ព័ត៌មានអន្ដរជាតិ
រញ្ជួយដីខ្លាំងក្លានៅអេក្វាទ័រ បណ្តាលឲ្យមនុស្ស ១២នាក់ ស្លាប់
មនុស្សចំនួន១២នាក់បានស្លាប់ បន្ទាប់ពីការរញ្ជួយដីដ៏ខ្លាំងក្លាមួយ វាយប្រហារឆ្នេរសមុទ្រភាគខាងត្បូងនៃប្រទេសអេក្វាទ័រ កាលពីថ្ងៃសៅរ៍ទី១៨ខែមីនា។
![](https://www.kampucheathmey.com/wp-content/uploads/2023/03/image-1552.png)
អគារជាច្រើនក៏ត្រូវខូចខាតផងដែរ នៅក្នុងទីក្រុងនានា បន្ទាប់ពីគ្រោះរញ្ជួយដីកម្រិត ៦.៧រ៉ិចទ័រ។
ខេត្ត El Oro ភាគខាងត្បូង គឺជាកន្លែងដែលរងផលប៉ះពាល់ខ្លាំងបំផុត ដោយនៅទីនោះ សេវាសង្គ្រោះបន្ទាន់បានរាយការណ៍ថា មនុស្សនៅតែជាប់គាំងក្នុងផ្ទះដែលដួលរលំ។
![](https://www.kampucheathmey.com/wp-content/uploads/2023/03/image-1553-1024x576.png)
អាជ្ញាធរនិយាយថា មនុស្សចំនួន១១នាក់ស្លាប់នៅក្នុងខេត្ត El Oro និងម្នាក់នៅខេត្ត Azuay។
ចំណុចកណ្តាលនៃការរញ្ជួយដីនេះ គឺស្ថិតនៅជិតទីក្រុង Balao ចម្ងាយប្រហែល ៨០គីឡូម៉ែត្រ ពីទីក្រុងធំទីពីររបស់អេក្វាទ័រគឺ Guayaquil ដែលមានប្រជាជនរស់នៅប្រហែល ៣លាននាក់។
![](https://www.kampucheathmey.com/wp-content/uploads/2023/03/image-1554.png)
ស្របពេលជាមួយគ្នានោះ លោកប្រធានាធិបតី Guillermo Lasso បានស្នើឲ្យប្រជាជនអេក្វាទ័ររក្សាភាពស្ងប់ស្ងាត់ ខណៈក្រុមមន្ត្រីកំពុងវាយតម្លៃការខូចខាត។
គួរបញ្ជាក់ថា នេះគឺជាការរញ្ជួយដីខ្លាំងបំផុត ដែលបានវាយប្រហារប្រទេសអេក្វាទ័រចាប់តាំងពីឆ្នាំ២០១៦ ដែលមនុស្សជិត៧០០នាក់បានស្លាប់ និងរាប់ពាន់នាក់រងរបួស៕
ប្រែសម្រួល៖ Vann Vann
ប្រភព៖ BBC
ចុចអាន៖ តំបន់រងគ្រោះដោយរញ្ជួយដីនៅស៊ីរី ពេលនេះផ្ទុះជំងឺអាសន្នរោគ បណ្តាលឲ្យមនុស្សស្លាប់ទៀត
-
សន្តិសុខសង្គម៧ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
សន្តិសុខសង្គម៧ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៧ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៦ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៧ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+៤ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
សេដ្ឋកិច្ច៣ ថ្ងៃ ago
ការវិនិយោគរបស់ក្រុមហ៊ុនជប៉ុន កំពុងជួយរុញឱ្យកំណើនសេដ្ឋកិច្ចកម្ពុជាកាន់តែងើបឡើងបន្ថែមទៀត
-
ព័ត៌មានជាតិ១ ថ្ងៃ ago
អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ