ព័ត៌មានអន្ដរជាតិ
មីយ៉ាន់ម៉ា ដោះលែងអ្នកទោសនយោបាយ ជាង២ពាន់នាក់ អបអរពិធីបុណ្យពិសាខបូជា
នៅថ្ងៃពុធទី៣ខែឧសភា យោធាមីយ៉ាន់ម៉ា បានលើកលែងទោសដល់អ្នកទោសនយោបាយជាង២០០០នាក់ ដើម្បីអបអរពិធីបុណ្យពិសាខបូជា ខណៈក្រុមគ្រួសារបានប្រមូលផ្តុំគ្នានៅពន្ធនាគារសម្រាប់ការជួបជុំជាមួយមនុស្សជាទីស្រឡាញ់ ដែលត្រូវជាប់ពន្ធនាគារនៅក្នុងការបង្ក្រាបដ៏ខ្លាំងក្លាមួយលើក្រុមប្រឆាំង។

យោធាបានចាប់ខ្លួនបាតុករនិងសកម្មជនរាប់ពាន់នាក់ ចាប់តាំងពីរដ្ឋប្រហារខែកុម្ភៈឆ្នាំ២០២១ដែលបានបញ្ចប់ការដឹកនាំតាមបែបប្រជាធិបតេយ្យ និងបានធ្វើឲ្យប្រទេសនេះធ្លាក់ចូលក្នុងភាពចលាចល។
យោធាមីយ៉ាន់ម៉ាបាននិយាយនៅក្នុងសេចក្តីថ្លែងការណ៍មួយថា ការលើកលែងទោស ត្រូវបានផ្តល់ឲ្យទណ្ឌិតដែលទទួលទោសតាមក្រមព្រហ្មទណ្ឌ ៥០៥ (a) ចំនួន ២១៥៣នាក់។

អ្នកយកព័ត៌មាន AFP និយាយថា បន្ទាប់ពីសេចក្តីប្រកាស មនុស្សប្រហែល៥០នាក់ បានប្រមូលផ្តុំគ្នានៅខាងក្រៅពន្ធនាគារ Insein សម័យអាណានិគមរបស់ទីក្រុង យ៉ាំងហ្គោន។
ជាធម្មតា មីយ៉ាន់ម៉ា តែងតែផ្តល់ការលើកលែងទោសដល់អ្នកទោសរាប់ពាន់នាក់ ដើម្បីអបអរពិធីបុណ្យជាតិ ឬពិធីបុណ្យព្រះពុទ្ធសាសនា។

ហើយការប្រកាសនៅថ្ងៃពុធនេះ បានធ្វើឡើងខណៈរដ្ឋមន្ត្រីការបរទេសចិនលោក Qin Gang កំពុងស្ថិតក្នុងប្រទេសមីយ៉ាន់ម៉ា សម្រាប់កិច្ចពិភាក្សាជាមួយក្រុមឧត្តមសេនីយ៍ដែលអន្តរជាតិមិនសូវទទួលស្គាល់។
កាលពីថ្ងៃអង្គារ លោក Qin Gang បានជួបប្រមុខយោធា Min Aung Hlaing ដែលរឿងនេះ ធ្វើឲ្យលោកក្លាយជាមន្ត្រីចិនមានឋានៈខ្ពស់ជាងគេបំផុត ដែលបានជួបឧត្តមសេនីយ៍កំពូលចាប់តាំងពីរដ្ឋប្រហារ។
គួរបញ្ជាក់ថា មនុស្សជាង ២១០០០ នាក់ ត្រូវបានចាប់ខ្លួនចាប់តាំងពីយោធា បានទម្លាក់រដ្ឋាភិបាលលោកស្រី អ៊ុងសាន ស៊ូជី៕
ប្រែសម្រួល៖ Vann Vann
ប្រភព៖ CNA
ចុចអាន៖ មីយ៉ាន់ម៉ា ដោះលែងអ្នកទោសជាង ៣ ពាន់នាក់ ឲ្យសប្បាយរីករាយថ្ងៃចូល ឆ្នាំថ្មី
-
ព័ត៌មានជាតិ៦ ថ្ងៃ មុន
កូនប្រសារសម្ដេច ហេង សំរិន កំពុងកាន់តំណែងនៅរដ្ឋសភា រាជរដ្ឋាភិបាល និងជាអភិបាលខេត្ត
-
ព័ត៌មានអន្ដរជាតិ១ សប្តាហ៍ មុន
ទំនាយ៦យ៉ាងរបស់លោកយាយ Baba Vanga ក្នុងឆ្នាំ២០២៤ ខ្លាំងជាង ២០២៣
-
ព័ត៌មានជាតិ៥ ថ្ងៃ មុន
៣០ ឆ្នាំចុងក្រោយ ឥស្សរជនចំនួន១៤រូប ទទួលបានគោរមងារជា “សម្ដេច”
-
ព័ត៌មានអន្ដរជាតិ៦ ថ្ងៃ មុន
មេទ័ពអាមេរិក ថា សល់ពេល ៣០ ថ្ងៃទៀតប៉ុណ្ណោះ បើអ៊ុយក្រែន វាយរុស្ស៊ី មិនបែក នោះពិបាកហើយ
-
ព័ត៌មានជាតិ៥ ថ្ងៃ មុន
ថ្ងៃសៅរ៍នេះ ទូតបារាំង បើកឱកាសជាថ្មី ឱ្យសាធារណជនចូលទស្សនាឧទ្យានដ៏ស្រស់ស្អាតទំហំជិត៥ហិកតា
-
ព័ត៌មានជាតិ៤ ថ្ងៃ មុន
លោកឧកញ៉ា ចាន់ សុឃាំង បង្ហាញមូលហេតុបង្កឱ្យស្រូវប្រែប្រួលតម្លៃ
-
សន្តិសុខសង្គម២ ថ្ងៃ មុន
បងថ្លៃស្រីចាក់សម្លាប់ប្អូនស្រី និងកូនអាយុជាងមួយឆ្នាំប្លន់យកលុយជាង៤០លានរៀល
-
ព័ត៌មានជាតិ៤ ថ្ងៃ មុន
ទីបំផុត ស្រ្តីតែងខ្លួនជាប្រុសម្នាក់ត្រូវបានសមត្ថកិច្ចចាប់ខ្លួន ក្រោយតាមរំខានយុវតីម្នាក់រាប់ឆ្នាំ