លោក ប្រាវីត បង្ហាញសុទិដ្ឋិនិយមថា គណបក្សលោកនឹងបន្តឈ្នះការបោះ​ឆ្នោតឆ្នាំ ២០២៣

លោក ប្រាវីត វង្សសុវណ្ណ ឧបនាយករដ្ឋមន្ត្រីថៃទទួលបន្ទុកកិច្ចការសន្តិសុខ និងជា​ប្រធាន​គណបក្ស Palang Pracharat Party (PACC) បាន​និយាយ​អំពី​ទិសដៅ​ការងារ​របស់​គណបក្ស និង​ការ​ត្រៀម​ខ្លួន​សម្រាប់​ការ​បោះ​ឆ្នោត​ជាតិនៅ​ឆ្នាំ ​២០២៣ ខាងមុខ ។

ទន្ទឹមនោះ លោក ប្រាវីត បានបង្ហាញសុទិដ្ឋិនិយមថា ​គណបក្ស PACC នឹងឈ្នះការបោះឆ្នោតបង្កើតរដ្ឋាភិបាលបាន ហើយនឹងបន្តដឹកនាំប្រទេសឲ្យកាន់តែល្អប្រសើរ និងមានការអភិវឌ្ឍន៍ថែមទៀត ដើម្បីឲ្យជីវភាពរស់នៅរបស់ប្រជាជនកាន់តែល្អប្រសើរ ។

លោកឧបនាយករដ្ឋមន្ត្រី ប្រាវីត វង្សសុវណ្ណ បានបន្តថា លោកមានបំណងធ្វើឲ្យគណបក្ស PACC ក្លាយ​ជា​ស្ថាប័ន​នយោបាយ​ដ៏​រឹងមាំ ពីព្រោះ​សមាជិកបក្ស​គ្រប់​រូប​ក្នុង​បក្សបានប្តេជ្ញាផ្តល់ការគាំទ្រយ៉ាងពេញទំហឹង ដើម្បីធ្វើយ៉ាងណាពង្រឹងគណបក្សឲ្យកាន់តែខ្លាំងក្លាឡើងៗ ។

គួរបញ្ជាក់ថា ប្រទេសថៃនឹងរៀបចំការបោះឆ្នោតជាតិនៅថ្ងៃទី ៧ ខែឧសភា ឆ្នាំ២០២៣ បន្ទាប់ពីសភាតំណាងរាស្រ្តទី ២៥ ឈានដល់ការកំណត់អាណត្តិរយៈពេល ៤ ឆ្នាំ ៕

ប្រែសម្រួលដោយ ៖ គង់ សំអាន

ប្រភព ៖ Naewna

ចុចអាន ៖ ឆ្នាំនេះ អាមេរិក​ នឹងសម្រេចថា ត្រូវលក់យន្តហោះចម្បាំងឲ្យ ថៃ ដែរឬក៏អត់