ព័ត៌មានអន្ដរជាតិ

លោក Zelensky សុំឲ្យមេដឹកនាំពិភពលោកកុំគិតយូរក្នុងការជួយ អ៊ុយក្រែន ទប់ រុស្ស៊ី

បានផុស

១ year មុន

នៅ

ថ្ងៃព្រហស្បតិ៍ ១៩ មករា ២០២៣

ដោយ

ប្រធានាធិបតីអ៊ុយក្រែន លោក Volodymyr Zelensky បានអំពាវនាវជាថ្មីម្តងទៀតដល់មេដឹកនាំពិភពលោកកុំឲ្យគិតយូរសម្រាប់ការគាំទ្របន្ថែមទៀតលើរដ្ឋាភិបាលទីក្រុងកៀវដើម្បីប្រយុទ្ធប្រឆាំងនឹងរុស្ស៊ី ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងសុន្ទរកថាទៅកាន់វេទិកាសេដ្ឋកិច្ចពិភពលោក (WEF) កាលពីថ្ងៃពុធ, លោក Zelensky បានជំរុញឲ្យមេដឹកនាំពិភពលោកធ្វើការសម្រេចចិត្តលឿនជាងមុន កុំឲ្យមានការស្ទាក់ស្ទើរក្នុងការផ្ដល់អាវុធធុនធ្ងន់ដល់ទីក្រុងកៀវ ដើម្បីប្រឆាំងនឹងប្រតិបត្តិការសឹករបស់រុស្ស៊ី ។

លោកប្រធានាធិបតីក៏បានកត់សម្គាល់ផងដែរថា ពិភពលោកនៅតែមានការស្ទាក់ស្ទើរក្នុងការជួយអ៊ុយក្រែន ទាំងនៅពេលដែលរុស្ស៊ីបានកាន់កាប់តំបន់គ្រីមៀក្នុងឆ្នាំ ២០១៤ និងនៅពេលដែលរុស្ស៊ីចូលលុកលុយប្រទេសរបស់លោកកាលពីខែកុម្ភៈ ឆ្នាំមុន ។

ចំណែកពាក់ព័ន្ធនឹងបញ្ហាប្រព័ន្ធខែលការពារដែនអាកាសសម្រាប់ទីក្រុងកៀវវិញ, លោក Zelensky បានបញ្ជាក់ថា “ការផ្គត់ផ្គង់ប្រព័ន្ធខែលការពារដែនអាកាសដល់អ៊ុយក្រែន ធ្វើយ៉ាងណាត្រូវតែលើសពីមីស៊ីលរបស់រុស្ស៊ីដែលវាយប្រហារជាបន្តបន្ទាប់លើអ៊ុយក្រែន” ។

ជាចុងក្រោយលោក Zelensky អះអាងថា “យើងមិនបានចាប់ផ្តើមសង្គ្រាមនេះនោះទេ ប៉ុន្តែដាច់ខាតយើងត្រូវតែបញ្ចប់វា ហើយសូមមេដឹកនាំពិភពលោកទាំងអស់ ជួយយើងបញ្ចប់សង្គ្រាមមួយនេះឲ្យបានលឿនផង ដើម្បីស្ដារឡើងវិញនូវសន្តិសុខ និងសន្តិភាពនៅអ៊ុយក្រែន” ៕