទីក្រុងញ៉ូវយ៉កជារៀងរាល់ឆ្នាំគិតចាប់ពីរុស្ស៊ីកាន់កាប់តំបន់ Crimea ក្នុងឆ្នាំ២០១៤។

អគ្គលេខាធិការអង្គការសហប្រជាជាតិ លោក Antonio Guterres បានព្រមានថា ៖«ពិភពលោកយើងកំពុងប្រឈមនឹងគ្រោះថ្នាក់ជុំវិញវិបត្តិ។ ប្រសិនបើ ជម្លោះនៅអ៊ុយក្រែនត្រូវបានពង្រីក ពិភពលោកនឹងឃើញវិសាលភាព និងភាពធ្ងន់ធ្ងរនៃសេចក្តីត្រូវការដែលមើលមិនឃើញច្រើនឆ្នាំណាស់»។

«វាជាពេលអត់ធ្មត់ រកហេតុផល និងកាត់បន្ថយការបង្កើន» លោក Guterres បានបន្ត និងសង្កត់ធ្ងន់ថា មិនមានកន្លែងសម្រាប់សកម្មភាព ឬសេចក្តីថ្លែងការណ៍ដែលអាចលើកឡើងពីស្ថានភាពគ្រោះថ្នាក់នេះជុំវិញអន្លងដ៏ជ្រៅនោះទេ។

ឯកអគ្គរដ្ឋទូតអាមេរិកប្រចាំអង្គការសហប្រជាជាតិ លោកស្រី Linda Thomas-Greenfield បាននិយាយថា ការលុកលុយអាចនឹងជម្លៀសមនុស្សយ៉ាងច្រើនរហូតដល់៥លាននាក់ផ្សេងទៀតដែលមានច្រើនរហូតដល់៣លាននាក់ហើយដែលលោកស្រីបាននិយាយថា រងផលប៉ះពាល់ដោយសកម្មភាពយោធារបស់រុស្ស៊ីនៅភាគខាងកើតអ៊ុយក្រែន។

លោកស្រីមានប្រសាសន៍ថា ៖«ប្រសិនបើរុស្ស៊ីបន្តដើរលើផ្លូវនេះ វាអាច ផ្អែកលើការប៉ាន់ស្មានរបស់យើង បង្កើតវិបត្តិជនភៀសខ្លួនថ្មី ជាវិបត្តិមួយដ៏អាក្រក់ដែលពិភពលោកកំពុងប្រឈមសព្វថ្ងៃនេះ»។

លោកស្រី Thomas-Greenfield បន្ថែមថា ដោយសារអ៊ុយក្រែនបានក្លាយជាប្រទេសផ្គត់ផ្គង់ស្រូវសាលីធំបំផុតក្នុងពិភពលោកទៅកាន់ប្រទេសកំពុងអភិវឌ្ឍ ប្រតិបត្តិការយោធារុស្ស៊ីអាចបណ្តាលឲ្យតម្លៃម្ហូបអាហារឡើងថ្លៃ និងឈានទៅរកកាន់តែអត់ឃ្លានច្រើនឡើងក្នុងប្រទេសដូចជាលីប៊ី យេម៉ែន និងលីបង់ជាដើម។

មុននេះ រដ្ឋមន្ត្រីការបរទេសអ៊ុយក្រែន លោក Dmytro Kuleba បានអង្វរអង្គការសហប្រជាជាតិឲ្យទីក្រុងមូស្គូទទួលខុសត្រូវចំពោះអ្វីដែលលោកហៅថា ការវាយប្រហារលើ «គោលការណ៍ស្នូលនៃច្បាប់អន្តរជាតិ»។

លោកបន្តថា ៖«បើរុស្ស៊ីមិនទទួលរងការឆ្លើយតបធ្ងន់ធ្ងរ ឆាប់រហ័ស និងសម្រេចចិត្តទាន់ពេលឥឡូវនេះទេ នេះនឹងមានន័យថា ក្ស័យធនទាំងស្រុងនៃប្រព័ន្ធសន្តិសុខអន្តរជាតិ និងស្ថាប័នអន្តរជាតិ ដែលមានភារកិច្ចរក្សាសណ្តាប់ធ្នាប់សន្តិសុខសកល»។

«នេះគឺជាសេណារីយ៉ូដ៏ក្រៀមក្រំដែលនឹងនាំពួកយើងទៅកាន់សម័យកាលខ្មៅងងឹតនៃសតវត្សរ៍ទី២០»។ លោកបានបន្ថែម៕

ប្រែសម្រួល៖ វីរបុត្រ
ប្រភព៖ AFP

Related Topics:អង្គការសហប្រជាជាតិ (UN)

ព័ត៌មានអន្ដរជាតិ១៦ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេដ្ឋកិច្ច៣ ថ្ងៃ ago

ធនាគារ ARDB ចាក់បញ្ចូលទុនលើស្វាយចន្ទី និងដំឡូងមី

ព័ត៌មានជាតិ១ សប្តាហ៍ ago

រដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ

ព័ត៌មានអន្ដរជាតិ៧ ថ្ងៃ ago

អ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ

សេចក្ដីជូនដំណឹង២ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា