Connect with us

ព័ត៌មានអន្ដរជាតិ

ឃីក​​បុក​​ស៊ីង​​កម្ពុជា​​៤​​រូប​​ប្រកួត​​ល្ងាច​​​នេះ​​​ដើម្បី​​​ឡើង​​​វគ្គ​មេដាយ​​មាស

បានផុស

នៅ

កីឡាករឃីក​បុក​ស៊ីង​ជម្រើស​ជាតិ​កម្ពុជា​៤​រូប​នឹង​ប្រកួត​វគ្គ​ពាក់​កណ្តាល​ផ្តាច់​ព្រ័ត្រ​​​នា​​ថ្ងៃ​អង្គារ៍​ ទី​១០ ខែ​ឧសភា​នេះ ក្នុង​​ព្រឹត្តិការណ៍​កីឡាស៊ីហ្គេម លើក​ទី​៣១ ឆ្នាំ​២០២២ នៅ​ប្រទេស​វៀតណាម ដើម្បី​ស្វែង​រក​ឱកាស​ឡើង​ទៅ​កាន់​វគ្គ​​ផ្តាច់​ព្រ័ត្រ​ដែល​មាន​មេដាយមាស និង​ប្រាក់។

កីឡាករ ទូច រ៉ាឆាន់
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កីឡាករ ទូច រ៉ាឆាន់ (បឹត សង្ឃឹម)​ នឹង​ប្រកួត​ជា​មួយ​កីឡាករ​ម៉ាឡេស៊ី Seaw Wei Sheng​ វេលា​ម៉ោង​៦:៣០​នាទី​ល្ងាច សម្រាប់​ការ​ប្រកួត​ទម្ងន់​​៥៧​គីឡូក្រាម។ រូប​គេ​បានឡើងទៅកាន់វគ្គពាក់កណ្តាលផ្តាច់ព្រ័ត្រ បន្ទាប់​ពី​ឈ្នះ​ពិន្ទុ​កីឡាករហ្វីលីពីន Esteban Jomar Balangui កាល​​ពីវគ្គ​១/៤​ផ្តាច់​ព្រ័ត្រ។

កីឡាករ លន់ បញ្ញា តទល់​ជា​មួយ​​ជើង​ខ្លាំង​​ថៃ Rodnok Ophat ក្នុង​ប្រភេទ​ទម្ងន់​៦៧​គីឡូក្រាម​វេលា​ម៉ោង​​៧​យប់។ កីឡាករ​កម្ពុជា​រូប​នេះ​បាន​ឡើង​វគ្គ​ពាក់​កណ្តាល​ផ្តាច់​ព្រ័ត្រ​ដោយ​មិន​បាន​ប្រកួត​ក្នុង​ជុំ​ដំបូង​ទេ ដោយ​សារ​រូប​គេ​ចាប់​ឆ្នោត​បាន​ឈ្មោះ​នៅ​​វគ្គ​ខ្វែង​នេះ​ស្រាប់ ដូច្នេះ​​​នេះ​ជា​ការ​ប្រកួត​លើក​ដំបូង​របស់ លន់ បញ្ញា។

កីឡាករ កាន់ ម៉េងហុង

កីឡាករ កាន់ ម៉េងហុង ត្រូវ​ប្រកួត​ជា​មួយ​កីឡាករ​ម៉ាឡេស៊ី Awang Marajaya Awangku Abdul Rahman វេលា​ម៉ោង​៨​​យប់​ក្នុង​ទម្ងន់​៥៤​គីឡូក្រាម។ ម៉េងហុង បាន​ឡើង​ដល់​វគ្គ​ពាក់​កណ្តាល​ផ្តាច់​ព្រ័ត្រ​នេះ បន្ទាប់​ពី​ឈ្នះ​ពិន្ទុ​កីឡាករ​ឡាវ Khammaty Houmphanh ​កាល​ពី​វគ្គ១/៤​ផ្តាច់​ព្រ័ត្រ។

កីឡាករ សាន រ៉ាគីម ត្រូវ​ធ្វើ​ការ​ធ្ងន់​យប់​នេះ​ដោយ​ត្រូវ​ជួប​ជើង​ខ្លាំង​ថៃ  Santidongsakun Chaleamlap វេលា​ម៉ោង​៨:៣០​នាទី​យប់ ក្នុង​ទម្ងន់​៦៣​គីឡូក្រាម។  ​ការ​បាន​ឡើង​មក​កាន់វគ្គពាក់កណ្តាលផ្តាច់ព្រ័ត្រ​នេះ រ៉ាគីម​ បាន​វ៉ៃឲ្យអាជ្ញាកណ្តាលបញ្ឈប់កីឡាករម៉ាឡេស៊ី Awane Handra Awang Muhammad Hazmie ក្នុងទឹកទី២កាល​ពីវគ្គ១/៤​ផ្តាច់​ព្រ័ត្រ។

កីឡាករ សាន រ៉ាគីម (ក្រហម)

សម្រាប់​ការ​ប្រកួត​វគ្គ​ពាក់​កណ្តាល​ផ្តាច់​ព្រ័ត្រ​​ខាង​លើទាំង​៤​នេះ អ្នក​ឈ្នះ​នឹង​ឡើង​ទៅ​វគ្គ​ផ្តាច់​ព្រ័ត្រ​ដើម្បី​ប្រជែង​មេដាយ​មាស​ ខណៈ​​អ្នក​ចាញ់​នឹង​ទទួល​បាន​មេដាយ​សំរឹទ្ធ៕

អត្ថបទ៖ វីរបុត្រ
ប្រភពរូប៖ Cambodia 2023

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម