ប៉ះទង្គិចគ្នាមួយប្រាវនៅព្រំដែន ថៃ-មីយ៉ាន់ម៉ា

ប្រភពព័ត៌មានបានឱ្យដឹងថា នៅក្នុងភូមិសាស្ត្រខេត្តឈៀងម៉ៃព្រំដែន (ថៃ-មីយ៉ាន់ម៉ា) កងកម្លាំងយោធាថៃបានប៉ះទង្គិចគ្នាមួយប្រាវនៅចំណុចព្រំដែនអាងខាង (Ang Khang) បន្ទាប់ពីដើរល្បាត ហើយបានប្រទះឃើញក្រុមប្រដាប់អាវុធប្រមាណ ២០នាក់ រួចបានបើកឆាកបាញ់តដៃគ្នាដើម្បីបើកផ្លូវរត់គេចខ្លួន។ ក្រោយរត់គេចខ្លួន គេបានប្រទះឃើញគ្រឿងញៀនម៉ាទឹកកកចំនួន ១៦កញ្ចប់ធំ (បាវ)។

នៅថ្ងៃ២៩ ខែវិច្ឆិកានេះ បន្ទាប់ពីក្រុមប្រតិបត្តិការព័ត៌មានរបស់កងទ័ពបានស៊ើបអង្កេតបានឱ្យដឹងថា ក្រុមប្រដាប់អាវុធខាងលើជាក្រុមឈ្មួញជួញដូរគ្រឿងញៀន។ ដោយក្រុមឈ្មួញគ្រឿងញៀនទាំងនេះបានបើកការបាញ់ប្រហារទៅលើកងកំលាំងល្បាតព្រំដែនអស់រយៈពេលប្រហែល៥នាទី ដើម្បីបើកផ្លូវរត់គេចខ្លួនចូលព្រៃ។

បន្ទាប់មកសមត្ថកិច្ចបានចុះទៅពិនិត្យកន្លែងកើតហេតុបានរកឃើញបាវចំនួន ១៦បាវ ដែលត្រូវបានបំប្លែងជាកាបូបស្ពាយ ដែលក្នុងនោះសុទ្ធតែជាគ្រឿងញៀនប្រភេទម៉ាទឹកកក៕

ប្រែសម្រួល៖ គង់ សំអាន

ប្រភព៖ Mgronline

ចុចអាន៖ អាមេរិក គាំទ្របាតុកម្មប្រឆាំងគោលនយោបាយ “សូន្យកូវីដ” នៅ ចិន