ព័ត៌មានអន្ដរជាតិ

ប្រធាន ណាសា បារម្ភពីការអភិវឌ្ឍសមត្ថភាពអវកាសរបស់ ចិន

បានផុស

៤ សប្តាហ៍ មុន

នៅ

ថ្ងៃអង្គារ ៧ កុម្ភៈ ២០២៣

ដោយ

ប្រធានទីភ្នាក់ងារអវកាសអាមេរិក NASA លោក Bill Nelson បានសម្តែងការព្រួយបារម្ភអំពីការអភិវឌ្ឍអវកាសរបស់ចិន ដោយនិយាយថា ចិន ធ្វើការមានភាពសម្ងាត់ និងខ្វះតម្លាភាព ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Nelson និយាយាថា រយៈពេល ១០ ឆ្នាំចុងក្រោយនេះ ការអភិវឌ្ឍន៍អវកាសរបស់ប្រទេសចិន គឺមានភាពល្អប្រសើរ ហើយពួកគេហាក់ដូចជាធ្វើបានល្អណាស់ ។ ប៉ុន្តែលោកព្រួយបារម្ភអំពីបំណងប្រាថ្នារបស់ចិនក្នុងការគ្រប់គ្រងប៉ូលខាងត្បូងនៃព្រះច័ន្ទ ដែលជាតំបន់សម្បូរដោយធនធានធម្មជាតិ ដូចនេះ ការសន្ទនាជាមួយចិន គឺពិតជាសំខាន់ណាស់ ។

ភ្ជាប់ជាមួយមន្ត្រីចិនវិញ លោក Nelson បញ្ចាក់ថា ពួកគេគឺធ្វើការសម្ងាត់ណាស់ ដោយកាលពី ២ ឆ្នាំមុន ចិន ធ្លាប់បដិសេដមិនប្រាប់ពីកន្លែងដែលបំណែកឧបករណ៍គ្រាប់រ៉ុកកែតធ្លាក់មកផែនដីវិញនោះទេ ។

លោកបានបន្ថែមថា ចិននឹងត្រូវបង្កើតកិច្ចសហប្រតិបត្តិការមួយចំនួនជាមួយសហរដ្ឋអាមេរិកទាក់ទងជាមួយបញ្ហាអវកាស ប៉ុន្តែរហូតមកដល់ពេលនេះ គឺមិនទាន់មានឆន្ទៈក្នុងការសហការគ្នាឡើយ ។

ទាក់ទងជាមួយកម្មវិធី Artemis ដែលមានគោលបំណងបញ្ជូនអវកាសយានិកទៅឋានព្រះចន្ទ, លោក Nelson ប្រាប់ថា នេះគឺជាអនាគតរបស់យើង ហើយយើងនឹងរៀនរស់នៅ ធ្វើការ និងបង្កើតអ្វីដែលថ្មី ដើម្បីជាការត្រៀមសម្រាប់បញ្ជូនមនុស្សទៅរស់នៅភពអង្គារនាពេលខាងមុខ ៕

ប្រែសម្រួលដោយ ៖ នាង រតនៈ

ប្រភព ៖ NHK

ចុចអាន ៖ ដឹងទេ បាឡុងហោះរបស់ ចិន ដែល អាមេរិក បាញ់ទម្លាក់ អាចនៅលើអាកាសបាន ប៉ុន្មានថ្ងៃ?