ព័ត៌មានអន្ដរជាតិ
អាមេរិក ថា បទឈប់បាញ់របស់លោក ពូទីន គឺរលាយដូចអំបិលត្រូវទឹក
ជំនួយការអនុរដ្ឋមន្ត្រីការពារជាតិអាមេរិកលោកស្រី Laura Cooper បាននិយាយថា ការប្រយុទ្ធគ្នានៅតែបន្តក្នុងប្រទេសអ៊ុយក្រែន បើទោះបីជាមានបទឈប់បាញ់បណ្តោះអាសន្នដែលចេញបញ្ជាដោយប្រធានាធិបតីរុស្ស៊ី លោក វ្ល៉ាឌីមៀរ ពូទីន ក៏ដោយ ។
លោកស្រី Cooper បាននិយាយទៅកាន់អ្នកសារព័ត៌មានកាលពីថ្ងៃសុក្រអំពីបទឈប់បាញ់រយៈពេល ៣៦ ម៉ោង ដែលលោក ពូទីន ដាក់នៅថ្ងៃបុណ្យណូអែលគ្រិស្តអូស្សូដក់របស់រុស្ស៊ីថា “យើងនៅតែឃើញការប្រយុទ្ធគ្នាដដែលក្នុងប្រទេសអ៊ុយក្រែន ទោះបីជាយើងស្ថិតនៅមាត់បង្អួចបទឈប់បាញ់ក៏ដោយ ដូច្នេះវាមានន័យថា បញ្ជារបស់លោក ពូទីន គឺរលាយដូចអំបិលត្រូវទឹក” ។
ពាក់ព័ន្ធនឹងបញ្ហានេះ អនុប្រធានការិយាល័យប្រធានាធិបតីអ៊ុយក្រែន លោក Kyrylo Tymoshenko បាននិយាយនៅក្នុងការបង្ហោះតាមប្រព័ន្ធផ្សព្វផ្សាយសង្គមថា ទោះបីបទឈប់បាញ់ចូលជាធរមានក៏ដោយ ប៉ុន្តែការបាញ់ផ្លោងរបស់រុស្ស៊ីលើអគារលំនៅដ្ឋាន និងមន្ទីរពេទ្យនៅតំបន់ភាគខាងកើតនៃទីក្រុង Donetsk នៅតែកើតមានឡើង ។
លោកបាននិយាយទៀតថា មនុស្សជាច្រើននាក់បានរងរបួស ខណៈការព្រមានពីការវាយប្រហារផ្លូវអាកាសក៏បានបន្លឺឡើងនៅទូទាំងប្រទេសអ៊ុយក្រែនផងដែរ បន្ទាប់ពីបទឈប់បាញ់បានចាប់ផ្តើមដំណើរការ ។
គួរបញ្ជាក់ថា ប្រធានាធិបតីរុស្ស៊ីលោក វ្ល៉ាឌីមៀរ ពូទីន បានបញ្ជាឲ្យរដ្ឋមន្ត្រីការពារជាតិរបស់គាត់ កំណត់បទឈប់បាញ់រយៈពេល ៣៦ ម៉ោង នៅសមរភូមិជួរមុខក្នុងប្រទេសអ៊ុយក្រែន ដោយចាប់ផ្តើមពីថ្ងៃសុក្រ ទី០៦ ខែមករាតទៅ ៕
ប្រែសម្រួលដោយ ៖ ជីវ័ន្ត
ប្រភព ៖ NHK
-
ព័ត៌មានអន្ដរជាតិ១ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ