ព័ត៌មានអន្ដរជាតិ
រ៉ុកកែតប្រហែល ២០ គ្រាប់បាញ់ចេញពីទឹកដីសម្ព័ន្ធមិត្ត រុស្ស៊ី វាយប្រហារ អ៊ុយក្រែន
យោងតាមទីបញ្ជាការប្រតិបត្តិការភាគខាងជើងរបស់អ៊ុយក្រែនបានឲ្យដឹងថា រ៉ុកកែតប្រហែល ២០ គ្រាប់បានបាញ់ចេញពីប្រទេសបេឡារុស និងបានវាយប្រហារតំបន់ Chernihiv ភាគខាងជើងអ៊ុយក្រែននៅព្រឹកថ្ងៃព្រហស្បតិ៍នេះ ។
ទន្ទឹមនោះអភិបាលតំបន់លោក Viacheslav Chaus បាននិយាយលើ Telegram នៅក្នុងការអាប់ដេតព័ត៌មានចុងក្រោយថា ដំបូងឡើយមានតែកាំជ្រួចមីស៊ីលជាង ១០ គ្រាប់ប៉ុណ្ណោះត្រូវបានបាញ់ចេញពីទឹកដីនៃប្រទេសបេឡារុសដែលជាសម្ព័នមិត្តរបស់រុស្ស៊ី និងបានវាយប្រហារតំបន់ Chernihiv នៅម៉ោងប្រហែល ៥ ព្រឹក ។
លោក Chaus បាននិយាយទៀតថា “ថ្ងៃនេះយើងទាំងអស់គ្នាភ្ញាក់តាំងពីព្រលឹម ដោយសារតែមានការរំខានយ៉ាងខ្លាំង ជាពិសេសយើងបានឮសំឡេងផ្ទុះ និងការរង្គើជាបន្តបន្ទាប់” ។
លោកអភិបាលតំបន់បញ្ជាក់ថា ក្រោយម៉ោង ៥ ព្រឹក គ្រាប់រ៉ុកកែតជាហូរហែបានបាញ់ចេញពីទឹកដីនៃប្រទេសបេឡារុសទៀត ខណៈព័ត៌មានបឋម គ្រាប់រ៉ុកកែតនោះហោះបុកនៅជិតតំបន់ Goncharivskyi ។
ជាចុងក្រោយលោក Chaus មិនបាននិយាយពីតំបន់ជាក់លាក់ណាមួយដែលគ្រាប់រ៉ុកកែតបាញ់ចេញពីប្រទេសបេឡារុសនោះទេ ខណៈចំនួនអ្នកស្លាប់ និងរងរបួសក៏មិនទាន់ត្រូវបានបញ្ជាក់ផងដែរ ៕
ប្រែសម្រួលដោយ ៖ ជីវ័ន្ត
ប្រភព ៖ The Guardian
ចុចអាន ៖ អ៊ុយក្រែន ប្រកាសបាត់បង់រោចក្រថាមពលធំជាងគេទី ២ ទៅក្នុងកណ្ដាប់ដៃ រុស្ស៊ី
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង