ប្រទេសអ៊ីស្រាអែលកំពុងជួបប្រទះភាពវឹកវរ បន្ទាប់ពីលោកនាយករដ្ឋមន្ត្រី Benjamin Netanyahu បានពន្យារពេលចេញសេចក្តីថ្លែងការណ៍សាធារណៈតាមការគ្រោងទុក អំពីផែនការដ៏ចម្រូងចម្រាសក្នុងការ​រុះរើ​ប្រព័ន្ធ​យុត្តិធម៌ ខណៈប្រព័ន្ធផ្សព្វផ្សាយមួយចំនួនលើកឡើងថា គាត់អាចប្រឈមមុខនឹងការបះបោរពីគណបក្សស្តាំនិយមក្នុងក្រុមចម្រុះរបស់គាត់ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រធានក្រុមសហជីពដ៏ធំបំផុតរបស់អ៊ីស្រាអែល បានប្រកាសធ្វើកូដកម្ម ខណៈជើងហោះហើរចេញពីអាកាសយានដ្ឋានសំខាន់របស់ទីក្រុង Tel Aviv ក៏ត្រូវបានផ្អាកផងដែរ ។

ទន្ទឹមនោះ ប៉ូលិសបានប្រើកាណុងបាញ់ទឹក បាញ់ទៅលើក្រុមបាតុករពេលយប់ បន្ទាប់ពីមនុស្សរាប់ម៉ឺននាក់ដើរតាមផ្លូវ ដើម្បីតវ៉ាចំពោះការបណ្តេញរដ្ឋមន្ត្រីការពារជាតិ Yoav Gallant ចេញពីតំណែង ។

ការបណ្តេញបានកើតឡើង ក្រោយលោក Gallant ​ចេញមុខ​ប្រឆាំង​​ផែនការ​រុះរើ​ប្រព័ន្ធ​យុត្តិធម៌ ដែល​នឹង​នាំឲ្យ​រដ្ឋាភិបាល អាច​គ្រប់គ្រង​ពេញលេញ​លើ​គណៈកម្មាធិការ​ដែល​តែងតាំង​ដោយចៅក្រម ។

ទោះបីជាយ៉ាងណាក៏ដោយ សេតវិមាន​នៅ​អាមេរិក​ ​បាន​ចេញ​សេចក្តី​ថ្លែងការណ៍​មួយ ដោយ​ជំរុញ​ឲ្យ​អ៊ីស្រាអែល​ស្វែង​រក​ការ​សម្រុះសម្រួល​ឲ្យ​បាន​ឆាប់​តាម​ដែល​អាច​ធ្វើ​ទៅ​បាន៕

ប្រែសម្រួល៖ Vann Vann

ប្រភព៖ BBC

ចុចអាន៖ អ៊ីស្រាអែល បញ្ចប់តំណែងរដ្ឋមន្ត្រីការពារជាតិ ដោយសាររិះគន់ កំណែទម្រង់ប្រព័ន្ធតុលាការ