ចិន សម្ពោធនាវាផ្ទុកយន្តហោះទីបី ជាផ្លូវការ (មានវីដេអូ)

ប្រទេសចិនបានដាក់ឲ្យដំណើរការជាផ្លូវការ នូវនាវាផ្ទុកយន្តហោះទីបីរបស់ខ្លួន ដែលមានឈ្មោះថា Fujian។

យោងតាមប្រព័ន្ធផ្សព្វផ្សាយរដ្ឋរបស់ប្រទេសចិន, នាវាចុងក្រោយ និងទំនើបបំផុតរបស់ប្រទេសនេះ ត្រូវបានដាក់សម្ពោធនៅព្រឹកថ្ងៃសុក្រទី១៧ខែមិថុនានេះ នៅរោងចក្រផលិតនាវា China State Shipbuilding Corporation (CSSC) ក្នុងទីក្រុងសៀងហៃ ជាកន្លែងដែលនាវា បានសាងសង់ចាប់តាំងពីឆ្នាំ ២០១៨មកម្ល៉េះ។

កាសែត Global Times របស់រដ្ឋចិន បានផ្សាយថា នៅពេលវិញ្ញាបនបត្រដាក់ឈ្មោះត្រូវបានប្រគល់ទៅឲ្យមេបញ្ជាការរបស់នាវា Fujian ពិធីកាត់ខ្សែបូរនឹងធ្វើឡើងដើម្បីអបអរការសម្ពោធជាផ្លូវការ ហើយនាវាបានចាកចេញពីផែ។

គួរបញ្ជាក់ថា Fujian គឺជានាវាផ្ទុកយន្តហោះអភិវឌ្ឍក្នុងស្រុកទាំងស្រុង ដំបូងគេរបស់ប្រទេសចិន ហើយប្រើប្រាស់ឧបករណ៍ចាប់អេឡិចត្រូម៉ាញេទិក និងឧបករណ៍ចាប់សញ្ញាដើម្បីឲ្យយន្តហោះអាចហោះឡើង និងចុះចតនៅលើនាវា។ នាវានេះមានចំណុះជាង ៨០ ០០០ តោន៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Al Jazeera

ចុចអាន៖ អាមេរិក ព្រមាន ចិន ថា កំពុង ប្រថុយ នឹង ការ ចូលខាង ខុស ជាប្រវត្តិសាស្ត្រ