ព័ត៌មានអន្ដរជាតិ
អ៊ីស្រាអែល វាយប្រហារអាកាស សម្លាប់មេបញ្ជាការក្រុមជីហាដឥស្លាម ៣នាក់នៅ ហ្គាហ្សា
ជនជាតិប៉ាឡេស្ទីនចំនួន១២នាក់ រួមទាំងមេបញ្ជាការបីនាក់ នៃក្រុមសកម្មប្រយុទ្ធឥស្លាមជីហាដផងដែរ ត្រូវបានសម្លាប់ក្នុងការវាយប្រហារតាមអាកាសរបស់អ៊ីស្រាអែលលើជ្រោយហ្គាហ្សា។
មន្ត្រីសុខាភិបាលប៉ាឡេស្ទីននិយាយថា ស្ត្រី៣នាក់និងកុមារ៣នាក់គឺស្ថិតក្នុងចំណោមអ្នកស្លាប់ខណៈ មនុស្ស២០នាក់ផ្សេងទៀតបានរងរបួស។
ការវាយប្រហារនេះកើតឡើង ចំពេលអ៊ីស្រាអែលនិយាយថា ខ្លួនបានបើកប្រតិបត្តិការមួយ សំដៅលើក្រុមសកម្មប្រយុទ្ធ ដែលបង្កការគំរាមកំហែង ដល់ពលរដ្ឋរបស់ខ្លួន។
ទោះបីជាយ៉ាងណាក៏ដោយ ក្រុមជីហាដឥស្លាមបានប្តេជ្ញាសងសឹក ហើយក្រុមសកម្មប្រយុទ្ធដែលមានមូលដ្ឋាននៅហ្គាហ្សា ត្រូវបានគេរំពឹងថា នឹងឆ្លើយតបដោយការបាញ់រ៉ុកកែតចូលទៅក្នុងប្រទេសអ៊ីស្រាអែលវិញ។
យន្តហោះចម្បាំង និងឧទ្ធម្ភាគចក្ររបស់អ៊ីស្រាអែល ៤០គ្រឿងបានបើកការវាយប្រហារនៅយ៉ាងសន្ធាប់មុនពេលព្រឹកព្រលឹមនៅទូទាំងតំបន់ហ្គាហ្សា ដោយកម្ទេចផ្ទះសម្បែង និងបង្កការភ័យស្លន់ស្លោក្នុងចំណោមអ្នកស្រុក។
លើសពីនេះ យោធាអ៊ីស្រាអែលនិយាយថា ក្រៅពីការកំណត់គោលដៅលើសកម្មប្រយុទ្ធទាំងបីនាក់ យន្តហោះរបស់ខ្លួនក៏បានវាយប្រហារទីតាំងចំនួន១០ដែលប្រើសម្រាប់ផលិតអាវុធ និងទីតាំងយោធាជីហាដឥស្លាមចំនួន៦ផងដែរ។
ទន្ទឹមនោះ កងពល al-Quds របស់ក្រុមជីហាដឥស្លាម បានកំណត់អត្តសញ្ញាណអ្នកទាំង៣ថាមានឈ្មោះ Jihad Shaker al-Ghannam ជាលេខាធិការនៃក្រុមប្រឹក្សាយោធា al-Quds, លោក Khalil Salah al-Bahtini ជាមេបញ្ជាការតំបន់ភាគខាងជើងរបស់ខ្លួន និងលោក Tariq Muhammad Ezzedine ជាមេដឹកនាំសកម្មភាពយោធានៅតំបន់ West Bank៕
ប្រែសម្រួល៖ Vann Vann
ប្រភព៖ BBC
ចុចអាន៖ ក្រុមហាម៉ាស ចាប់បានត្រីដូហ្វីនចារកម្មអ៊ីស្រាអែល បំពាក់អាវុធ អាចធ្វើឃាតអ្នកប្រយុទ្ធនៅ ហ្គាហ្សា
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៧ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ