ព័ត៌មានអន្ដរជាតិ
ផ្ទុះការតវ៉ានៅ អាល្លឺម៉ង់ ដោយសារតម្លៃថាមពលឡើងកប់ក្ដោង
ក្រុមអ្នកតវ៉ាបានប្រមូលផ្តុំគ្នានៅក្នុងទីក្រុងចំនួន ៦ របស់អាល្លឺម៉ង់ ក្រោមបាវចនាថា “រួមគ្នាឆ្លងកាត់វិបត្តិ ធានាសន្តិសុខសង្គម និងបញ្ចប់ការពឹងផ្អែកលើឥន្ធនៈហ្វូស៊ីល” ដោយទាមទារឲ្យមានយុត្តិធម៌សង្គម និងនិរន្តរភាពបន្ថែមទៀត នៅពេលដែលអតិផរណា និងតម្លៃឧស្ម័ននៅក្នុងប្រទេសចាប់ផ្តើមឡើងកប់ក្ដោង ។
ក្រុមអ្នកតវ៉ាបានដើរក្បួនតាមដងផ្លូវក្នុងប្រទេស អំពាវនាវឲ្យរដ្ឋាភិបាលអាល្លឺម៉ង់ធ្វើអ្វីគ្រប់យ៉ាងដើម្បីការពារអ្នកដែលមានប្រាក់ចំណូលទាប និងមធ្យម ចំពេលមានវិបត្តិថាមពលកើនឡើងនេះ ជាពិសេសបានអំពាវនាវឲ្យមានការលុបបំបាត់ឥន្ធនៈហ្វូស៊ីល និងថាមពលនុយក្លេអ៊ែរ ក៏ដូចជាការកាត់បន្ថយថ្លៃអគ្គិសនីជាដើម ។
ពាក់ព័ន្ធនឹងបញ្ហានេះដែរ សភារបស់ប្រទេសអាល្លឺម៉ង់កាលពីថ្ងៃសុក្របានអនុម័តកញ្ចប់សង្គ្រោះចំនួន ២០០ ពាន់លានអឺរ៉ូ (១៩៥ ពាន់លានដុល្លារ) របស់រដ្ឋាភិបាល ក្នុងគោលបំណងការពារក្រុមហ៊ុន និងគ្រួសារពីផលប៉ះពាល់នៃការកើនឡើងតម្លៃថាមពល ។
ដោយឡែកអង្គការ Greenpeace នៅអាល្លឺម៉ង់បានប៉ាន់ប្រមាណថា មានអ្នកចូលរួមសរុបប្រហែល ២៤,០០០ នាក់រួមទាំងប្រហែល ៦,០០០ នៅទីក្រុង Berlin, ៥,០០០ នាក់នៅទីក្រុង Dusseldorf និង Frankfurt និង ៤,០០០ នៅទីក្រុង Stuttgart ខណៈការតវ៉ាក៏បានកើតឡើងផងដែរនៅក្នុងទីក្រុង Hanover និង Dresden ។
គួរបញ្ជាក់ថា បណ្ដាប្រទេសមួយចំនួននៅអឺរ៉ុបក៏កំពុងផ្ទុះការតវ៉ាស្រដៀងៗគ្នានេះ ពាក់ព័ន្ធនឹងអតិផរណា ក៏ដូចជា តម្លៃថាមពលកើនឡើង ដោយសារតែការរឹតត្បិត និងការដាក់ទណ្ឌកម្មទ្រង់ទ្រាយធំលើប្រទេសរុស្ស៊ីចំពោះសង្គ្រាមលុកលុយនៅប្រទេសអ៊ុយក្រែន ៕
ប្រែសម្រួលដោយ ៖ ជីវ័ន្ត
ប្រភព ៖ DW
ចុចអាន ៖ ដឹងមូលហេតុដែលលោក ហ៊ូ ជីនតាវ ចេញពីសមាជបក្សកុម្មុយនិស្ត ចិន
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង