ព័ត៌មានអន្ដរជាតិ
ក្រោមកិច្ចព្រមព្រៀងថ្មី ទាហានអង់គ្លេស អាចត្រូវព្យួរ.ក នៅជប៉ុន
ក្រោមកិច្ចព្រមព្រៀងការពារជាតិថ្មី កងទ័ពអង់គ្លេស នឹងត្រូវបញ្ជូនទៅឈរជើងនៅក្នុងប្រទេសជប៉ុន ដើម្បីទប់ទល់នឹងប្រទេសចិន ។
ប៉ុន្តែ បើទោះបីជាទាហានអង់គ្លេសនឹងត្រូវស្ថិតនៅក្រោមច្បាប់របស់ចក្រភពអង់គ្លេសពេលបំពេញកាតព្វកិច្ចក៏ដោយ ប៉ុន្តែពេលដែលពួកគេស្ថិតក្រៅម៉ោងបំពេញកាតព្វកិច្ច នឹងត្រូវទទួលខុសត្រូវក្រោមប្រព័ន្ធយុត្តិធម៌របស់ជប៉ុន ដែលនេះមានន័យថា ទាហានអង់គ្លេស អាចប្រឈមមុខនឹងការផ្តន្ទាទោសយ៉ាងធ្ងន់ធ្ងរ ប្រសិនបើពួកគេប្រព្រឹត្តឧក្រិដ្ឋកម្មធ្ងន់ធ្ងរ។
ទោសប្រហារជីវិតដោយព្យួរ.ក គឺស្របច្បាប់នៅក្នុងប្រទេសជប៉ុនសម្រាប់ករណីឃាតកម្មធ្ងន់ធ្ងរ ដែលរួមមានការសម្លាប់រង្គាល ឬឃាតកម្មលើកុមារ ។
នាយករដ្ឋមន្ត្រីអង់គ្លេសលោក Rishi Sunak បានចុះហត្ថលេខាលើកិច្ចព្រមព្រៀងផ្ដល់ការចេញចូលឲ្យគ្នាទៅវិញទៅមក (RAA) ជាមួយនាយករដ្ឋមន្ត្រីជប៉ុនលោក Fumio Kishida នៅអគារ Tower of London។
កិច្ចព្រមព្រៀងនេះ នឹងពង្រឹងទំនាក់ទំនងការពារជាតិរវាងអង់គ្លេសនិងជប៉ុន នៅចំពោះមុខនៃការគំរាមកំហែងកាន់តែខ្លាំងពីសំណាក់ចិន និងកូរ៉េខាងជើង។
កងទ័ពប្រទេសទាំង២បាននិងកំពុងចូលរួមក្នុងសមយុទ្ធហ្វឹកហ្វឺនជាមួយគ្នា ប៉ុន្តែកិច្ចព្រមព្រៀងនេះ ក៏អនុញ្ញាតឲ្យកងទ័ពទាំង២ ឈរជើងនៅក្នុងប្រទេសរបស់គ្នាទៅវិញទៅមកផងដែរ។
កិច្ចព្រមព្រៀងនេះនឹងធ្វើឲ្យអង់គ្លេស ក្លាយជាប្រទេសអឺរ៉ុបដំបូងគេ ដែលមានកិច្ចព្រមព្រៀងផ្ដល់ការចេញចូលឲ្យគ្នាទៅវិញទៅមកជាមួយប្រទេសជប៉ុន។ វិមាននាយករដ្ឋមន្ត្រីអង់គ្លេស ហៅកិច្ចព្រមព្រៀងនេះថា ជាសន្ធិសញ្ញាការពារជាតិដ៏សំខាន់បំផុតរវាងទីក្រុងឡុងដ៍ និងតូក្យូចាប់តាំងពីឆ្នាំ១៩០២មក។
កតិកាសញ្ញានេះ គឺជាផ្នែកមួយនៃគោលនយោបាយការពារជាតិ និងគោលនយោបាយការបរទេសរបស់ចក្រភពអង់គ្លេស ចំពោះតំបន់ឥណ្ឌូប៉ាស៊ីហ្វិក បន្ទាប់ពីការពិនិត្យឡើងវិញរួមបញ្ចូលគ្នាក្នុងឆ្នាំ២០២១ ដែលទទួលស្គាល់ពីឥទ្ធិពលកំពុងកើនឡើងរបស់ចិននៅក្នុងតំបន់ ៕
ប្រែសម្រួល៖ Vann Vann
ប្រភព៖ Daily Mail
ចុចអាន៖ នាវាចម្បាំងរុស្សី បំពាក់មីស៊ីលល្បឿនលឿនជាងសំឡេង ធ្វើសមយុទ្ធសង្រ្គាម ពេលឆ្ពោះដំណើរទៅ អង់គ្លេស
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង