ព័ត៌មានអន្ដរជាតិ

លោក ពូទីន ៖ ការប្រយុទ្ធគ្នានៅ អ៊ុយក្រែន គឺដើម្បីពិភពលោក រុស្ស៊ី

បានផុស

២៧ វិនាទី មុន

នៅ

ថ្ងៃពុធ ១៥ មីនា ២០២៣

ដោយ

ប្រធានាធិបតីរុស្ស៊ីលោក វ្ល៉ាឌីមៀរ ពូទីន បាននិយាយកាលពីថ្ងៃអង្គារនៅឯរោងចក្រអាកាសចរណ៍ Ulan-Ude ថា រុស្ស៊ីកំពុងប្រយុទ្ធជាមួយអ៊ុយក្រែនដើម្បីពិភពលោករុស្ស៊ី ព្រោះរដ្ឋាភិបាលទីក្រុងមូស្គូមិនអាចបោះបង់ចោលប្រជាជនដែលនិយាយភាសារុស្សីបាននោះទេ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកប្រធានាធិបតីបានបន្ថែមថា “សម្រាប់ពួកយើង នេះគឺជាការតស៊ូប្រយុទ្ធសម្រាប់ប្រជាជនរបស់យើងដែលរស់នៅលើទឹកដីទាំងនោះ ។ យើងជាប្រទេសពហុជាតិសាសន៍ ហើយអ្នកដែលរស់នៅទីនោះក៏ដូចជាយើងដែរ ពួកគេជាចំណែករបស់យើង ជាពិភពលោករបស់រុស្ស៊ីដូចគ្នា ដូច្នេះតើយើងត្រូវបោះបង់ពួកគេចោលដោយរបៀបណាទៅ? ” ។

ទន្ទឹមនោះ លោកបានសង្កត់ធ្ងន់ថា រុស្ស៊ីបានចំណាយពេល ៨ ឆ្នាំដើម្បីដោះស្រាយដោយសន្តិវិធីចំពោះបញ្ហានៅតំបន់ Donbass ប៉ុន្តែពួកគេបានបោកយើងម្តងហើយម្តងទៀត ហើយពួកគេមិនខ្មាស់អៀនក្នុងការនិយាយវាចេញមកជាសាធារណៈនោះទេ ។

លោក ពូទីន បាននិយាយទៀតថា រុស្ស៊ី មិនដូចលោកខាងលិចនោះទេ ដែលកំពុងយកអ៊ុយក្រែនធ្វើជាទីតាំងប្រយុទ្ធដើម្បីភូមិសាស្ត្រនយោបាយរបស់ខ្លួន និងព្យាយាមបំបែករុស្ស៊ីឲ្យចេញពីគ្នា ប៉ុន្តែចំពោះរុស្ស៊ីវិញ គឺប្រយុទ្ធដើម្បីអត្ថិភាពក្នុងនាមជាប្រទេសមួយ ។

ជាចុងក្រោយប្រធានាធិបតីរុស្ស៊ីរូបនេះបញ្ជាក់ថា “សម្រាប់យើង នេះមិនមែនជាកិច្ចការភូមិសាស្ត្រនយោបាយនោះទេ ប៉ុន្តែវាជាភារកិច្ចធានាដល់ការរស់រានមានជីវិតរបស់រដ្ឋរុស្ស៊ី និងបង្កើតលក្ខខណ្ឌសម្រាប់ការអភិវឌ្ឍន៍ប្រទេសយើង និងកូនចៅរបស់យើងនាពេលអនាគត” ៕