ព័ត៌មានអន្ដរជាតិ
មកដឹងម្ហូបពិសេសៗ នៃអាហារពេលល្ងាច ដែលលោក ពូទីន និងលោក ស៊ី ទទួលទានជាមួយគ្នា
ក្រោយទៅដល់ទីក្រុងមូស្គូកាលពីរសៀលថ្ងៃចន្ទទី២០ខែមីនា ប្រធានាធិបតីចិន លោក ស៊ី ជីនពីង ត្រូវបានប្រធានាធិបតីរុស្ស៊ី លោក វ្ល៉ាឌីមៀរ ពូទីន អញ្ជើញឲ្យទៅចូលរួមទទួលទានអាហារពេលល្ងាចជាមួយគ្នា។

មិនធម្មតាឡើយ អាហារពេលល្ងាចមួយពេលនេះ ត្រូវបានគេដឹងថា សុទ្ធតែជាមុខម្ហូបសំខាន់ៗ ដែលចម្អិនដោយកំពូលចុងភៅ និងមានការសម្រិតសម្រាំងជាទីបំផុត។
ម្ហូបនិងបង្អែមសរុប៧មុខ ត្រូវបានលោកពូទីន និងលោក ស៊ី ទទួលទានជាមួយគ្នាដោយទាំងនោះមានដូចជា៖

ទី១គឺ Blini ជាមួយសាច់ ក្រួច និងផ្សិត។ Blini គឺជានំផេនខេកបែបអ៊ឺរ៉ុបបូព៌ា ដែលផលិតពី ស្រូវសាលី។ ម្ហូបនេះ លេចឡើងជាញឹកញាប់នៅលើម៉ឺនុយសម្រាប់ព្រឹត្តិការណ៍រដ្ឋ។

ម្ហូបបន្ទាប់គឺស៊ុបត្រី Sturgeon។ ត្រី Sturgeon គឺជាចំណង់ចំណូលចិត្តមួយរបស់ប្រជាជនរុស្ស៊ី ដែលនេសាទពីសមុទ្រខ្មៅនិងទន្លេនៃតំបន់ស៊ីបេរី។ ត្រីនេះមានសាច់ទន់ ហើយជាត្រីមានពងល្អបំផុត។ ត្រីនេះគឺជា សំណព្វចិត្តរបស់ស្តេច Ivan the Terrible សតវត្សរ៍ទី១៦។

ទី៣ គឺបង្អែមផ្លែទទឹម ដែលជាបង្អែមទទួលទានហើយធ្វើឲ្យឆ្ងាញ់ពេញក្រអូមមាត់។ ជាទូទៅបង្អែមនេះ ត្រូវបានធ្វើលាយជាមួយក្រូចឆ្មា និងជីអង្កាម។

ទី៤ ក៏ត្រីដែរ! ដោយគិតអំពីសុខភាព វិមានក្រឹមឡាំង បានកំណត់ការទទួលទានសាច់ក្រហមដោយងាកទៅរកម្ហូបដែលសម្បូរទៅដោយអូមេហ្គា៣ វិញ។ Nelma ដែលជាត្រីពណ៌ស យកមកពីតំបន់អាកទិកដ៏ធំ គឺជាចំណូលចិត្តមួយទៀតរបស់ជនជាតិរុស្ស៊ី។ ត្រីដែលមានទម្ងន់រហូតដល់ទៅ២៧គីឡូក្រាមប្រភេទនេះ មានសាច់ ហើយអាចមានខ្លាញ់ច្រើន។

ម្ហូបបន្ទាប់ទៀតគឺសាច់ក្តាន់អាំងជាមួយទឹកជ្រលក់ឈឺរី និងបង្អែម Pavlova។ ក្នុងមុខម្ហូបនោះ ក៏មានអាហារដែលផលិតពីគ្រឿងសមុទ្រនៅតំបន់ចុងបូព៌ាផងដែរ។

ហើយអ្វីដែលមិនអាចចោលបានសម្រាប់អាហារពេលល្ងាចថ្នាក់រដ្ឋ រវាងមេដឹកនាំពិភពលោក គឺស្រា។ ស្រាក្រហម ត្រូវបានគេយកមកពីតំបន់ Krasnodar ភាគខាងត្បូងប្រទេសរុស្ស៊ី។ មានចម្ការទំពាំងបាយជូរ ៣ម៉ឺន ហិកតានៅក្នុងតំបន់នោះ ហើយវាជាប្រភពនៃស្រាទំពាំងបាយជូរ ៤០ ភាគរយរបស់ប្រទេសរុស្ស៊ី៕
ប្រែសម្រួល៖ Vann Vann
ចុចអាន៖ ពូទីន សរសើរចិន មិនដាច់ពីមាត់ មុនដំណើរទស្សនកិច្ចរបស់លោក ស៊ី

-
សន្តិសុខសង្គម២ ថ្ងៃ ago
Breaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានជាតិ២ ថ្ងៃ ago
ព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ព័ត៌មានអន្ដរជាតិ៦ ថ្ងៃ ago
ការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
-
ព័ត៌មានជាតិ១ សប្តាហ៍ ago
ជនជាតិខ្មែរជិត២ពាន់នាក់ស្ថិតក្នុងបញ្ជីអ្នកត្រូវបណ្ដេញចេញពីអាមេរិក
-
សន្តិសុខសង្គម៦ ថ្ងៃ ago
Update! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
-
ព័ត៌មានជាតិ៦ ថ្ងៃ ago
សម្ដេចតេជោ ស្នើឱ្យតុលាការចាត់ការលើសំណុំរឿង Mr Seth អ្នករៀបចំធ្វើបាតុកម្ម ១៨ សីហា ក្រោយបុគ្គលនេះក្បត់សន្យា
-
ជីវិតកម្សាន្ដ៦ ថ្ងៃ ago
បានឱកាសចូលសម្តែងជាថ្មី តាចេក ស៊ូកើយអង្រឹងនៅចេតីយ៍រង់ចាំថតរឿងខ្មោច
-
បច្ចេកវិទ្យា៥ ថ្ងៃ ago
ធ្វើម៉េច ទើបធ្វើឱ្យទូរស័ព្ទដៃ នៅតែកាន់ថ្មបានល្អ ទោះប្រើយូរក៏ដោយ?