ព័ត៌មានអន្ដរជាតិ

លោក Stoltenberg ដាក់លក្ខខណ្ឌ បើ អ៊ុយក្រែន ចង់ចូល ណាតូ (មានវីដេអូ)

បានផុស

២ years មុន

នៅ

ថ្ងៃចន្ទ ២០ កុម្ភៈ ២០២៣

ដោយ

អគ្គលេខាធិការអង្គការណាតូលោក Jens Stoltenberg បាននិយាយកាលពីចុងសប្តាហ៍ថា អ៊ុយក្រែនត្រូវតែឈ្នះក្នុងនាមជារដ្ឋអធិបតេយ្យភាពនិងឯករាជ្យសិន មុនពេលខ្លួនអាចចូលរួមជាផ្លូវការជាមួយសម្ព័ន្ធភាពនេះបាន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Stoltenberg បានប្រាប់ក្រុមមួយនៅឯសន្និសីទសន្តិសុខទីក្រុង Munich ថា “ជំហររបស់ណាតូលើសមាជិកភាពសម្រាប់អ៊ុយក្រែន គឺមិនផ្លាស់ប្តូរទេ។ យើងបានព្រមព្រៀងគ្នាកាលពីឆ្នាំ២០០៨ថា អ៊ុយក្រែននឹងក្លាយជាសមាជិកនៃសម្ព័ន្ធភាពនេះ ហើយនោះនៅតែជាជំហររបស់យើង”។

លោកបន្តថា “ជាការពិតណាស់ អ្វីដែលជាបញ្ហានៅពេលនេះ គឺត្រូវធានាថា អ៊ុយក្រែនមានអំណាចជារដ្ឋអធិបតេយ្យ និងឯករាជ្យ ព្រោះថា បើអ៊ុយក្រែន មិនមែនជារដ្ឋអធិបតេយ្យភាព និងឯករាជ្យទេនោះ គ្មានវិធីដើម្បីពិភាក្សាអំពីទំនាក់ទំនងណាមួយរវាងណាតូ និងអ៊ុយក្រែននាពេលអនាគតឡើយ។ ការពិភាក្សានឹងធ្វើឡើងនៅពេលជម្លោះបច្ចុប្បន្នក្នុងប្រទេសអ៊ុយក្រែនត្រូវបានដោះស្រាយ”។

ថ្វីបើទីក្រុងកៀវ មិនទាន់ទទួលបានសមាជិកភាពផ្លូវការរបស់អង្គការណាតូក៏ដោយ ប៉ុន្តែរដ្ឋមន្ត្រីការពារជាតិអ៊ុយក្រែនលោក Aleksey Reznikov បានប្រាប់ BBC កាលពីខែមុនថា ប្រទេសរបស់គាត់ បានក្លាយជាសមាជិកណាតូក្រៅផ្លូវការរួចទៅហើយ ហើយនានៅពេលអនាគតដ៏ខ្លីខាងមុខ នឹងក្លាយជាសមាជិកស្របច្បាប់”។

គួរបញ្ជាក់ថា ការចូលជាសមាជិករបស់អ៊ុយក្រែនទៅក្នុងអង្គការណាតូ នឹងធ្វើឲ្យទឹកដីរុស្ស៊ីកាន់តែច្រើន ត្រូវរងការគំរាមកំហែងពីមីស៊ីលរយៈចម្ងាយមធ្យមរបស់ប្លុកនេះ។ ដូច្នេះហើយទើបវិមានក្រឹមឡាំង ចាត់ទុកទង្វើនេះថាជាការគំរាមកំហែងសន្តិសុខជាតិដែលមិនអាចទទួលយកបាន៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ RT

ចុចអាន៖ លោក Macron ចង់ឲ្យរុស្ស៊ី ចាញ់អ៊ុយក្រែន