ព័ត៌មានអន្ដរជាតិ
អាមេរិក តម្រូវឲ្យអ្នកដំណើរមកពី ចិន ធ្វើតេស្តអវិជ្ជមានកូវីដជាមុនសិន ទើបអាចចូលបាន (មានវីដេអូ)
មជ្ឈមណ្ឌលគ្រប់គ្រង និងបង្ការជំងឺ (CDC) បាននិយាយនៅថ្ងៃព្រហស្បតិ៍ទី២៩ខែធ្នូនេះថា សហរដ្ឋអាមេរិកនឹងតម្រូវឲ្យអ្នកដំណើរអន្តរជាតិ មកពីប្រទេសចិន ទោះមានសញ្ជាតិអ្វីក៏ដោយ ត្រូវតែធ្វើតេស្ដអវិជ្ជមានជំងឺកូវីដ១៩ជាមុនសិន មុនចូលប្រទេស។
ទីភ្នាក់ងារសុខភាពអាមេរិក បាននិយាយនៅក្នុងសេចក្តីប្រកាសព័ត៌មានមួយថា “CDC សូមប្រកាសនៅថ្ងៃនេះថា ខ្លួននឹងអនុវត្តតម្រូវការសម្រាប់ការធ្វើតេស្តកូវីដ១៩ អវិជ្ជមាន ឬលិខិតបញ្ជាក់អំពីការជាសះស្បើយ សម្រាប់អ្នកដំណើរតាមផ្លូវអាកាស ដែលឡើងជើងហោះហើរពីសាធារណរដ្ឋប្រជាមានិតចិន និងតំបន់រដ្ឋបាលពិសេសនៃទីក្រុងហុងកុង និង ម៉ាកាវ ឆ្ពោះទៅកាន់សហរដ្ឋអាមេរិក”។
ចាប់ពីថ្ងៃទី៥ខែមករាទៅ អ្នកដំណើរអាយុ២ឆ្នាំឡើង មិនថាមានសញ្ជាតិអ្វីនោះទេ ដែលជិះយន្តហោះចេញពីប្រទេសចិន ទីក្រុងហុងកុង ឬម៉ាកាវ និងទោះមានប័ណ្ណចាក់វ៉ាក់សាំងក៏ដោយ ត្រូវតម្រូវឲ្យធ្វើតេស្តមិនលើសពីពីរថ្ងៃនោះទេ មុនពេលចេញដំណើរ ហើយបង្ហាញលទ្ធផលតេស្តអវិជ្ជមានទៅកាន់ ក្រុមហ៊ុនអាកាសចរណ៍នៅពេលចេញដំណើរ។
បន្ថែមពីលើនេះ អ្នកដំណើរដែលមកសហរដ្ឋអាមេរិក ជាពិសេសឆ្លងកាត់អាកាសយានដ្ឋានអន្តរជាតិ Incheon, អាកាសយានដ្ឋានអន្តរជាតិ Toronto Pearson និងអាកាសយានដ្ឋានអន្តរជាតិ Vancouver ក៏នឹងត្រូវតម្រូវឲ្យផ្តល់ការធ្វើតេស្តអវិជ្ជមានផងដែរ ប្រសិនបើពួកគេចំណាយពេលនៅក្នុងប្រទេសចិន១០ថ្ងៃ មុនកាលបរិច្ឆេទចេញដំណើររបស់ពួកគេ។
សេចក្តីប្រកាសនេះ ធ្វើឡើងស្របពេលករណីឆ្លងកូវីដ បានកើនឡើងនៅក្នុងប្រទេសចិន បន្ទាប់ពីវិធានការរឹតត្បិតត្រូវបានបន្ធូរបន្ថយកាលពីដើមខែធ្នូនេះ។
មន្ត្រីសុខាភិបាលសហព័ន្ធអាមេរិកបានប្រាប់អ្នកយកព័ត៌មាន ក្នុងអំឡុងពេលសន្និសីទកាសែតថ្ងៃព្រហស្បតិ៍ថា អាជ្ញាធរបានទទួលព័ត៌មានគួរឲ្យព្រួយបារម្ភ និងទិន្នន័យសាធារណៈអំពីវីរុសបំប្លែងខ្លួនដែលកំពុងចរាចរនៅក្នុងប្រទេសចិននាពេលបច្ចុប្បន្ន៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ Sputnik
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង