ព័ត៌មានអន្ដរជាតិ
ចិន ជួបប្រទះភ្លៀងធ្លាក់ខ្លាំងបំផុត ក្នុងរយៈពេល ៦ទសវត្សរ៍, មនុស្សរាប់សែននាក់ ត្រូវជម្លៀស (មានវីដេអូ)
ភ្លៀងធ្លាក់ខ្លាំងបំផុតមិនធ្លាប់មាន ក្នុងរយៈពេល៦ទសវត្សរ៍មកនេះ បានបង្កឲ្យមានទឹកជំនន់ និងការរអិលបាក់ដីនៅភាគខាងត្បូងប្រទេសចិន ដោយបង្ខំឲ្យជម្លៀសប្រជាជនរាប់សែននាក់។
ទោះបីជាយ៉ាងណាក៏ដោយ មិនមានសេចក្តីរាយការណ៍ អំពីអ្នកស្លាប់នោះទេ។
ជំនន់ទឹកភ្លៀង បានហូរហៀរពេញផ្លូវទឹកដ៏គ្រោះថ្នាក់ នៅក្នុងអាងទន្លេ គជ់ នារយៈពេលប៉ុន្មានថ្ងៃថ្មីៗនេះ ដោយគំរាមកំហែងដល់ការផលិត និងប្រតិបត្តិការដឹកជញ្ជូន ចំពេលដែលខ្សែសង្វាក់ផ្គត់ផ្គង់ ជួបប្រទះបញ្ហារួចទៅហើយ ដោយសារតែវិធានការគ្រប់គ្រងជំងឺកូវីដ១៩ដ៏តឹងរ៉ឹងរបស់ប្រទេសចិន។
កម្រិតភ្លៀងធ្លាក់ជាមធ្យមនៅក្នុងខេត្ត Guangdong, Fujian និង Guangxi នៅចន្លោះដើមខែឧសភា ដល់ពាក់កណ្តាលខែមិថុនា បានឈានដល់ ៦២១មិល្លីម៉ែត្រ ដែលជាកម្រិតខ្ពស់បំផុតចាប់តាំងពីឆ្នាំ ១៩៦១ មក។ នេះបើយោងតាមមជ្ឈមណ្ឌលឧតុនិយមជាតិរបស់ប្រទេសចិន។
នៅក្នុងខេត្ត Guangxi ទឹកភក់ ត្រូវបានគេមើលឃើញ ជន់លិចតំបន់ទីក្រុង ហើយក្រុមជួយសង្គ្រោះបន្ទាន់ បានជម្លៀសអ្នកភូមិតាមទូក។
ដោយឡែក អាជ្ញាធរខេត្ត Guangdong បាននិយាយកាលពីថ្ងៃចន្ទទី២០ខែមិថុនាថា មនុស្សជាង ២០ម៉ឺននាក់ ត្រូវបានជម្លៀសចេញក្នុងអំឡុងគ្រោះមហន្តរាយ ហើយការខូចខាតគិតមកដល់ពេលនេះ ត្រូវបានគេប៉ាន់ស្មានថាមានប្រមាណ ១.៧ ពាន់លានយ័ន (២៥៤លានដុល្លារ)។
យោងតាមក្រុមមន្ត្រីបានឲ្យដឹងថា អ្នកជម្លៀសគឺស្ថិតក្នុងចំណោមមនុស្សជិត ៤៨០ ០០០នាក់ដែលរងផលប៉ះពាល់ដោយភ្លៀង និងទឹកជំនន់។
ទន្ទឹមនោះ ប្រព័ន្ធផ្សព្វផ្សាយក្នុងស្រុកបានរាយការណ៍ថា ខេត្ត Guangxi បានរងគ្រោះដោយទឹកជំនន់ខ្លាំងបំផុតចាប់តាំងពីឆ្នាំ ២០០៥មក។
យោងតាមអាជ្ញាធរឧតុនិយម ទឹកទន្លេចំនួន ២៨ នៃខេត្ត Guangxi បានឡើងលើសកម្រិតប្រកាសអាសន្ន ខណៈភ្លៀងនៅតែបន្តធ្លាក់នៅថ្ងៃអង្គារនេះ ។ ហើយនៅក្នុងខេត្ត Fujian មនុស្សជាង ២២០ ០០០នាក់ ត្រូវបានជម្លៀសចាប់តាំងពីដើមខែនេះ ដោយសារតែទឹកជំនន់។
គួរបញ្ជាក់ថា កាលពីដើមខែនេះ មនុស្សយ៉ាងតិច២១នាក់ បានស្លាប់ដោយសារទឹកជំនន់ ដែលបង្កឡើងដោយភ្លៀងធ្លាក់ខ្លាំងនៅក្នុងខេត្ត Hubei កណ្តាលប្រទេសចិន។
រីឯ គ្រោះមហន្តរាយទឹកជំនន់នៅខេត្ត Henan កណ្តាលប្រទេសចិនកាលពីរដូវក្តៅមុន បានសម្លាប់មនុស្សចំនួន ៣៩៨នាក់ និងបណ្តាលឲ្យខាតបង់សេដ្ឋកិច្ចក្នុងទំហំទឹកប្រាក់ជាង ១០ ពាន់លានដុល្លារ៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ CNA
ចុចអាន៖ ស្លាប់កើនដល់ ៥៩នាក់ ដោយសាររន្ទះបាញ់ និងបំណាក់ដីនៅឥណ្ឌា និងបង់ក្លាដែស
-
ព័ត៌មានជាតិ១ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
សន្តិសុខសង្គម១០ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ជីវិតកម្សាន្ដ៦ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ