Connect with us

ព័ត៌មានអន្ដរជាតិ

ជប៉ុន លែងរឹតបន្តឹងកូវីដលើទេសចរ ចិន ចាប់ពីស្អែកនេះទៅ

បានផុស

នៅ

ចាប់ពីថ្ងៃទី១ ខែមីនានេះទៅ ជប៉ុននឹងលើកលែងច្បាប់រឹតបន្តឹង​អ្នកដំណើរមកពីប្រទេសចិន ដោយលុបចោលលក្ខខណ្ឌតម្រូវឲ្យមនុស្សគ្រប់គ្នាធ្វើតេស្តរកមេរោគនៅពេលមកដល់ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រធានលេខាធិការគណរដ្ឋមន្ត្រីជប៉ុនលោក Hirokazu Matsuno បានប្រាប់សន្និសីទសារព័ត៌មានកាលពីថ្ងៃចន្ទថា ជប៉ុននឹងធ្វើតេស្តតែអ្នកដំណើរដែលមានរោគសញ្ញាសង្ស័យប៉ុណ្ណោះ បើទោះបីជាអ្នកធ្វើដំណើរបានបង្ហាញការធ្វើតេស្តអវិជ្ជមាន មុនពេលឡើងយន្តហោះរបស់ពួកគេទៅកាន់ប្រទេសជប៉ុនក៏ដោយ ។

លោក Matsuno បាននិយាយថា ការលើកលែងច្បាប់តម្រូវនេះ គឺមានគោលបំណងគាំទ្រដល់ការធ្វើដំណើរអន្តរជាតិដោយរលូន ។

លោក Matsuno ក៏បានអនុញ្ញាតឲ្យក្រុមហ៊ុនអាកាសចរណ៍ទាំងអស់ ដំណើរការជើងហោះហើរត្រង់ពីប្រទេសចិនទៅកាន់អាកាសយានដ្ឋានជប៉ុនបន្ថែមទៀតផងដែរ ខណៈសម្រាប់ពេលនេះ ការហោះហើរត្រង់ពីប្រទេសចិនអាចចុះចតបានតែនៅអាកាសយានដ្ឋាន Narita, Haneda, Kansai និង Chubu ប៉ុណ្ណោះ ។

ជាមួយគ្នានេះ អ្នកដំណើរមកពីហុងកុង និងម៉ាកាវ ក៏នឹងត្រូវលើកលែងការធ្វើតេស្តនៅពេលមកដល់ ឬតម្រូវការធ្វើតេស្តអវិជ្ជមាន មុនពេលឡើងយន្តហោះផងដែរ ។

គួរឲ្យដឹងថា ជប៉ុន និងកូរ៉េខាងត្បូង បានដាក់ការត្រួតពិនិត្យព្រំដែនយ៉ាងតឹងរ៉ឹងលើអ្នកដំណើរមកពីចិន បន្ទាប់ពីករណីផ្ទុះឆ្លងកូវីដសាជាថ្មី នៅពេលដែលជប៉ុនបានលុបចោលគោលនយោបាយរឹតត្បិតកាលពីចុងឆ្នាំមុន ខណៈដែលចិន បានសងសឹកវិញ ដោយផ្អាកការចេញទិដ្ឋាការរយៈពេលខ្លីសម្រាប់ប្រទេសកូរ៉េខាងត្បូង និងជប៉ុន ៕

ប្រែសម្រួលដោយ ៖ នាង​ រនតៈ

ប្រភព ៖ CNA

ចុចអាន ៖ វៀតណាម ចេញបញ្ជាឲ្យកម្ទេចចោលភ្លាម បើរកឃើញសត្វបក្សី នាំចូលដោយខុសច្បាប់

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ២ ម៉ោង មុន

អតីតសេដ្ឋិនីវៀតណាម Truong My Lan ត្រូវបានរដ្ឋអាជ្ញាស្នើកាត់ទោសប្រហារជីវិត

ព័ត៌មានអន្ដរជាតិ៦ ម៉ោង មុន

ស្ត្រីវៀតណាមដែលបានលក់ផ្លែពុទ្រាក្នុងតម្លៃថ្លៃទៅឱ្យភ្ញៀវទេសចរម្នាក់ ត្រូវរងការព្រមានពីអាជ្ញាធរ

ព័ត៌មានជាតិ៧ ម៉ោង មុន

ក្រសួង​ការងារ និង​បណ្តុះបណ្តាល​វិជ្ជាជីវៈ បើក​វគ្គ​បណ្តុះបណ្តាល​លើ​ជំនាញ​ផ្នែក​កំបោរ​ក្នុង​វិស័យ​សំណង់

ព័ត៌មានជាតិ៧ ម៉ោង មុន

ក្រសួងការងារ៖ ការបំផ្លើសព័ត៌មានអំពីការបើកប្រាក់ឈ្នួលដល់កម្មករ Y & W នៅថ្ងៃស្អែកនេះ ជាព័ត៌មានមិនពិត

ព័ត៌មានជាតិ៨ ម៉ោង មុន

មន្ត្រីជំនាញខេត្តកំពង់ចាម ចុះព្រមានម្ចាស់យានដ្ឋាន កែច្នៃ ឧបករណ៍បំពងសំឡេងខុសបច្ចេកទេស

Sokha Hotels

ព័ត៌មានពេញនិយម