ព័ត៌មានអន្ដរជាតិ
បាតុកម្មទ្រង់ទ្រាយធំ ប្រឆាំងអង្គការណាតូ ផ្ទុះឡើងនៅ បារាំង
ការតវ៉ាទ្រង់ទ្រាយធំជាច្រើន ប្រឆាំងនឹងសមាជិកភាពរបស់អង្គការណាតូរបស់បារាំង និងការបន្តគាំទ្រដល់ទីក្រុងកៀវ ត្រូវបានធ្វើឡើងកាលពីថ្ងៃអាទិត្យទី២៦ខែកុម្ភៈ ក្នុងរដ្ឋធានីប៉ារីស និងនៅទីតាំងផ្សេងទៀតទូទាំងប្រទេស។
បាតុកម្ម ដែលប្រព្រឹត្តទៅនៅចុងសប្តាហ៍២ដងជាប់គ្នានេះ ត្រូវបានរៀបចំដោយគណបក្សស្តាំនិយម Les Patriotes របស់លោក Florian Philippot។
អ្នកនយោបាយរូបនេះអះអាងថា ព្រឹត្តិការណ៍កាលពីថ្ងៃអាទិត្យ ដែលមានឈ្មោះថា “ក្បួនដង្ហែជាតិដើម្បីសន្តិភាព” បានទាក់ទាញអ្នកចូលរួមច្រើនជាងសប្តាហ៍មុន។ លើកនេះ មានមនុស្សប្រហែល១ម៉ឺននាក់ បានបង្ហាញខ្លួនសម្រាប់ការប្រមូលផ្តុំនៅក្នុងរដ្ឋធានីរបស់ប្រទេសបារាំង។
យោងតាមលោក Philippot, ការតវ៉ាទ្រង់ទ្រាយតូចប្រឆាំងនឹងអង្គការណាតូ ក៏ត្រូវបានធ្វើឡើងផងដែរ នៅទីតាំងចំនួន៣០ផ្សេងទៀតទូទាំងប្រទេសបារាំង។
បាតុករ បានដើរដង្ហែតាមដងផ្លូវក្នុងទីក្រុងប៉ារីស ដោយកាន់បដាធំមួយសរសេរថា “ដើម្បីសន្តិភាព”។ ក្រុមអ្នកដើរដង្ហែបានអំពាវនាវឲ្យ បារាំងដកខ្លួនចេញពីអង្គការណាតូដែលដឹកនាំដោយសហរដ្ឋអាមេរិក និងចេញពីសហភាពអឺរ៉ុប ហើយបានជំរុញឲ្យបញ្ឈប់ការផ្គត់ផ្គង់អាវុធដល់អ៊ុយក្រែន។
ស្របពេលជាមួយគ្នានោះ បាតុករក៏នាំគ្នាស្រែកឲ្យប្រធានាធិបតីបារាំងលោក Emmanuel Macron ចុះចេញពីតំណែងផងដែរ។
គួរបញ្ជាក់ថា បារាំងស្ថិតក្នុងចំណោមប្រទេសធំៗដែលគាំទ្រទីក្រុងកៀវ ក្នុងជម្លោះជាមួយរុស្ស៊ីដែលបានផ្ទុះឡើងកាលពីមួយឆ្នាំមុន។ ថ្វីបើលោក Macron បានអំពាវនាវម្តងហើយម្តងទៀតឲ្យមានការដោះស្រាយតាមវិធីការទូតក៏ដោយ ប៉ុន្តែទីក្រុងប៉ារីសបានផ្គត់ផ្គង់សព្វាវុធយ៉ាងសកម្មដល់អ៊ុយក្រែន រួមទាំងរថពាសដែក និងកាំភ្លើងយន្តស្វ័យប្រវត្តិទំនើបៗទៀតផង៕
ប្រែសម្រួល៖ Vann Vann
ប្រភព៖ RT
ចុចអាន៖ លោក Stoltenberg ដាក់លក្ខខណ្ឌ បើ អ៊ុយក្រែន ចង់ចូល ណាតូ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង