ថ្នាំបន្តក់ភ្នែកមួយប្រភេទ សង្ស័យបង្កគ្រោះថ្នាក់ដល់មនុស្សនៅ​ អាមេរិក

មជ្ឈមណ្ឌលគ្រប់គ្រង និងបង្ការជំងឺ (CDC) កំពុងធ្វើការពិសោធន៍ថ្នាំំបន្តក់ភ្នែក EzriCare artificial tears ព្រោះសង្ស័យថា មានបាក់តេរីធន់និងថ្នាំដែលបង្កគ្រោះថ្នាក់ដល់មនុស្សជាង ៥០នាក់ និងស្លាប់ម្នាក់ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាម CDC បានឲ្យដឹងថាអ្នកប្រើប្រាស់ថ្នាំបន្តក់ភ្នែក EzriCare ម្នាក់ស្លាប់ដោយសារឆ្លងមេរោគក្នុងសរសៃរឈាម ខ្លះទៀតមើលលែងឃើញ ក្រៅពីនេះវិជ្ជមានបាក់តេរីធន់នឹងថ្នាំនៅក្នុងខ្លួន ។

សូមបញ្ជាក់ដែរថា ជនរងគ្រោះជាពលរដ្ឋមកពីរដ្ឋទាំង ១១ គឺ កាលីហ្វ័រញ៉ា, ខូឡូរ៉ាដូ, Connecticut, ហ្លរីដា, ញូវជឺស៊ី, ញូវមិចស៊ិចកូ, ញូវយ៉ក, ណេវ៉ាដា, តិចសាស, យូថាហ៍, និងវ៉ាស៊ីនតោន ចំណែកឯបាក់តេរីដែលបង្កគ្រោះថ្នាក់មានឈ្មោះថា “Pseudomonas aeruginosa” មានសមត្ថភាពចម្លងមេរោគក្នុងឈាម ក្នុងសួត និងរបួស ហើយពិបាកព្យាបាលខ្លាំងព្រោះភាពធន់នឹងថ្នាំរបស់វា ។

ពាក់ព័ន្ធបញ្ហានេះ Global Pharma Healthcare ដែលជាអ្នកផលិតថ្នាំបន្តក់ភ្នែកខាងលើបានប្រកាសប្រមូលថ្នាំរបស់ខ្លួនយកមកវិញទាំងអស់ ហើយដើម្បីចៀសវាងការរីករាលដាលនៃគ្រោះថ្នាក់ ៕

ប្រែសម្រួល ៖ វារី

ប្រភព ៖ CBS

ចុចអាន ៖ ទម្លាប់អាក្រក់ ៥ យ៉ាង បណ្ដាលឲ្យខូចភ្នែកដោយមិនដឹងខ្លួន