ព័ត៌មានអន្ដរជាតិ

អាល្លឺម៉ង់ លក់ប្រព័ន្ធកាំភ្លើងធំ ១០០ គ្រឿងឲ្យ អ៊ុយក្រែន

បានផុស

៣ years មុន

នៅ

ថ្ងៃព្រហស្បតិ៍ ២៨ កក្កដា ២០២២

ដោយ

ទស្សនាវដ្តី Spiegel បានរាយការណ៍កាលពីថ្ងៃពុធថា រដ្ឋាភិបាលអាល្លឺម៉ង់បានអនុម័តការលក់ដោយផ្ទាល់នូវប្រព័ន្ធកាំភ្លើងធំប្រភេទ Howitzers ចំនួន ១០០ គ្រឿងទៅឲ្យប្រទេសអ៊ុយក្រែន ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Spiegel បានចុះផ្សាយទៀតថា ក្រុមហ៊ុនផលិតអាវុធ Krauss-Maffei Wegmann (KMW) បានដាក់ពាក្យសុំផលិតប្រព័ន្ធកាំភ្លើងធំប្រភេទ Howitzers ឬ Panzerhaubitze 2000 ចំនួន ១០០ គ្រឿងដែលមានតម្លៃ ១.៧២ ពាន់លានដុល្លារកាលពីថ្ងៃទី ១១ ខែកក្កដា ហើយបានទទួលការអនុញ្ញាតពីក្រសួងសេដ្ឋកិច្ចអាល្លឺម៉ង់ត្រឹមតែ ២ ថ្ងៃក្រោយមកប៉ុណ្ណោះ ។

ទន្ទឹមនោះអ្នកតំណាងក្រុមហ៊ុន KMW បានប្រាប់ Spiegel ថា កិច្ចព្រមព្រៀងបច្ចុប្បន្ននឹងលើសពីតម្លៃនៃការចែកចាយអាវុធមុនៗជាច្រើនដង ដោយសារតែវាជាប្រព័ន្ធអាវុធទំនើបរបស់ប្រទេស ។

គួរបញ្ជាក់ថា ការប្រកាសលក់ប្រព័ន្ធអាវុធរបស់អាល្លឺម៉ង់កើតឡើងតែប៉ុន្មានសប្ដាហ៍ប៉ុណ្ណោះ បន្ទាប់ពីក្រសួងកិច្ចការសេដ្ឋកិច្ចអាល្លឺម៉ង់និយាយថា អ៊ុយក្រែនបានក្លាយជាប្រទេសនាំចូលអាវុធធំទី ២ របស់អាល្លឺម៉ង់ បន្ទាប់ពីទីក្រុងបែរឡាំងបានអនុម័តការនាំចេញអាវុធមានតម្លៃរហូតដល់ ៥៨៤ លានដុល្លារទៅកាន់អ៊ុយក្រែនក្នុងរយៈពេល ៦ ខែដំបូងនៃឆ្នាំ ២០២២ ៕

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ រ៉ុកកែតប្រហែល ២០ គ្រាប់បាញ់ចេញពីទឹកដីសម្ព័ន្ធមិត្ត រុស្ស៊ី វាយប្រហារ អ៊ុយក្រែន