ព័ត៌មានអន្ដរជាតិ
លោក Zelensky កំណត់លក្ខខណ្ឌ សម្រាប់ការចរចាជាមួយ រុស្ស៊ី
ប្រធានាធិបតីអ៊ុយក្រែន លោក Vladimir Zelensky បានបដិសេធចរចារកដំណោះស្រាយសន្តិភាព បើលោក វ្ល៉ាឌីមៀរ ពូទីន នៅតែជាប្រធានាធិបតីនៃប្រទេសរុស្ស៊ី។
តាមរយៈបណ្តាញ Telegram ផ្លូវការរបស់លោកកាលពីថ្ងៃសុក្រទី៣០ខែកញ្ញា លោក Zelensky ក៏បានទាមទារឲ្យមានការផ្លាស់ប្តូររដ្ឋាភិបាលរុស្ស៊ី ផងដែរ។
លោកបានសរសេរថា “យើងបានត្រៀមខ្លួនរួចជាស្រេចសម្រាប់កិច្ចពិភាក្សាជាមួយរុស្ស៊ី ប៉ុន្តែជាមួយប្រធានាធិបតីរុស្ស៊ីម្នាក់ទៀត”។
លោក Zelensky បានច្រានចោលម្តងហើយម្តងទៀតនូវសំណើសន្តិភាពពីទីក្រុងមូស្គូ ដោយចុងក្រោយបំផុតប្រធានាធិបតីអ៊ុយក្រែនរូបនេះ បានបដិសេធសំណើរបស់លោកពូទីន ក្នុងចរចាឡើងវិញកាលពីថ្ងៃសុក្រ។ អ្វីដែលអ៊ុយក្រែន មិនពេញចិត្តនោះគឺថា លោកពូទីន មិនព្រមបោះបង់តំបន់ដែលធ្វើប្រជាមតិ ចូលរួមជាមួយរុស្ស៊ីក្នុងសប្តាហ៍នេះទេ។
លោក Zelensky ប្រកាសថា “មានតែវិធីនៃការពង្រឹងកម្លាំងអ៊ុយក្រែន និងការបណ្តេញអ្នកកាន់កាប់ចេញពីទឹកដីរបស់យើងទាំងមូលប៉ុណ្ណោះ ទើបស្តារសន្តិភាពឡើងវិញបាន”។
លោក Zelensky ក៏បានបញ្ជាក់ផងដែរថា អ៊ុយក្រែនបានដាក់ពាក្យសុំចូលជាសមាជិកអង្គការណាតូ កាលពីថ្ងៃសុក្រ ដែលនេះជាអ្វីដែលលោកធ្លាប់សារភាពថា ប្រហែលជានឹងមិនកើតឡើងនោះទេ៕
ប្រែសម្រួល៖ Vann Vann
ប្រភព៖ RT
ចុចអាន៖ ពូទីន ចុះហត្ថលេខា ទទួលស្គាល់តំបន់ចំនួន២ ជាទឹកដីឯករាជ្យ ក្រោយការធ្វើប្រជាមតិ
-
ព័ត៌មានអន្ដរជាតិ២ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៤ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
អត្ថាធិប្បាយ១ សប្តាហ៍ agoសេចក្ដីអធិប្បាយលើសុភាសិតខ្មែរ៖«អណ្តាតជាអាទិ៍កន្លង បានសុខទុក្ខផងពីព្រោះអណ្តាត»
-
កីឡា៥ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
សេដ្ឋកិច្ច៧ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
ព័ត៌មានអន្ដរជាតិ៦ ថ្ងៃ agoពូទីន ចំណាយជាង ២៦ពាន់លានដុល្លារ ស្វែងរកវិធីពន្យារជីវិត