Connect with us

ព័ត៌មានអន្ដរជាតិ

អាល្លឺម៉ង់ ឲ្យក្រុមហ៊ុនដឹកជញ្ជូន ចិន កាន់កាប់ភាគហ៊ុននៅកំពង់ផែធំបំផុត

បានផុស

នៅ

រដ្ឋាភិបាលអាល្លឺម៉ង់បានប្រកាសកាលពីពេលថ្មីៗនេះថា ក្រុមហ៊ុនដឹកជញ្ជូនគ្រប់គ្រងដោយចិន Cosco នឹងត្រូវបានអនុញ្ញាតឲ្យកាន់កាប់ភាគហ៊ុនរហូតដល់ ២៤.៩ ភាគរយនៅក្នុងស្ថានីយមួយនៅកំពង់ផែធំបំផុតក្នុងទីក្រុង Hamburg ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការសម្រេចចិត្តរបស់រដ្ឋាភិបាលអាល្លឺម៉ង់ក្នុងការផ្ដល់សិទ្ធិឲ្យក្រុមហ៊ុនចិនកាន់កាប់ភាគហ៊ុនត្រូវបានពិពណ៌នាថា ជាមធ្យោបាយមួយដើម្បីរក្សាក្រុមហ៊ុន Cosco ពីការជាប់ពាក់ព័ន្ធក្នុងការសម្រេចចិត្តជាយុទ្ធសាស្ត្ររបស់អាល្លឺម៉ង បន្ទាប់ពីអធិការបតីលោក Olaf Scholz បានទប់ទល់នឹងការអំពាវនាវឲ្យហាមឃាត់ការលក់ដ៏ចម្រូងចម្រាសទាំងស្រុងជុំវិញការព្រួយបារម្ភអំពីសុវត្ថិភាព ។

ពាក់ព័ន្ធនឹងបញ្ហានេះដែរ ក៏មានការតវ៉ាជាច្រើនខែប្រឆាំងនឹងការអនុញ្ញាតឲ្យចិនមានភាគហ៊ុននៅក្នុងហេដ្ឋារចនាសម្ព័ន្ធសំខាន់ៗនៅអាល្លឺម៉ង់ ដោយសារតែវាអាចនឹងគំរាមកំហែងដល់សណ្ដាប់ធ្នាប់ប្រទេស ។

ទន្ទឹមនោះ លោកស្រី Christiane Hoffmann អ្នកនាំពាក្យរងរបស់រដ្ឋាភិបាលអាល្លឺម៉ង់បាននិយាយថា ច្បាប់កាន់កាប់ភាគហ៊ុន ២៤.៩ ភាគរយធានាថា ចិនមិនមានការគ្រប់គ្រង ឬការចូលរួមជាយុទ្ធសាស្ត្រអ្វីទាំងអស់នៅក្នុងហេដ្ឋារចនាសម្ព័ន្ធសំខាន់ៗរបស់អាល្លឺម៉ង់ ។

ទោះយ៉ាងណា អ្នករិះគន់ដែលប្រឆាំងនឹងកិច្ចព្រមព្រៀងនេះបាននិយាយថា វានឹងផ្តល់ឲ្យចិននូវឥទ្ធិពលយុទ្ធសាស្ត្រលើហេដ្ឋារចនាសម្ព័ន្ធសំខាន់ៗក្នុងប្រទេស ខណៈក្រសួងរបស់រដ្ឋាភិបាលអាល្លឺម៉ង់ចំនួន ៦ ក៏បានជំទាស់នឹងការវិនិយោគនេះផងដែរ បន្ទាប់ពីមានការព្រមានពីសហភាពអឺរ៉ុប ។

ជាការឆ្លើយតបលោក Wang Wenbin អ្នកនាំពាក្យក្រសួងការបរទេសចិនបានសម្ដែងក្ដីសង្ឃឹមថា ភាគីពាក់ព័ន្ធទាំងអស់អាចពិនិត្យមើលកិច្ចសហប្រតិបត្តិការចិន-អាល្លឺម៉ង់ក្នុងវិធីសមហេតុផល និងបញ្ឈប់ការរំពឹងទុកដែលគ្មានមូលដ្ឋានទាំងឡាយទៀតទៅ ។

គួរបញ្ជាក់ថា កិច្ចព្រមព្រៀងនេះបានកើតឡើង នៅមុនដំណើរទស្សនកិច្ចរបស់លោក Scholz ទៅកាន់ប្រទេសចិននាសប្ដាហ៍ក្រោយ ក្នុងនាមជាមេដឹកនាំសហភាពអឺរ៉ុបដំបូងគេដែលនឹងមកកាន់ទឹកដីទីក្រុងប៉េកាំង ចាប់តាំងពីខែវិច្ឆិកា ឆ្នាំ ២០១៩ ៕

ប្រែសម្រួលដោយ ៖ ជីវ័ន្ត

ប្រភព ៖ SCMP

ចុចអាន ៖ តៃវ៉ាន់ ​ជំរុញ​ឲ្យ ​ចិន​ បញ្ឈប់ការសម្ញែងកម្លាំងយោធា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៣២ នាទី មុន

ក្រសួងការងារ និងGIZ ចុះអនុស្សរណៈលើការអនុវត្តគម្រោងបណ្តុះបណ្តាលបច្ចេកទេស និងវិជ្ជាជីវៈ អាស៊ាន ស្វីស

សេចក្ដីជូនដំណឹង២ ម៉ោង មុន

គុណភាព​ល្អឥតខ្ចោះ​! ខុន​ដូ​ប្រណិត​រំដួល​ស៊ី​ធី​លំដាប់​ខ្ពស់​ដំបូង​នៅ​ភ្នំពេញ​ត្រូវបាន​ប្រគល់ជូន​ជា​ផ្លូវការ​

សេចក្ដីជូនដំណឹង២ ម៉ោង មុន

សេចក្ដីជូនដំណឹងស្ដីពីការអញ្ជើញចូលរួមដេញថ្លៃគម្រោងទិញឧបករណ៍បញ្ជូនស៊ីញ៉ាល់ប្រចាំឆ្នាំ២០២៤

ព័ត៌មានជាតិ២ ម៉ោង មុន

សារមន្ទីរព្រះស្រីឦសានវរ្ម័ន ចាប់ដៃគ្នាជាមួយសមាគមធនាគារនៅកម្ពុជា ដើម្បីលើកកម្ពស់ចំណេះដឹងហិរញ្ញវត្ថុយុវជន

ព័ត៌មានអន្ដរជាតិ២ ម៉ោង មុន

Breaking News! ប្រធានាធិបតី វៀតណាម ប្រកាសលាលែងពីតំណែង

Sokha Hotels

ព័ត៌មានពេញនិយម