ព័ត៌មានអន្ដរជាតិ
ចិនបញ្ជានាវាផ្ទុកយន្តហោះខ្នាតធំទៅសមុទ្ទចិនខាងត្បូង ចំពេលសមយុទ្ធរបស់ជប៉ុនអាមេរិកនៅហ្វីលីពីន
នាវាផ្ទុកយន្តហោះគ្មានមនុស្សបើកដ៏ធំ ប្រភេទ Type-០៧៦ ថ្មី របស់ប្រទេសចិន គឺ Sichuan កំពុងធ្វើដំណើរទៅកាន់សមុទ្រចិនខាងត្បូងក្នុងការសាកល្បងប្រតិបត្តិការក្នុងសមុទ្រ។ នេះបើយោងតាមកាសែត South China Morning Post រាយការណ៍នៅថ្ងៃទី២២ ខែមេសា ឆ្នាំ២០២៦ ។
ការដាក់ដំណើរការនេះ ធ្វើឡើងស្របពេលជាមួយនឹងសមយុទ្ធយោធាទ្រង់ទ្រាយធំរួមគ្នាក្នុងសមុទ្រចិនខាងត្បូងដោយមានសហរដ្ឋអាមេរិក ជប៉ុន និងប្រទេសសម្ព័ន្ធមិត្តដទៃទៀតក្នុងប្រទេសហ្វីលីពីន។
ក្នុងសេចក្តីប្រកាសរបស់ខ្លួន កងទ័ពជើងទឹកនៃកងទ័ពរំដោះប្រជាជនចិន (PLA) លើកឡើងថា៖ « នាវាផ្ទុកយន្តហោះ Sichuan បានចាកចេញពីទីក្រុងសៀងហៃ ដើម្បីសាកល្បងប្រព័ន្ធនិងប្រើប្រាស់បច្ចេកវិទ្យាលើនាវាផ្ទាល់។ នាវានេះ ធ្លាប់បានបញ្ចប់ការសាកល្បងក្នុងសមុទ្រលើកដំបូងនៅខែវិច្ឆិកា វារចនាឡើងដើម្បីដឹកជញ្ជូនយានចុះចត កងទ័ព រថពាសដែក និងយន្តហោះប្រតិបត្តិការលើគោក និងក្នុងទឹក។ វាជាទ្រព្យសម្បត្តិដ៏សំខាន់សម្រាប់សកម្មភាពយោធាដ៏មានសក្តានុពលរបស់ទីក្រុងប៉េកាំង»។
កាសែត South China Morning Post ដកស្រង់របាយការណ៍របស់ក្រសួងការពារជាតិតៃវ៉ាន់ថា៖ « នាវាផ្ទុកយន្តហោះដំបូងរបស់ចិន គឺនាវា Liaoning បានឆ្លងកាត់ច្រកសមុទ្រតៃវ៉ាន់នៅថ្ងៃចន្ទ ដោយដឹកយន្តហោះចម្បាំង J-១៥ ចំនួន ៨គ្រឿង និងឧទ្ធម្ភាគចក្រ ៣គ្រឿង។ ចំណែកទិសដៅនាវានេះក៏កំពុងធ្វើដំណើរទៅកាន់សមុទ្រចិនខាងត្បូងផងដែរ»។
គួរបញ្ជាក់ថា ចលនាកងទ័ពជើងទឹកចិនត្រួតស៊ីគ្នាជាមួយសមយុទ្ធ Balikatan ប្រចាំឆ្នាំរវាងសហរដ្ឋអាមេរិក ជប៉ុន និងហ្វីលីពីន និងមានបណ្តាប្រទេសជាច្រើនទៀតបានចួលរួមផងដែរ។
សមយុទ្ធឆ្នាំនេះមានកងទ័ពជិត ១៩ ០០០ នាក់ចូលរួម មានការចូលរួមយ៉ាងសកម្មពីប្រទេសជប៉ុន អូស្ត្រាលី កាណាដា បារាំង និងនូវែលសេឡង់។
ដោយឡែក លោក Samuel Paparo ប្រធានបញ្ជាការដ្ឋានឥណ្ឌូ-ប៉ាស៊ីហ្វិករបស់សហរដ្ឋអាមេរិកថ្លែងថា៖ « ការទប់ស្កាត់ប្រទេសចិននៅតែជាកាតព្វកិច្ចខ្ពស់បំផុតរបស់យោធាអាមេរិកក្នុងតំបន់។ សមយុទ្ធទាំងនេះរួមមានការវាយប្រហារតាមសមុទ្រ ប្រតិបត្តិការប្រឆាំងការចុះចត និងការការពារដែនអាកាសនិងមីស៊ីល»៕
ប្រែសម្រួល៖ ណឺ មិនា
-
ព័ត៌មានអន្ដរជាតិ១៤ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
ព័ត៌មានអន្ដរជាតិ៦ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ