Connect with us

ព័ត៌មានអន្ដរជាតិ

មីយ៉ាន់ម៉ា ដោះលែងអ្នកទោសជាង ៣ ពាន់នាក់ ឲ្យសប្បាយរីករាយថ្ងៃចូល​ឆ្នាំថ្មី

បានផុស

នៅ

យោធាមីយ៉ាន់ម៉ាបានប្រកាសដោះលែងអ្នកទោសចំនួន ៣,១១៣ នាក់ រួមមានទាំងជនបរទេសចំនួន ៩៨ នាក់ផងដែរ ដើម្បីអបអរសាទរក្នុងពិធីបុណ្យចូលឆ្នាំប្រពៃណីរបស់ប្រទេសនេះ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកឧត្តមសេនីយឯក អ៊ុង លីនវ៉េ (Aung Lin Dwe) អ្នកនាំពាក្យយោធាមីយ៉ាន់ម៉ាបាននិយាយថា “ការលើកលែងទោសនេះ គឺជាការប្រារព្ធពិធីបុណ្យចូលឆ្នាំថ្មីរបស់មីយ៉ាន់ម៉ា និងដើម្បីនាំមកនូវភាពរីករាយសម្រាប់ប្រជាជន ក៏ដូចជាដោះស្រាយបញ្ហាមនុស្សធម៌” ។

ទោះជាយ៉ាងណា ក្នុងសេចក្តីថ្លែងការណ៍របស់យោធាមីយ៉ាន់ម៉ានៅថ្ងៃចន្ទនេះ មិនបានបញ្ជាក់ថាតើឥស្សរជនសំខាន់ៗរូបណាខ្លះដែលត្រូវបានជាប់ពន្ធនាគារ បន្ទាប់ពីប្រឆាំងការដណ្តើមអំណាចនៅក្នុងខែកុម្ភៈ ឆ្នាំ ២០២១ នឹងត្រូវបានដោះលែងនោះទេ ។

យោងតាមសមាគមជំនួយសម្រាប់អ្នកទោសនយោបាយ (AAPP) បានឲ្យដឹងថា ចាប់តាំងពីយោធាមីយ៉ាន់ម៉ាដណ្ដើមបានអំណាចកាលពី ២ ឆ្នាំមុន យ៉ាងហោចណាស់មនុស្ស ១៧,៤៦០ នាក់ត្រូវបានចាប់ឃុំខ្លួន និង ៣,២៤០ នាក់ត្រូវបានសម្លាប់ដោយយោធាមីយ៉ាន់ម៉ា ដោយសារតែប្រឆាំងនឹងរដ្ឋប្រហារ ។

គួរបញ្ជាក់ថា យោធាតែងតែផ្តល់ការលើកលែងទោសដល់អ្នកទោសមីយ៉ាន់ម៉ា ប៉ុន្តែចំនួននៅឆ្នាំនេះ និងឆ្នាំ ២០២២ គឺតិចជាងការដោះលែងអ្នកទោស ក្នុងឱកាសបុណ្យពុទ្ធសាសនាដូចគ្នាកាលពីឆ្នាំ ២០២១ ដែលមានចំនួន ២៣,០០០ នាក់ ៕

ប្រែសម្រួលដោយ ៖ ជីវ័ន្ត

ប្រភព ៖ Al Jazeera

ចុចអាន ៖ គ្រោះថ្នាក់ចរាចរណ៍ថ្ងៃចូលឆ្នាំថ្មីនៅ ថៃ ឆក់យកជីវិតមនុស្សជិត ២០០ នាក់

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម