ព័ត៌មានអន្ដរជាតិ
ផ្ទុះឆេះទីលានកណ្ដាលទីក្រុងរបស់ រុស្ស៊ី មានទាំងអ្នកស្លាប់ផងដែរ
ទីភ្នាក់ងារសង្គ្រោះបន្ទាន់ក្នុងតំបន់បានប្រាប់សារព័ត៌មាន Sputnik ថា ចំនួនអ្នកស្លាប់ ដោយសារភ្លើងឆេះនៅកណ្តាលទីក្រុងរុស្ស៊ី ក្នុងទីលាន Komsomolskaya កាលពីល្ងាចថ្ងៃអាទិត្យ បានឡើងដល់ ៦ នាក់ហើយ ។
ដំបូងឡើយ អ្នកនាំពាក្យនៃក្រសួងសង្គ្រោះបន្ទាន់រុស្ស៊ីបានប្រាប់ Sputnik ថា ចំនួនអ្នកស្លាប់ ដោយសារភ្លើងឆេះនេះមានត្រឹមតែ ៥ នាក់ប៉ុណ្ណោះ ខណៈមនុស្សម្នាក់ទៀតរងរបួស ។
អគ្គិភ័យបានកើតឡើងនៅវេលាម៉ោង ៦ និង ២០ នាទីល្ងាចថ្ងៃអាទិត្យ នៅឃ្លាំងឥដ្ឋមួយកន្លែងនៅជិតស្ថានីយរថភ្លើង Leningradsky ក្នុងទីក្រុងមូស្គូ ហើយត្រូវបានពន្លត់ទាំងស្រុងនៅម៉ោង ១១ និង ៥៥ នាទីយប់ ។
យោងតាមសេវាសង្គ្រោះបន្ទាន់បានឲ្យដឹងថា មនុស្សជាង ១២០ នាក់ ក៏ដូចជារថភ្លើងពន្លត់អគ្គិភ័យ និងសម្ភារៈពាក់ព័ន្ធប្រមាណជា ៤០ គ្រឿងក៏បានចូលរួមក្នុងហេតុការណ៍នេះផងដែរ ។
ដោយឡែក គណៈកម្មាធិការស៊ើបអង្កេតនៃប្រទេសរុស្ស៊ីក៏បានឲ្យដឹងដែរថា មូលហេតុនៃការឆេះនេះ គឺដោយសារតែការផ្ទុកទំនិញមិនបានត្រឹមត្រូវ និងការបំពានច្បាប់សុវត្ថិភាពអគ្គិភ័យ ខណៈសំណុំរឿងព្រហ្មទណ្ឌក៏កំពុងដំណើរការផងដែរ ៕
ប្រែសម្រួលដោយ ៖ ជីវ័ន្ត
ប្រភព ៖ Sputnik
ចុចអាន ៖ រុស្ស៊ី បញ្ជូនទាហានស៊ីឈ្នួល ២ ពាន់នាក់បន្ថែមទៀតទៅ អ៊ុយក្រែន
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង