កំណើនគ្រោះថ្នាក់ និងករណីស្លាប់កើនឡើង ដោយសារថ្នាំបន្តក់ភ្នែក នៅអាមេរិក

មជ្ឈមណ្ឌលគ្រប់គ្រងនិងការពារជំងឺ (CDC) បានរាយការណ៍ថា មនុស្សពីរនាក់ទៀតបានស្លាប់ ដោយសារការឆ្លងមេរោគភ្នែកពីបាក់តេរីនៅក្នុងថ្នាំបន្តក់ភ្នែក EzriCare artificial និង ៤ នាក់ទៀតបានវះកាត់យកភ្នែកចេញ។

ចាប់តាំងពីខែមករាមក CDC បានរកឃើញមនុស្សចំនួន ៦៨ នាក់ នៅក្នុង ១៦ រដ្ឋដែលឆ្លងបាក់តេរីធន់នឹងថ្នាំហៅថា Pseudomonas aeruginosa ទន្ទឹមនោះមាន ៨ នាក់ខ្វាក់ភ្នែកមើលលែងឃើញតែម្ដង។

ភ្លាមៗបន្ទាប់ពីការផ្ទុះឡើង CDC បានជូនដំណឹងដល់ជនជាតិអាមេរិកថា អ្នករងផលប៉ះពាល់ជាច្រើនបានប្រើ EzriCare Artificial Tears ដែលជាថ្នាំបន្តក់ភ្នែកគ្មានវេជ្ជបញ្ជាច្បាស់លាស់។ ចំណែករដ្ឋបាលចំណីអាហារនិងឱសថ (FDA) ក៏បានចូលរួមប្រឆាំងនឹងការចរាចរណ៍ផលិតផលនេះក្នុងទីផ្សារផងដែរ ។

គួរបញ្ជាក់ថាបាក់តេរី Pseudomonas aeruginosa អាចឆ្លងក្នុងឈាម សួត និងរបួសលើខ្លួនប្រាណ ជាពិសេសវាពិបាកព្យាបាលខ្លាំង ព្រោះជាបាក់តេរីធន់នឹងថ្នាំ៕

ប្រែសម្រួល ៖ វារី

ចុចអាន ៖ ថ្នាំបន្តក់ភ្នែកមួយប្រភេទ សង្ស័យបង្កគ្រោះថ្នាក់ដល់មនុស្សនៅ​ អាមេរិក