Connect with us

ព័ត៌មានអន្ដរជាតិ

ក្រោយបាត់មុខ ២ ឆ្នាំ ពេលនេះស្វាមីរបស់អតីតព្រះនាង Mako រកបានការងារធ្វើនៅ អាមេរិក

បានផុស

នៅ

យោងតាមតាម​សារព័ត៌មាន​ NHK បាន​បញ្ជាក់​ថា​ ​ស្វាមីរបស់អតីតព្រះនាង Mako ​កាល​ពី​ពេលថ្មីៗ​នេះ​ លោក​ទើបតែទទួល​បាន​ការងារ​ជាមេធាវីនៅក្នុងទីក្រុងញូវយ៉ក នៅសហរដ្ឋអាមេរិក ក្រោយចាកចេញពីប្រទេស​ជប៉ុនអស់រយៈពេលដល់ទៅ២ឆ្នាំ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Komuro Kei ក៏ត្រូវបានគេដឹងថាលោក​ចុះឈ្មោះជាមេធាវី​ចាប់តាំង​ពី​​ប្រឡង​ជាប់ថ្នាក់​រដ្ឋ​កាល​ពី​ខែ​តុលា​ឆ្នាំមុន​ ដោយ​ធ្វើការនៅក្រុមហ៊ុនច្បាប់មួយក្នុងរដ្ឋ ខណៈ​មុខតំណែងរបស់លោក​បាន​ផ្លាស់ប្ដូរ​ពី​ក្រឡា​បញ្ជី​ច្បាប់​ ទៅ​ជា​សហការីវិញ។

ដោយឡែក លោក Okuno Yoshihiko ដែល​ជាប្រធានក្រុមហ៊ុនច្បាប់នៅប្រទេស​ជប៉ុន ជាកន្លែងដែល Komuro ធ្វើការ​មុនពេល​ផ្លាស់ទៅ​អាមេរិកបាន​និយាយថា Komuro បានប្រាប់គាត់នៅព្រឹកថ្ងៃពុធ​តាម​ទូរស័ព្ទ​ថា​ គាត់​បាន​ចាប់ផ្ដើម​ធ្វើការ​ជា​មេធាវី​ជាផ្លូវការ​នៅ​ថ្ងៃ​ចន្ទ​​។ ទន្ទឹម​នោះ ​​អតីតព្រះនាង Mako ជាភរិយាក៏​បាន​អបអរសាទរ​ស្វាមី​ហើយ​សង្ឃឹម​ថា​ប្តី​ប្រពន្ធគូ​នេះ​នឹង​នឹង​រស់នៅ​យ៉ាង​មាន​សុភមង្គល​ និង​សាមញ្ញ​បំផុត​ក្នុង​ទីក្រុង New York បើ​ទោះបី​ជា​តម្លៃ​ក្នុង​ស្រុក​ខ្ពស់​ក៏​ដោយ។

គួរ​បញ្ជាក់ដែរ​ថា បុត្រីច្បងរបស់​ព្រះចៅ​អធិរាជ Akishino និងមិត្តប្រុសបានរៀបការកាលពីថ្ងៃទី ២៦ ខែ​តុលា ឆ្នាំ២០២១ បន្ទាប់ពីមាន​ភាព​ចម្រូងចម្រាស​ជាច្រើនឆ្នាំជុំវិញ​ជម្លោះ​ហិរញ្ញវត្ថុ​ពាក់ព័ន្ធ​នឹង​ព្រះមាតា​របស់​លោក Komuro Kei ដែលនាំឲ្យគូស្នេហ៍ទាំងពីរ​បោះបង់ចោល​ពិធី​ប្រពៃណី​រៀប​អភិសេក​របស់ខ្សែរាជវង្ស។ យ៉ាងណាមិញ ដំណឹងនេះ​បានធ្វើឲ្យពិភពលោកភ្ញាក់ផ្អើលយ៉ាងខ្លាំង នៅពេលដែលព្រះនាង​បានលះបង់តំណែងទាំងអស់​ដើម្បីរៀបអភិសេកជាមួយគូស្នេហ៍​ដែលជាមនុស្សសាមញ្ញ៕

ប្រែសម្រួល៖ សាង ស្រីល័ក្ខ

ចុចអាន៖អតីតព្រះនាង Mako និងស្វាមី ចាប់ផ្ដើមជីវិតថ្មីជារាស្ត្រសាមញ្ញលើទឹកដី អាមេរិក

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១ នាទី មុន

កម្ពុជា ចូលរួមពង្រឹងសន្តិភាព សន្តិសុខ និងការអភិវឌ្ឍពិភពលោកទាំងមូល

ព័ត៌មានជាតិ១៩ នាទី មុន

ស្តេចប្រដាល់ ម៉ានី ផាកគីអាវ មកម្សាន្តនៅខេត្តសៀមរាប ជាចំណែកជួយផ្សព្វផ្សាយទេសចរណ៍កម្ពុជា

ព័ត៌មានអន្ដរជាតិ២៤ នាទី មុន

អតីតមេបក្សឈ្នះឆ្នោត ថៃ ត្រៀមខ្លួនធ្វើជានាយករដ្ឋមន្ត្រី បើលោក សេដ្ឋា ត្រូវដកតំណែង

សន្តិសុខសង្គម២៦ នាទី មុន

រដ្ឋបាលក្រុងសិរីសោភ័ណឆ្មក់បង្រ្កាបទីតាំងក្លឹបកម្សាន្ដ TNL ឃាត់ខ្លួនយុវជនប្រុសស្រីជាច្រើននាក់ និងរកឃើញគ្រឿងញៀនមួយចំនួន

ព័ត៌មានអន្ដរជាតិ៣៣ នាទី មុន

កូរ៉េ​ខាង​ជើង​ នឹង​ឈប់​បង្ហោះ​ប៉េងប៉ោង​ចង​ភ្ជាប់​សំរាម និង​លាមក ចូល​ដី​កូរ៉េ​ខាង​ត្បូង

Sokha Hotels

ព័ត៌មានពេញនិយម