គណបក្សកាន់អំណាចអ៊ីតាលី បែកបាក់ផ្ទៃក្នុង ដោយសាររឿងផ្តល់អាវុធឲ្យ អ៊ុយក្រែន

គណបក្សចលនាផ្កាយប្រាំ (M5S) ដែលកំពុងកាន់អំណាចរបស់ប្រទេសអ៊ីតាលី កំពុងបែកបាក់គ្នាចំពោះរឿងថាតើ ត្រូវបន្តការបញ្ជូនអាវុធទៅឲ្យអ៊ុយក្រែនដែរឬក៏អត់។

សភា​ត្រៀម​បោះឆ្នោត​លើសេចក្តីសម្រេចរបស់ M5S នៅ​ថ្ងៃ​អង្គារ ដែល​នឹង​ផ្តល់​អនុសាសន៍​ឲ្យ​បញ្ចប់​ការ​ផ្តល់​អាវុធ​ដល់​អ៊ុយក្រែន ដើម្បី​ចៀសវាង​ការ​ប៉ះពាល់​ដល់​អនាគត​សន្តិភាព។

ការដកស្រង់ចេញពីសេចក្តីសម្រេច ដែលបែកធ្លាយទៅប្រព័ន្ធផ្សព្វផ្សាយកាលពីថ្ងៃសៅរ៍ទី១៨ខែមិថុនា បានគាំទ្រសំណើរបស់មេដឹកនាំ M5S លោក Giuseppe Conte ដែលបានស្នើឲ្យមានការបោះឆ្នោត លុបចោលការផ្គត់ផ្គង់អាវុធ។

យោងតាមកាសែតប្រចាំថ្ងៃ La Repubblica បានឲ្យដឹងថា សំណើនេះធ្វើឲ្យអតីតនាយករដ្ឋមន្ត្រីមានការប៉ះទង្គិចជាមួយអ្នកការទូតកំពូលឈ្មោះ Luigi Di Maio ដែលបានចោទប្រកាន់គណបក្សរបស់គាត់ថា គ្មានភាពពេញវ័យ និងធ្វើឲ្យប៉ះពាល់ដល់សន្តិសុខជាតិ។

ការរិះគន់របស់គាត់ ត្រូវបានគេរាយការណ៍ថា បង្កឲ្យមានការស្តីបន្ទោសពីអនុប្រធាន M5S លោក Riccardo Ricciardi និង Michele Gubitosa ដែលបានស្នើនៅក្នុងបទសម្ភាសន៍ជាមួយកាសែតអ៊ីតាលីថា លោក Di Maio គួរតែចាកចេញពីគណបក្ស៕

ប្រែសម្រួល៖ Vann Vann

ប្រភព៖ Sputnik

ចុចអាន៖ មេទ័ពអង់គ្លេស ប្រាប់ទាហានឲ្យត្រៀមប្រយុទ្ធ និងផ្តួលកងទ័ពលោក ពូទីន ក្នុងសង្រ្គាមលោកលើកទី៣