ព័ត៌មានអន្ដរជាតិ
ទីក្រុង ហូជីមិញ កំពុងលិចក្រោមទឹក ក្នុងអត្រាដ៏លឿន (មានវីដេអូ)
នៅក្នុងការសិក្សាថ្មីមួយរបស់សាកលវិទ្យាល័យ Nanyang Technological និងអ្នកជំនាញមកពីមន្ទីរពិសោធន៍ Jet Propulsion Laboratory របស់អង្គការ NASA ព្រមទាំងវិទ្យាស្ថានបច្ចេកវិទ្យាសហព័ន្ធស្វីស (ETH Zürich) បានរកឃើញថា មានភ័ស្តុតាង និងសញ្ញាបង្ហាញថា ទីក្រុងនៅតាមឆ្នេរសមុទ្រនិងទន្លេធំៗជាច្រើន កំពុងលិចលឿនជាងអត្រា នៃការកើនឡើងកម្រិតទឹកសមុទ្រ។
ក្រុមស្រាវជ្រាវនេះ បានប្រើប្រាស់រ៉ាដាពីផ្កាយរណប ដើម្បីវាស់ស្ទង់អត្រានៃការលិចក្រោមទឹក នៅក្នុងទីក្រុងឆ្នេរសមុទ្រដែលមានប្រជាជនរស់នៅច្រើនចំនួន៤៨ របស់ពិភពលោកចន្លោះឆ្នាំ ២០១៤ ដល់ ២០២០។
បន្ទាប់ពីការស្រាវជ្រាវនិងត្រួតពិនិត្យអស់រយៈពេលជាយូរ លទ្ធផលបានបង្ហាញថា មានទីក្រុងចំនួន ៤៤ ដែលមានតំបន់កំពុងលិចលឿនជាងការកើនឡើងកម្រិតទឹកសមុទ្រ។
ជាពិសេស ទីក្រុងនានានៅអាស៊ីខាងត្បូង និងអាស៊ីអាគ្នេយ៍ កំពុងលិចក្នុងល្បឿនដ៏លឿនបំផុត។ ក្នុងនោះរួមមានទីក្រុង Tianjin នៃប្រទេសចិន និង Ahmedabad នៃប្រទេសឥណ្ឌា ដែលមានអត្រាលិចក្រោមទឹកលើសពី ២០មិល្លីម៉ែត្រក្នុងមួយឆ្នាំ ខណៈទីក្រុង ហូជីមិញ នៃប្រទេសវៀតណាម មានអត្រាលិច ១៦.២មិល្លីម៉ែត្រក្នុងមួយឆ្នាំ។
បច្ចុប្បន្ន កម្រិតទឹកសមុទ្រមានការកើនឡើងជាមធ្យមប្រហែល ៣.៧ មិល្លីម៉ែត្រក្នុងមួយឆ្នាំ ដែលភាគច្រើនបណ្តាលមកពីទឹកកករលាយ ដោយសារការប្រែប្រួលអាកាសធាតុ។ នៅកន្លែងជាច្រើន ដីក៏បានបាក់ស្រុតផងដែរ ដោយសារតែការបូមទឹកក្រោមដី ការទាញយកប្រេង និងឧស្ម័ន ហើយដីល្បាប់ត្រូវបានបង្ហាប់ដោយអគារធំៗ ដែលបណ្តាលឲ្យអត្រាលិចក្នុងទីក្រុងកើនឡើងលឿន។
នៅក្នុងការសិក្សាដោយផ្អែកលើទីក្រុងហូជីមិញ ក្រុមការងារបានរកឃើញថា ប្រសិនបើអត្រានៃការលិចចុះបែបនេះនៅតែបន្ត, នោះផ្ទៃដីប្រហែល២០គីឡូម៉ែត្រការ៉េនៃទីក្រុងនេះ អាចនឹងលិចនៅក្រោមនីវ៉ូទឹកសមុទ្រនៅត្រឹមឆ្នាំ២០៣០៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ Vietnam Postsen
ចុចអាន៖ ព្យុះចំនួន១០ទៀត នឹងវាយប្រហារប្រទេស វៀតណាម, អាចបង្កឲ្យបាក់ដី និងទឹកជំនន់
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៥ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ